`ಅರೆ ನಗ್ನತೆ ಮೂಲಕ ಅಶ್ಲೀಲತೆ ಹರಡುತ್ತಿದ್ದೀರಿ` ಎಂದು ರೆಹಾನಾ ಫಾತಿಮಾಗೆ ಸುಪ್ರೀಂ ಛೀಮಾರಿ

ನವದೆಹಲಿ: ಕೇರಳದ ಸಾಮಾಜಿಕ ಕಾರ್ಯಕರ್ತೆ ರೆಹಾನಾ ಫಾತಿಮಾ ಅವರು ತಮ್ಮ ಮಕ್ಕಳು ತಮ್ಮ ಅರೆನಗ್ನ ದೇಹದ ಮೇಲೆ ಚಿತ್ರಿಸುತ್ತಿರುವ ವಿವಾದಾತ್ಮಕ ವಿಡಿಯೋ ಕುರಿತು ಬಂಧನದಿಂದ ರಕ್ಷಣೆ ಕೋರಿರುವ ಮನವಿಯನ್ನು ಇಂದು ಸುಪ್ರೀಂಕೋರ್ಟ್ ತಿರಸ್ಕರಿಸಿದೆ.

ಇದನ್ನು ಅಶ್ಲೀಲತೆಯನ್ನು ಹರಡುವ ಕ್ರಿಯೆ ಎಂದು ಕರೆದ ಸುಪ್ರೀಂ ಕೋರ್ಟ್, "ನೀವು ಇದನ್ನೆಲ್ಲಾ ಏಕೆ ಮಾಡುತ್ತೀರಿ? ನೀವು ಕಾರ್ಯಕರ್ತರಾಗಿರಬಹುದು ಆದರೆ ಇದು ಅಸಂಬದ್ಧವಾಗಿದೆ? ಇದು ನೀವು ಹರಡುತ್ತಿರುವ ಅಶ್ಲೀಲತೆಯಾಗಿದೆ. ಸಮಾಜದಲ್ಲಿ ಕೆಟ್ಟ ಅಭಿರುಚಿಗೆ ನಾಂಧಿಯಾಗಲಿದೆ' ಎಂದು ನ್ಯಾಯಮೂರ್ತಿ ಅರುಣ್ ಮಿಶ್ರಾ ನೇತೃತ್ವದ ಮೂವರು ಸದಸ್ಯರ ಪೀಠವು ಪ್ರಶ್ನಿಸಿದೆ: "ಈ ಕೃತ್ಯದಿಂದ ಬೆಳೆಯುತ್ತಿರುವ ಮಕ್ಕಳು ಯಾವ ಅಭಿಪ್ರಾಯವನ್ನು ಪಡೆಯುತ್ತಾರೆ? ಎಂದು ಛೀಮಾರಿ ಹಾಕಿದೆ.

ಇದನ್ನು ಓದಿ:Topless ಆಗಿ ತನ್ನ ಮಕ್ಕಳಿಂದ Body Painting ಮಾಡಿಸಿದ Rehana Fathima, ಪ್ರಕರಣ ದಾಖಲು

14 ವರ್ಷದ ಬಾಲಕ ಮತ್ತು ಎಂಟು ವರ್ಷದ ಬಾಲಕಿ ತಮ್ಮ ಅರೆನಗ್ನ ದೇಹದ ಮೇಲೆ ಚಿತ್ರಕಲೆ ಬಿಡಿಸುತ್ತಿರುವ ವೀಡಿಯೋ ವೈರಲ್ ಆದ ನಂತರ ರೆಹಾನಾ ಫಾತಿಮಾ ಅವರ ಮೇಲೆ ಪೋಕ್ಸೊ (ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ) ಮತ್ತು ಐಟಿ (ಮಾಹಿತಿ ತಂತ್ರಜ್ಞಾನ) ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಯಿತು.

ತನ್ನ ಮನವಿಯಲ್ಲಿ ಫಾತಿಮಾ ಅವರು "ತನ್ನ ಮಕ್ಕಳಿಗಾಗಿ ಸ್ತ್ರೀ ರೂಪವನ್ನು ಸಾಮಾನ್ಯೀಕರಿಸುವ ಉದ್ದೇಶವನ್ನು ಹೊಂದಿದ್ದಾರೆ ಮತ್ತು ಲೈಂಗಿಕತೆಯ ವಿಕೃತ ವಿಚಾರಗಳನ್ನು ಅವರ ಮನಸ್ಸಿನಲ್ಲಿ ವ್ಯಾಪಿಸಲು ಅನುಮತಿಸುವುದಿಲ್ಲ" ಎಂದು ಹೇಳಿದರು.

ಸೆಪ್ಟೆಂಬರ್ 2018 ರಲ್ಲಿ ಶಬರಿಮಲೆ ದೇವಸ್ಥಾನಕ್ಕೆ ಪ್ರವೇಶಿಸುವ ಪ್ರಯತ್ನಕ್ಕಾಗಿ ಸುದ್ದಿ ಮಾಡಿದ ಕಾರ್ಯಕರ್ತೆ (ಸಾಂಪ್ರದಾಯಿಕವಾಗಿ ನಿರ್ಬಂಧಿತ 10-50 ವಯಸ್ಸಿನ ಮಹಿಳೆಯರನ್ನು ಪ್ರವೇಶಿಸಲು ಸುಪ್ರೀಂ ಕೋರ್ಟ್ ಅನುಮತಿ ನೀಡಿದ ನಂತರ), ಕೇರಳ ಹೈಕೋರ್ಟ್ ತನ್ನ ನಿರೀಕ್ಷಿತ ಜಾಮೀನು ನಿರಾಕರಿಸಿದ ನಂತರ ಸುಪ್ರೀಂ ಕೋರ್ಟ್ ಅನ್ನು ಸಂಪರ್ಕಿಸಿದ್ದರು.

ತನ್ನ ವಿರುದ್ಧದ ಪ್ರಕರಣವು ಜೀವನ, ಸ್ವಾತಂತ್ರ್ಯ ಮತ್ತು ಘನತೆಗೆ ತನ್ನ ಮೂಲಭೂತ ಹಕ್ಕುಗಳನ್ನು ಉಲ್ಲಂಘಿಸಿದೆ ಎಂದು ಅವರು ವಾದಿಸಿದ್ದರು.