PM Kisan ಯೋಜನೆಯ ಈ ದಿನಾಂಕದ ಮೊದಲೆ ಈ ಕೆಲಸ ಮಾಡಿದರೆ ರೈತ ಖಾತೆಗೆ ಬರುತ್ತೆ 4000 ರೂ.

ನವದೆಹಲಿ : ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ ಅಡಿಯಲ್ಲಿ ನೀವು ಹಿಂದಿನ ಕಂತನ್ನು ಸ್ವೀಕರಿಸದಿದ್ದರೆ, ಚಿಂತಿಸಬೇಕಾಗಿಲ್ಲ. ನಿಮ್ಮ ಸಿಲುಕಿಕೊಂಡಿರುವ ಕಂತಿನ ಹಣ ಸದ್ಯದಲ್ಲೇ ಬಿಡುಗಡೆಯಾಗಲಿದೆ. ಇದಕ್ಕಾಗಿ ನೀವು ಈ ವಿಧಾನವನ್ನು ಅನುಸರಿಸಬೇಕು. ಈ ಯೋಜನೆಗೆ ಸಂಬಂಧವಿಲ್ಲದ ರೈತರು ನೋಂದಾಯಿಸುವ ಮೂಲಕ ನೇರವಾಗಿ 4000 ರೂಪಾಯಿಗಳ ಲಾಭವನ್ನು ಪಡೆಯಬಹುದು.

ತಪ್ಪುಗಳನ್ನು ಸರಿಪಡಿಸಿ

ಪ್ರಧಾನ ಮಂತ್ರಿ ಕಿಸಾನ್ ಯೋಜನೆ(PM Kisan Samman Nidhi Yojana)ಯಡಿ, ವಾರ್ಷಿಕವಾಗಿ 6 ​​ಸಾವಿರ ರೂಪಾಯಿಗಳನ್ನು ರೈತರ ಖಾತೆಗೆ ವರ್ಗಾಯಿಸಲಾಗುತ್ತದೆ. ಈ ಮೊತ್ತವನ್ನು 2000-2000 ರೂಪಾಯಿಗಳ ಮೂರು ಕಂತುಗಳಲ್ಲಿ ವರ್ಗಾಯಿಸಲಾಗುತ್ತದೆ. ಯೋಜನೆಯಡಿ, ರೈತರ ಕಂತು ಸಿಲುಕಿಕೊಂಡರೆ, ಹಿಂದಿನ ಕಂತಿನ ಹಣವನ್ನು ಮುಂದಿನ ಕಂತಿನೊಂದಿಗೆ ಪಡೆಯಲಾಗುತ್ತದೆ. ಇದಕ್ಕಾಗಿ, ನಿಮ್ಮ ಅರ್ಜಿಯಲ್ಲಿ ನಮೂದಿಸಿದ ತಪ್ಪುಗಳನ್ನು ನೀವು ಸರಿಪಡಿಸಬೇಕು. ಇದಕ್ಕಾಗಿ ನೀವು pmkisan.gov.in/Grievance.aspx ಗೆ ಭೇಟಿ ನೀಡುವ ಮೂಲಕ ತಪ್ಪುಗಳನ್ನು ಸರಿಪಡಿಸಿಕೊಳ್ಳಬೇಕು.

ಇದನ್ನೂ ಓದಿ : EPFO ಚಂದಾದಾರರಿಗೆ ಮಹತ್ವದ ಸುದ್ದಿ! ಉದ್ಯೋಗಿಗಳು ತಮ್ಮ ಇಕ್ವಿಟಿ ಹೂಡಿಕೆ ನಿರ್ಧರಿಸಬಹುದೇ? ಇಲ್ಲಿದೆ ವಿವರ

ಖಾತೆಗೆ ಬರುತ್ತವೆ 4 ಸಾವಿರ ರೂ. 

