ದೇಶದ ಶೇ 61 ರಷ್ಟು ಕೊರೊನಾ ಪ್ರಕರಣ ದಾಖಲಾತಿ ಈ ರಾಜ್ಯದಲ್ಲಿ..!

ನವದೆಹಲಿ: ಭಾರತದಲ್ಲಿ ದೈನಂದಿನ ಹೊಸ ಕೊರೊನಾ -19 ಪ್ರಕರಣಗಳಲ್ಲಿ ಮಹಾರಾಷ್ಟ್ರವು ಶೇಕಡಾ 61 ರಷ್ಟಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಬುಧವಾರ (ಮಾರ್ಚ್ 17, 2021) ಮಾಹಿತಿ ನೀಡಿದೆ.

ಮಹಾರಾಷ್ಟ್ರದಿಂದ ಕಳೆದ 24 ಗಂಟೆಗಳಲ್ಲಿ ಸುಮಾರು 61 ಸೋಂಕುಗಳು ಮತ್ತು ಶೇ 46 ರಷ್ಟು ಸಾವುಗಳು ವರದಿಯಾಗಿವೆ,. ಸೆಪ್ಟೆಂಬರ್‌ನಿಂದ ಮಹಾರಾಷ್ಟ್ರವು ಎರಡನೇ ತರಂಗದ ಅಂಚಿನಲ್ಲಿದೆ ಎಂದು ಕೇಂದ್ರವು ಗಮನಿಸಿದೆ.

ಇದನ್ನೂ ಓದಿ - ಮಹಾರಾಷ್ಟ್ರದಲ್ಲಿ ಕೊರೊನಾ ಪ್ರಕರಣಗಳ ಹೆಚ್ಚಳ ಆತಂಕಕಾರಿ ಎಂದ ಕೇಂದ್ರ...!

'ಭಾರತದ ಒಟ್ಟು ಸಕ್ರಿಯ ಪ್ರಕರಣಗಳಲ್ಲಿ ಮಹಾರಾಷ್ಟ್ರ, ಕೇರಳ ಮತ್ತು ಪಂಜಾಬ್ ಶೇಕಡಾ 76.4 ರಷ್ಟಿದೆ, ಮಹಾರಾಷ್ಟ್ರ ರಾಜ್ಯವೇ ಶೇ  60 ರಷ್ಟು ಕೊಡುಗೆ ನೀಡಿದೆ" ಎಂದು ಸಚಿವಾಲಯ ತಿಳಿಸಿದೆ. 

ಎರಡನೇ ತರಂಗದ ಹೆಚ್ಚಳಕ್ಕೆ ಜನರು ಮುಖವಾಡಗಳನ್ನು ಧರಿಸದಿರುವುದು ಪ್ರಕರಣಗಳ ಹೆಚ್ಚಳಕ್ಕೆ ಕಾರಣ ಎಂದು ಕೇಂದ್ರ ಸರ್ಕಾರ ಹೇಳಿಕೊಂಡಿದೆ.ಭಾರತದ ವಾಣಿಜ್ಯ ರಾಜಧಾನಿ ಮುಂಬೈ ಈಗಾಗಲೇ COVID-19 ವೈರಸ್ ಹರಡುವುದನ್ನು ತಡೆಯಲು ಈಗಾಗಲೇ ನಿಯಮಗಳನ್ನು ಬಿಗಿಗೊಳಿಸಿದೆ.ಏತನ್ಮಧ್ಯೆ, ಭಾರತದ ಒಟ್ಟು ಸಕ್ರಿಯ ಕ್ಯಾಸೆಲೋಡ್ 2,34,406 ಕ್ಕೆ ತಲುಪಿದೆ, ಇದು ಒಟ್ಟು ಸೋಂಕುಗಳ ಶೇಕಡಾ 2.05 ರಷ್ಟಿದೆ.

ಇದನ್ನೂ ಓದಿ - ದೆಹಲಿಯಲ್ಲಿ ಎರಡು ತಿಂಗಳ ನಂತರ ದಾಖಲೆಯ 409 ಕೊರೊನಾ ಪ್ರಕರಣ ಹೆಚ್ಚಳ

ಪ್ರಕರಣಗಳ ಹೆಚ್ಚಳ ಮುಖ್ಯವಾಗಿ ನಾಗ್ಪುರ ಮತ್ತು ಅಮರಾವತಿ, ಮುಂಬೈ ಮತ್ತು ಪುಣೆನಲ್ಲಿ ಹೆಚ್ಚಳವಾಗುವ ಮೂಲಕ ವೈರಸ್ ನ ಕೇಂದ್ರವಾಗಿ ಪರಿವರ್ತನೆಯಾಗಿದೆ.