National Animal vs National Bird: ಗರಿಬಿಚ್ಚಿದ ನವಿಲಿನ ಮೇಲೆ ಹುಲಿರಾಯನ ದಾಳಿ, ವಿಡಿಯೋ ವೈರಲ್!

ನವದೆಹಲಿ: ಪ್ರತಿದಿನ ಸೋಷಿಯಲ್ ಮೀಡಿಯಾದಲ್ಲಿ ಅನೇಕ ವಿಡಿಯೋಗಳು ವೈರಲ್ ಆಗುತ್ತವೆ. ಆದರೆ ಕೆಲವು ಮಾತ್ರ ನೋಡುಗರ ನೆನಪಿನಲ್ಲಿ ಉಳಿಯುತ್ತವೆ. ವೈರಲ್ ಲೋಕದಲ್ಲಿ ಆಗಾಗ ಪ್ರಾಣಿಗಳ ಅದ್ಭುತ ವಿಡಿಯೋಗಳು ಕಣ್ತುಂಬಿಕೊಳ್ಳಲು ಸಿಗುತ್ತವೆ. ಅಂತಹದ್ದೇ ಒಂದು ವಿಡಿಯೋದಲ್ಲಿ ಭಾರತೀಯ ರಾಷ್ಟ್ರೀಯ ಪ್ರಾಣಿ ಮತ್ತು ರಾಷ್ಟ್ರೀಯ ಪಕ್ಷಿ ಪರಸ್ಪರ ಮುಖಾಮುಖಿಯಾಗಿವೆ. ಕೇವಲ 16 ಸೆಕೆಂಡುಗಳಿರುವ ಈ ವಿಡಿಯೋ ನೋಡುಗರ ಗಮನ ಸೆಳೆಯುತ್ತಿದೆ.

ಇದನ್ನೂ ಓದಿ: ಬೆರಳುಗಳಿಂದಲೇ ಚಾರ್ಜ್ ಆಗಲಿದೆ ಫೋನ್, ಬೆವರಿನಿಂದಲೇ ಉತ್ಪತ್ತಿಯಾಗುತ್ತದೆ ವಿದ್ಯುತ್

ಸದ್ಯ ಸೋಷಿಯಲ್ ಮೀಡಿಯಾ(Social Media)ದಲ್ಲಿ ಸಖತ್ ವೈರಲ್ ಆಗುತ್ತಿರುವ ಈ ವಿಡಿಯೋದಲ್ಲಿ ಹುಲಿಯೊಂದು ನಿದ್ರಿಸುತ್ತಿತ್ತು. ಈ ವೇಳೆ ಅಲ್ಲಿಯೇ ಇದ್ದ ನವಿಲು ಜೋರಾಗಿ ಕೂಗಿ ಹುಲಿಯ ನಿದ್ರೆಗೆ ಭಂಗ ತಂದಿದೆ. ಹತ್ತಿರವೇ ಹುಲಿ(Tiger) ಇದೆ ಎಂಬುದು ನವಿಲಿಗೆ ಗೊತ್ತಾಗಿಲ್ಲ. ಅದು ಕೂಗುತ್ತಾ ಕೂಗುತ್ತಾ ಗರಿಬಿಚ್ಚಿ ನರ್ತಿಸುತ್ತಿತ್ತು. ಇದರಿಂದ ಕೋಪಿಸಿಕೊಂಡ ಹುಲಿ ಮೆಲ್ಲನೆ ಬಂದು ಗರಿಬಿಚ್ಚಿ ನರ್ತಿಸುತ್ತಿದ್ದ ನವಿಲಿನ ಮೇಲೆ ದಾಳಿ ನಡೆಸಿದೆ. ಆದರೆ ಕ್ಷಣಮಾತ್ರದಲ್ಲಿಯೇ ನವಿಲು ಹುಲಿಯ ದಾಳಿಯಿಂದ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ.

ತನ್ನ ನಿದ್ರೆಗೆ ಭಂಗ ತಂದ ನವಿಲನ್ನು ಹಿಡಿಯಬೇಕೆಂದು ಮೆಲ್ಲಗೆ ಬಂದು ದಾಳಿ ನಡೆಸಿದ ಹುಲಿ ಕೈಗೆ ನವಿಲು(Peacock) ಸಿಗದೆ ತಪ್ಪಿಸಿಕೊಂಡಿರುವ ವಿಡಿಯೋವನ್ನು ಅದ್ಭುತವಾಗಿ ಸೆರೆಹಿಡಿಯಲಾಗಿದೆ. ಲಕ್ಷಾಂತರ ಜನರು ಈ ವಿಡಿಯೋವನ್ನು ವೀಕ್ಷಿಸಿದ್ದು, ಅನೇಕರು ಕಾಮೆಂಟ್ ಮಾಡಿದ್ದಾರೆ. ಜಂಗಲ್ ರಾಜನ ದಾಳಿಯಿಂದ ತಪ್ಪಿಸಿಕೊಂಡು ಪ್ರಾಣ ಉಳಿಸಿಕೊಂಡ ನವಿಲು ಅದೃಷ್ಟದ್ದಾಗಿದೆ ಅಂತಾ ಕೆಲವರು ಪ್ರತಿಕ್ರಿಯಿಸಿದ್ದಾರೆ.