ಪಿಎಂ ಕಿಸಾನ್ ಯೋಜನೆಯಲ್ಲಿ ಇನ್ನೂ ತಮ್ಮನ್ನು ನೋಂದಾಯಿಸಿಕೊಳ್ಳದ(PM Kisan Registration) ರೈತರು, ಸೆಪ್ಟೆಂಬರ್ 30 ರೊಳಗೆ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಇದನ್ನು ಮಾಡುವುದರಿಂದ ಅವರು 4000 ರೂಗಳನ್ನು ಪಡೆಯಲು ಅರ್ಹರಾಗಿರುತ್ತಾರೆ. ಅವರು 2 ಸತತ ಕಂತುಗಳನ್ನು ಅಂದರೆ 4 ಸಾವಿರ ರೂಪಾಯಿಗಳನ್ನು ಪಡೆಯುತ್ತಾರೆ. ನಿಮ್ಮ ಅರ್ಜಿಯನ್ನು ಸ್ವೀಕರಿಸಿದ ನಂತರ ಅಕ್ಟೋಬರ್ ಅಥವಾ ನವೆಂಬರ್‌ನಲ್ಲಿ ನಿಮ್ಮ ಖಾತೆಯಲ್ಲಿ 2000 ರೂಪಾಯಿಗಳು ಬರುತ್ತವೆ. ಅದೇ ಸಮಯದಲ್ಲಿ, 2000 ರೂಪಾಯಿಗಳು ಡಿಸೆಂಬರ್‌ನಲ್ಲಿ ಲಭ್ಯವಿರುತ್ತವೆ.

ಈ ರೀತಿ ನೋಂದಾಯಿಸಿಕೊಳ್ಳಿ

PM ಕಿಸಾನ್ ವೆಬ್‌ಸೈಟ್ pmkisan.gov.in ಗೆ ಹೋಗಿ. ಇಲ್ಲಿ ನೀವು ರೈತ ಕಾರ್ನರ್‌(Farmers Corner)ಗಳನ್ನು ನೋಡುತ್ತೀರಿ. ಅಲ್ಲಿಗೆ ಹೋಗಿ ಮತ್ತು ಹೊಸ ರೈತ ನೋಂದಣಿಯ ಮೇಲೆ ಕ್ಲಿಕ್ ಮಾಡಿ. ಇದರ ನಂತರ, ನೀವು ಆಧಾರ್ ಮತ್ತು ಬ್ಯಾಂಕ್ ಖಾತೆ ಇತ್ಯಾದಿಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ನೀಡುವ ಫಾರ್ಮ್ ಅನ್ನು ಭರ್ತಿ ಮಾಡಬೇಕು.

ಇದನ್ನೂ ಓದಿ : Funny Video: ನಡು ರಸ್ತೆಯಲ್ಲಿ ಬ್ಯಾಂಗ್ ಡಾನ್ಸ್ ಮಾಡಿದ ಹುಡುಗಿ, ವಿಡಿಯೋ ಕಂಡು ನೆಟಿಜನ್‌ಗಳು ಹೇಳಿದ್ದೇನು?

9 ಕಂತುಗಳ ಹಣ ಬಿಡುಗಡೆ ಮಾಡಲಾಗಿದೆ

ಪ್ರಧಾನ ಮಂತ್ರಿ ಕಿಸಾನ್ ಯೋಜನೆಯಡಿ ಕೇಂದ್ರ ಸರ್ಕಾರ(Central Government)ವು ಇಲ್ಲಿಯವರೆಗೆ ಒಟ್ಟು 9 ಕಂತುಗಳ ಹಣ ಬಿಡುಗಡೆ ಮಾಡಿದೆ. ಮೊದಲ ಕಂತಾಗಿ, 2000 ರೂ. ಮೊತ್ತವು 3.16 ಕೋಟಿ ರೈತರ ಖಾತೆಗೆ ತಲುಪಿದ್ದು, ಇಲ್ಲಿಯವರೆಗೆ 9 ನೇ ಕಂತಿನಲ್ಲಿ 9.9 ಕೋಟಿ ರೈತರಿಗೆ ಹಣವನ್ನು ಕಳುಹಿಸಲಾಗಿದೆ. ಈಗ ನವೆಂಬರ್ 30 ರವರೆಗೆ, 9 ನೇ ಕಂತಿನ ಹಣವನ್ನು ಉಳಿದ ರೈತರ ಖಾತೆಗೆ ಕಳುಹಿಸಲಾಗುತ್ತದೆ.