ಪ್ರಧಾನಿ ಮೋದಿ ಆಫರ್ ಗೆ ಎನ್ಸಿಪಿ ಸುಪ್ರೀಯಾ ಸುಳೆ ಏನಂತಾರೆ...!

ನವದೆಹಲಿ: ರಾಷ್ಟ್ರೀಯವಾದಿ ಕಾಂಗ್ರೆಸ್ ಪಕ್ಷದ (ಎನ್‌ಸಿಪಿ) ಮುಖಂಡ ಸುಪ್ರಿಯಾ ಸುಳೆ, ಪ್ರಧಾನಿ ನರೇಂದ್ರ ಮೋದಿ ಅವರು ಒಟ್ಟಿಗೆ ಕೆಲಸ ಮಾಡುವುದಾಗಿ ಪ್ರಸ್ತಾಪಿಸಿದ್ದಾರೆ ಎಂಬ ಅವರ ತಂದೆ ಶರದ್ ಪವಾರ್ ಅವರ ಹೇಳಿಕೆಗೆ ಪ್ರತಿಕ್ರಿಯಿಸಿದ ಅವರು, ಇದು ಪ್ರಧಾನಮಂತ್ರಿಯವರ ದೊಡ್ಡತನ ಎಂದರು. ಆದರೆ ತಮ್ಮ ತಂದೆ ಇದನ್ನು ನಮ್ರತೆಯಿಂದ ತಿರಸ್ಕರಿಸಿದ್ದಾರೆ ಎಂದು ಹೇಳಿದರು.

"ನಾನು ಆ ಸಭೆಯಲ್ಲಿ ಇರಲಿಲ್ಲ. ಅದು ಇಬ್ಬರು ಹಿರಿಯರ ನಡುವೆ ಇತ್ತು. ಅವರು ಈ ಪ್ರಸ್ತಾಪ ಮಾಡಿದ್ದರೆ ಅದು ಪ್ರಧಾನಮಂತ್ರಿಯವರ ಧಾರಾಳತನ. ಸೈದ್ಧಾಂತಿಕ ಭಿನ್ನಾಭಿಪ್ರಾಯಗಳಿದ್ದರೂ ಸಹ ಮಹಾರಾಷ್ಟ್ರದಲ್ಲಿ ವೈಯಕ್ತಿಕ ಸಂಬಂಧಗಳು ಬಹಳ ಮುಖ್ಯ" ಎಂದು ಸುಪ್ರಿಯಾ ಸುಳೆ ಖಾಸಗಿ ವಾಹಿನಿಗೆ ಹೇಳಿದರು ."ಆದರೆ ಪವಾರ್-ಜಿ ಹೇಳಿದ್ದನ್ನು ನೀವು ಕೇಳಿದರೆ, 'ನಾನು ನಮ್ರತೆಯಿಂದ ಇಲ್ಲವೆಂದು ಹೇಳಲು ಬಯಸುತ್ತೇನೆ' ಎಂದರು ಹೇಳಿದರು.

ಎನ್ಸಿಪಿ ನಾಯಕ ಶರದ್ ಪವಾರ್ ಅವರು ಮರಾಠಿ ಚಾನಲ್ ಗೆ ನೀಡಿರುವ ಸಂದರ್ಶನದಲ್ಲಿ "ನಾವು ಒಟ್ಟಿಗೆ ಕೆಲಸ ಮಾಡಬೇಕೆಂದು ಪಿಎಂ ಮೋದಿ ಪ್ರಸ್ತಾಪಿಸಿದರು. ನಮ್ಮ ವೈಯಕ್ತಿಕ ಸಂಬಂಧಗಳು ತುಂಬಾ ಒಳ್ಳೆಯದು ಮತ್ತು ಅವುಗಳು ಹಾಗೇ ಉಳಿಯುತ್ತವೆ ಎಂದು ನಾನು ಅವರಿಗೆ ಹೇಳಿದೆ, ಆದರೆ ನಾನು ಒಟ್ಟಿಗೆ ಕೆಲಸ ಮಾಡಲು ಸಾಧ್ಯವಿಲ್ಲ" ಎಂದು ಪವಾರ್ ಚಾನೆಲ್ ಗೆ ತಿಳಿಸಿದರು.

ಮೋದಿ ಸರ್ಕಾರ ಅವರನ್ನು ಭಾರತದ ರಾಷ್ಟ್ರಪತಿಯನ್ನಾಗಿ ಮಾಡಲು ಮುಂದಾಗಿದೆ ಎಂಬ ವರದಿಗಳನ್ನು ಎನ್‌ಸಿಪಿ ಮುಖ್ಯಸ್ಥರು ತಳ್ಳಿಹಾಕಿದರು. "ಆದರೆ ಮೋದಿ ನೇತೃತ್ವದ ಸಂಪುಟದಲ್ಲಿ ಸುಪ್ರಿಯಾ ಅವರನ್ನು ಮಂತ್ರಿಯನ್ನಾಗಿ ಮಾಡುವ ಪ್ರಸ್ತಾಪವಿತ್ತು" ಎಂದು ಪವಾರ ಹೇಳಿದ್ದರು.