ಅಯೋಧ್ಯೆ ರಾಮಮಂದಿರದಲ್ಲಿ ನರ್ತಿಸಲಿದ್ದಾರೆ ಖ್ಯಾತ ನಟಿ: ನೃತ್ಯ ರೂಪಕದಲ್ಲಿ ದರ್ಶನವಾಗಲಿದೆ ‘ರಾಮಾಯಣ’

Hema Malini Dance in Ayodhya: ಬಾಲಿವುಡ್‌’ನ ಡ್ರೀಮ್ ಗರ್ಲ್ ಹೇಮಾ ಮಾಲಿನಿ ಅದ್ಭುತವಾಗಿ ನಟಿಸುವುದು ಮಾತ್ರವಲ್ಲದೆ ತುಂಬಾ ಚೆನ್ನಾಗಿ ನೃತ್ಯ ಮಾಡುತ್ತಾರೆ. ಅಂದಹಾಗೆ ಬಿಜೆಪಿ ನಾಯಕಿ ಹೇಮಾ ಮಾಲಿನಿ ಅವರು ಅಯೋಧ್ಯೆಯ ರಾಮಮಂದಿರ ಪ್ರಾಣ ಪ್ರತಿಷ್ಠಾ ದಿವಸ್‌’ನಲ್ಲಿ ರಾಮಾಯಣ ಆಧಾರಿತ ನೃತ್ಯ ನಾಟಕವನ್ನು ಪ್ರಸ್ತುತಪಡಿಸಲಿದ್ದಾರೆ.

ಇದನ್ನೂ ಓದಿ: ಟಿ20 ವಿಶ್ವಕಪ್’ನಲ್ಲಿ ಈ ಇಬ್ಬರು ಆಟಗಾರರಿಗೆ ಸ್ಥಾನ!

ಹೇಮಾ ಮಾಲಿನಿ ಅನೇಕ ಕ್ಲಾಸಿಕ್ ಚಿತ್ರಗಳಲ್ಲಿನ ಅಭಿನಯಿಸಿ ಪ್ರಖ್ಯಾತಿ ಗಳಿಸಿದವರು. ಈಗ ಬಿಜೆಪಿ ನಾಯಕಿಯಾಗಿರುವ ನಟಿ-ರಾಜಕಾರಣಿ ಹೇಮಾ ಮಾಲಿನಿ ಅವರು ತಮ್ಮ ಕಚೇರಿಯಿಂದ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ರಾಮಮಂದಿರದ ಪ್ರತಿಷ್ಠಾಪನೆ ದಿನ ಅಯೋಧ್ಯೆಗೆ ಹೋಗಿ ಅಲ್ಲಿ ನೃತ್ಯ ರೂಪಕವನ್ನು ಪ್ರಸ್ತುತಪಡಿಸುವ ಬಗ್ಗೆ ಮಾತನಾಡುತ್ತಿದ್ದಾರೆ.

ಜಗತ್ ಗುರು ಪದ್ಮವಿಭೂಷಣ ರಾಮಭದ್ರಾಚಾರ್ಯರ 75ನೇ ಜನ್ಮದಿನದಂದು ಅಯೋಧ್ಯೆಯಲ್ಲಿ ಅಮೃತ ಮಹೋತ್ಸವವನ್ನು ಆಯೋಜಿಸಲಾಗಿದೆ. ಈ ಉತ್ಸವದಲ್ಲಿ ನಟಿ ಹೇಮಾ ಮಾಲಿನಿ ವಿಶೇಷ ಪ್ರದರ್ಶನ ನೀಡಲಿದ್ದಾರೆ. ಜನವರಿ 17 ರಂದು ನಡೆಯಲಿರುವ ಈ ಪ್ರಸ್ತುತಿ ರಾಮಾಯಣ ಮತ್ತು ಮಾ ದುರ್ಗದ ವಿಶೇಷ ಸಂಚಿಕೆಯನ್ನು ಆಧರಿಸಿದೆ. ಈವೆಂಟ್ ಜನವರಿ 14 ರಿಂದ ಪ್ರಾರಂಭವಾಗಿ ಜನವರಿ 22 ರವರೆಗೆ ಮುಂದುವರಿಯುತ್ತದೆ. ರಾಮಮಂದಿರದ ಪ್ರತಿಷ್ಠಾಪನೆಯ ಕಾರ್ಯಕ್ರಮವಿದ್ದು, ಹಲವು ಗಣ್ಯರು ಭಾಗವಹಿಸಲಿದ್ದಾರೆ. ಹೀಗೆಂದು ಸ್ವತಃ ಹೇಮಾ ಮಾಲಿನಿ ಅವರೇ ವಿಡಿಯೋ ಮೂಲಕ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಹಸುವಿನ ಸಗಣಿಯಿಂದ ತಯಾರಿಸಿದ 21 ಸಾವಿರ ದೀಪಗಳು ಅಯೋಧ್ಯೆಗೆ ರವಾನೆ: ‘ಪವಿತ್ರ ದೀಪಾವಳಿ’ ಆಚರಣೆ

ಕಳೆದ ವರ್ಷ ನವೆಂಬರ್‌’ನಲ್ಲಿ ಹೇಮಾ ಮಾಲಿನಿ ಅವರು ತಮ್ಮ ಲೋಕಸಭಾ ಕ್ಷೇತ್ರದಲ್ಲಿ ಸಂತ ಮೀರಾಬಾಯಿ ಅವರ 525 ನೇ ಜನ್ಮದಿನಾಚರಣೆಯ ಸಂದರ್ಭದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ನೃತ್ಯ ನಾಟಕವನ್ನು ಪ್ರಸ್ತುತಪಡಿಸಿದ್ದರು