ಕೋಳಿಯನ್ನು ದುರ್ಬಲ ಎಂದುಕೊಂಡು ಜಗಳಕ್ಕೆ ನಿಂತ ಬೆಕ್ಕು, ಆದರೆ ಆಗಿದ್ದೇನು ? ಫೈಟಿಂಗ್ ನ full video ಇಲ್ಲಿದೆ

ನವದೆಹಲಿ :  ಸಾಮಾಜಿಕ ಜಾಲತಾಣಗಳಲ್ಲಿ (Social media) ವೈರಲ್ ಆಗುವ ಕೆಲವೊಂದು ವಿಡಿಯೋಗಳು ನಗುವಿನ ಕಚಗುಳಿ ಇಡುತ್ತವೆ. ಒಮ್ಮೊಮ್ಮೆ ಅಚ್ಚರಿಯೂ ಆಗುತ್ತದೆ.  ಟ್ವಿಟರ್‌ನಲ್ಲಿ ಕಾಣಿಸಿಕೊಂಡಿರುವ ಬೆಕ್ಕು ಮತ್ತು ಕೋಳಿ ಕಾಳಗದ ಇದೇ ರೀತಿಯ ವೀಡಿಯೊವನ್ನು (Viral video) ಸಾಕಷ್ಟು ಬಾರಿ ವೀಕ್ಷಿಸಲಾಗಿದೆ. 

ತೆರೆದ ಮೈದಾನದಲ್ಲಿ  ಕೋಳಿಗಳು ನಡೆದಾಡುತ್ತಿರುವುದನ್ನು ವೀಡಿಯೊದಲ್ಲಿ (Viral video) ಕಾಣಬಹುದು. ಈ ಸಂದರ್ಭದಲ್ಲಿ ಅಲ್ಲೇ ಕುಳಿತಿರುವ ಬೆಕ್ಕು, ಕೋಳಿಯೊಡನೆ ಜಗಳಕ್ಕೆ ನಿಲ್ಲುತ್ತದೆ.  ಕೆಲ ಹೊತ್ತು ಹೀಗೆ ಇವುಗಳ ಜಗಳ ಮುಂದುವರೆಯುತ್ತದೆ. ಒಂದು ಹಂತದಲ್ಲಂತೂ ಬಡಪಾಯಿ ಕೋಳಿಯನ್ನು ಬೆಕ್ಕು ಕುತ್ತಿಗೆಯನ್ನು ಒತ್ತಿ ಹಿಡಿದಿಡುತ್ತದೆ. 

ಇದರ ನಂತರ ವಿಡಿಯೋದಲ್ಲಿ (Funny video) ಕಾಣ ಸಿಗುವ ದೃಶ್ಯ ಆಶ್ಚರ್ಯವನ್ನು ಉಂಟು ಮಾಡುತ್ತದೆ.  ಬೆಕ್ಕು ಕೋಳಿಯ ಮೇಲೆ ದಾಳಿ ಮಾಡಿದ ತಕ್ಷಣ, ಹತ್ತಿರದಲ್ಲಿದ್ದ ಇನ್ನೊಂದು ಕೋಳಿ ಬೆಕ್ಕಿನ ಮೇಲೆ ಎರಗುತ್ತದೆ. ಎರಡೂ  ಕೋಳಿಗಳು ಸೇರಿ ಬೆಕ್ಕಿನ ಮೇಲೆ ದಾಳಿ ಶುರು ಮಾಡುತ್ತವೆ. ಬೆಕ್ಕು ಹಿಮ್ಮೆಟ್ಟುವವರೆಗೂ ಈ ಕೋಳಿಗಳು ಬಿಡುವುದೇ ಇಲ್ಲ. ಕೊನೆಗೂ ಕೋಳಿಗಳ ಜೊತೆ ಜಗಳಕ್ಕೆ ನಿಂತ ಬೆಕ್ಕು ಸೋಲನುಭವಿಸಬೇಕಾಯಿತು.   

ಬೆಕ್ಕು ಮತ್ತು ಕೋಳಿ ಕಾಳಗದ ಈ ವಿಡಿಯೋವನ್ನು ಟ್ವಿಟರ್ ಫನ್ನಿ ವಿಡಿಯೋಗಳು / ವೈರಲ್ ವಿಡಿಯೋಗಳಲ್ಲಿ ಶೇರ್ ಮಾಡಲಾಗಿದೆ. ಈ ವಿಡಿಯೋವನ್ನು ಇದುವರೆಗೆ 1.73 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ ಮತ್ತು ಹೆಚ್ಚಿನ ಸಂಖ್ಯೆಯ ನೆಟ್ಟಿಗರು ಈ ವಿಡಿಯೋಗೆ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ : Video: ಮನೆಯಲ್ಲಿ ಅಡಗಿದ್ದ ನಾಗರಹಾವನ್ನು ನಾಯಿ ಮರಿಯಂತೆ ಎಳೆದುಕೊಂಡು ಹೋದ ಅಜ್ಜಿ