Viral Video: ಬೆಕ್ಕಿನೊಂದಿಗೆ ಈ ಪುಟ್ಟ ಬಾಲಕ ಏನು ಮಾಡಿದ್ದಾನೆ ನೋಡಿ...

ನವದೆಹಲಿ: ಪುಟ್ಟ ಬಾಲಕನೊಬ್ಬ ಬೆಕ್ಕಿನೊಂದಿಗೆ ಆಹಾರ ಹಂಚಿಕೊಳ್ಳುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣ(Social Media)ದಲ್ಲಿ ಸಖತ್ ವೈರಲ್ ಆಗಿದೆ. ಶೇರ್ ಆದ ಕೆಲವೇ ಗಂಟೆಗಳಲ್ಲಿ ಈ ವಿಡಿಯೋವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದು, ಪುಟ್ಟ ಹುಡುಗ ಪ್ರಾಣಿಪ್ರೀತಿಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ.

18 ಸೆಕೆಂಡುಗಳ ಈ ವಿಡಿಯೋದಲ್ಲಿ ಪುಟ್ಟ ಬಾಲಕ ಬೆಕ್ಕಿ(Cat)ಗೆ ತನ್ನಲ್ಲಿರುವ ಬ್ರೆಡ್ ನೀಡುತ್ತಿರುವ ದೃಶ್ಯವನ್ನು ಅದ್ಭುತವಾಗಿ ಸೆರೆಹಿಡಿಯಲಾಗಿದೆ. @buitengebieden_ ಟ್ವಿಟರ್ ಖಾತೆಯಲ್ಲಿ ‘Sharing is caring’ ಎಂಬ ಕ್ಯಾಪ್ಶನ್ ಜೊತೆಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಪುಟ್ಟ ಬಾಲಕನ ಮುಗ್ಧತೆ, ಆತನು ಬೆಕ್ಕಿಗೆ ತೋರಿದ ಪ್ರೀತಿ-ಕಾಳಜಿ ನೋಡುವ ಪ್ರತಿಯೊಬ್ಬರ ಮೊಗದಲ್ಲಿಯೂ ಮಂದಹಾಸ ಮೂಡಿಸಿದೆ.

ಅನೇಕರು ಸಣ್ಣ ವಯಸ್ಸಿನಲ್ಲಿಯೇ ಹಂಚಿ ತಿನ್ನುವ ಗುಣ ಹೊಂದಿರುವ ಪುಟ್ಟ ಬಾಲಕನ ಹೃದಯ ವೈಶಾಲ್ಯತೆಗೆ ಮತ್ತು ಪ್ರಾಣಿಪ್ರೀತಿಗೆ ಮನಸೋತಿದ್ದಾರೆ. ನೂರಾರು ಕಾಲ ಚೆನ್ನಾಗಿರುವಂತೆ ಪುಟ್ಟ ಬಾಲಕನಿಗೆ ಅನೇಕರು ಆಶೀರ್ವದಿಸಿದ್ದಾರೆ. ಸದ್ಯ ಈ ವಿಡಿಯೋ ಸೋಷಿಯಲ್ ಮೀಡಿಯಾ(Social Media)ದಲ್ಲಿ ಸಖತ್ ಸೌಂಡ್ ಮಾಡುತ್ತಿದ್ದು, ನೋಡುವ ಪ್ರತಿಯೊಬ್ಬರಿಗೂ ಇಷ್ಟವಾಗುತ್ತಿದೆ.