ರಾಮಮಂದಿರ ಲೋಕಾರ್ಪಣೆ ದಿನ ಅಯೋಧ್ಯೆಯಲ್ಲಿ ಬಿಗಿ ಭದ್ರತೆ: ಎಲ್ಲಿಲ್ಲೆ ಹೇಗಿರಲಿದೆ ಗೊತ್ತಾ ಸೆಕ್ಯೂರಿಟಿ?

Pran Pratishtha Day Security: ಅಯೋಧ್ಯೆಯ ರಾಮಮಂದಿರದ ಪ್ರಾಣ ಪ್ರತಿಷ್ಠೆಯ ಸಿದ್ಧತೆಯಲ್ಲಿ ಆ ದಿನದ ಭದ್ರತೆಯೂ ಸೇರಿದೆ. ಇದಕ್ಕಾಗಿ ಇಡೀ ಅಯೋಧ್ಯೆಯ ಭದ್ರತೆಯನ್ನು ಕೆಂಪು ವಲಯ ಮತ್ತು ಹಳದಿ ವಲಯ ಎಂದು ವಿಂಗಡಿಸಲಾಗಿದೆ. ರಾಮ ಮಂದಿರ ರೆಡ್ ಝೋನ್‌’ನಲ್ಲಿ ಇರಲಿದ್ದು, ಸಿಆರ್‌ಪಿಎಫ್‌ನ 6 ಕಂಪನಿಗಳು, ಪಿಎಸಿಯ 3 ಕಂಪನಿಗಳು, ಎಸ್‌ಎಸ್‌ಎಫ್‌ನ 9 ಕಂಪನಿಗಳು, 300 ಪೊಲೀಸರು, 47 ಅಗ್ನಿಶಾಮಕ ಸಿಬ್ಬಂದಿ, 38 ಎಲ್ಐಯು ಸಿಬ್ಬಂದಿ, 40 ರೇಡಿಯೋ ಪೊಲೀಸ್ ಸಿಬ್ಬಂದಿಯನ್ನು ರಾಮ ಮಂದಿರದ ಭದ್ರತೆಗೆ ನಿಯೋಜಿಸಲಾಗುವುದು.

ಇದನ್ನೂ ಓದಿ:  'ಕ್ಯಾಪ್ಟನ್ ಮಿಲ್ಲರ್' ಚಿತ್ರೋತ್ಸವದಲ್ಲಿ ಶಿವಣ್ಣ ಜೊತೆ ಹೆಜ್ಜೆ ಹಾಕಿದ ಧನುಷ್! ವಿಡಿಯೋ ವೈರಲ್

ಇದಲ್ಲದೆ ಬಾಂಬ್ ಪತ್ತೆ ಮತ್ತು ನಿಷ್ಕ್ರಿಯ ದಳದ ಎರಡು ತಂಡಗಳನ್ನು ನಿಯೋಜಿಸಲಾಗುವುದು. ಆಂಟಿ ಸಬೊಟೇಜ್ ಸ್ಕ್ವಾಡ್‌ನ ಎರಡು ತಂಡಗಳು ಮತ್ತು ಪಿಎಸಿಯ ಕಮಾಂಡೋ ಘಟಕವೂ ಇರುತ್ತದೆ. ಎಟಿಎಸ್ ಮತ್ತು ಎಸ್‌ಟಿಎಫ್, ಎನ್‌ಎಸ್‌ಜಿ ಮತ್ತು ಕೇಂದ್ರೀಯ ಏಜೆನ್ಸಿಗಳ ತಲಾ ಒಂದು ಘಟಕದೊಂದಿಗೆ ನಿಯೋಜಿಸಲಾಗುವುದು.

ಅಯೋಧ್ಯೆಯ ಭದ್ರತೆಗೆ ಸಂಬಂಧಿಸಿದಂತೆ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಮತ್ತು ಭದ್ರತಾ ಅಧಿಕಾರಿಗಳ ನಡುವೆ ಸಮನ್ವಯ ಸಭೆ ನಡೆಸಲಾಗಿದೆ. ಹನುಮಂತನಗರ ಮತ್ತು ಕನಕ ಭವನ ಹಳದಿ ವಲಯದಲ್ಲಿರುತ್ತದೆ. ಹಳದಿ ವಲಯದ ಭದ್ರತೆಗಾಗಿ 34 ಸಬ್ ಇನ್ಸ್‌ಪೆಕ್ಟರ್‌ಗಳು, 71 ಹೆಡ್ ಕಾನ್‌ಸ್ಟೆಬಲ್‌ಗಳು, 312 ಕಾನ್‌ಸ್ಟೆಬಲ್‌ಗಳನ್ನು ನಿಯೋಜಿಸಲಾಗುವುದು. ಅಯೋಧ್ಯೆಯ ಭದ್ರತೆ ಮತ್ತು ಸುರಕ್ಷತಾ ಸಾಧನಗಳಿಗೆ 90 ಕೋಟಿ ರೂ. ಪ್ರಾಯೋಗಿಕ ಯೋಜನೆಯಾಗಿ ಅಯೋಧ್ಯೆಯಲ್ಲಿ AI ಆಧಾರಿತ ವ್ಯವಸ್ಥೆಯನ್ನು ಸಹ ಸ್ಥಾಪಿಸಲಾಗುವುದು.

ಜನವರಿ 22 ರಂದು ನಡೆಯುವ ಪ್ರತಿಷ್ಠೆಯ ಕಾರ್ಯಕ್ರಮದಲ್ಲಿ, ವಿಶೇಷ ಭದ್ರತೆಗಾಗಿ ಕ್ಯೂಆರ್ ಕೋಡ್ ಹೊಂದಿರುವ ಆಮಂತ್ರಣ ಕಾರ್ಡ್‌ಗಳ ಮೂಲಕ ಅತಿಥಿಗಳಿಗೆ ಪ್ರವೇಶ ನೀಡಲಾಗುವುದು. ಇದಕ್ಕಾಗಿ ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಆಯ್ದ 7000 ಅತಿಥಿಗಳಿಗೆ ಮಾತ್ರ ಈ ಕಾರ್ಡ್ ಅನ್ನು ನೀಡುತ್ತಿದೆ. ಇದರೊಂದಿಗೆ ದೇಶದ ವಿವಿಧ ಭಾಗಗಳಿಂದ ಬರುವ ಹಲವು ಅತಿಥಿಗಳು ವಿಶೇಷ ಚಾರ್ಟರ್ಡ್ ವಿಮಾನದ ಮೂಲಕ ಅಯೋಧ್ಯೆಗೆ ಆಗಮಿಸಲಿದ್ದು, ಇದಕ್ಕಾಗಿ ಜಿಲ್ಲಾಡಳಿತ ಮತ್ತು ಭದ್ರತಾ ಅಧಿಕಾರಿಗಳು ವಿಶೇಷ ಭದ್ರತಾ ವ್ಯವಸ್ಥೆಯಲ್ಲಿ ನಿರತರಾಗಿದ್ದಾರೆ.

ಇದನ್ನೂ ಓದಿ: RCB ಗೆ ಮತ್ತೆ ವಿರಾಟ್ ನಾಯಕ! ಐಪಿಎಲ್’ನಲ್ಲಿ ಮತ್ತೊಮ್ಮೆ ಕೊಹ್ಲಿ ಕ್ಯಾಪ್ಟನ್ಸಿ ಹವಾ?

ಸುದೀರ್ಘ ಇತಿಹಾಸ ಮತ್ತು ಹೋರಾಟದ ನಂತರ ರಾಮ ಮಂದಿರ ನಿರ್ಮಾಣವಾಗುತ್ತಿದೆ. ಜನವರಿ 22 ರಂದು ಪ್ರಧಾನಿ ಉದ್ಘಾಟಿಸಲಿದ್ದಾರೆ. ಪ್ರಾಣ ಪ್ರತಿಷ್ಠಾ ಕಾರ್ಯಕ್ರಮವು ಅದೇ ದಿನ ನಡೆಯಲಿದ್ದು, ದೇಶಾದ್ಯಂತ ಜನರು ತಮ್ಮ ಮನೆ, ಕ್ರೀಡಾಂಗಣ ಮತ್ತು ದೇವಾಲಯಗಳಿಂದ ನೇರ ಪ್ರಸಾರವನ್ನು ವೀಕ್ಷಿಸಲಿದ್ದಾರೆ. ಅಂದಹಾಗೆ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಅಯೋಧ್ಯೆಯಲ್ಲಿ ಇದುವರೆಗೆ 35,000 ಕೋಟಿ ರೂಪಾಯಿಗಳ ಯೋಜನೆಗಳನ್ನು ನೀಡಿದ್ದಾರೆ.