West Bengal Election Result 2021: ಚುನಾವಣಾ ಚಾಣಕ್ಯ ಪ್ರಶಾಂತ್ ಕಿಶೋರ್ ನ ಶಾಕಿಂಗ್ ಹೇಳಿಕೆ...!

ನವದೆಹಲಿ: ಪಶ್ಚಿಮ ಬಂಗಾಳದಲ್ಲಿ ಮಮತಾ ಬ್ಯಾನರ್ಜಿ ಅವರ ಅದ್ಭುತ ಪ್ರದರ್ಶನದ ನಂತರ ಅನೇಕರು ಪಂದ್ಯಶ್ರೇಷ್ಠ ಎಂದು ಬಣ್ಣಿಸಿದ ಪ್ರಶಾಂತ್ ಕಿಶೋರ್ ಅವರು ಚುನಾವಣಾ ತಂತ್ರಜ್ಞ ಕೆಲಸವನ್ನು ತ್ಯಜಿಸುವುದಾಗಿ ಇಂದು ಘೋಷಿಸಿದರು.

'ನಾನು ಮಾಡುತ್ತಿರುವುದನ್ನು ಮುಂದುವರಿಸಲು ನಾನು ಬಯಸುವುದಿಲ್ಲ. ನಾನು ಸಾಕಷ್ಟು ಮಾಡಿದ್ದೇನೆ. ವಿರಾಮ ತೆಗೆದುಕೊಂಡು ಜೀವನದಲ್ಲಿ ಇನ್ನೇನಾದರೂ ಮಾಡುವ ಸಮಯ. ನಾನು ಈ ಜಾಗವನ್ನು ತ್ಯಜಿಸಲು ಬಯಸುತ್ತೇನೆ" ಎಂದು ಕಿಶೋರ್ (Prashant Kishor) ಖಾಸಗಿ ವಾಹಿನಿಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ತಿಳಿಸಿದರು.

ಇದನ್ನೂ ಓದಿ: 'ಚುನಾವಣಾ ಚತುರ' ಪ್ರಶಾಂತ್ ಕಿಶೋರ್ ಗೆ ಕ್ಯಾಬಿನೆಟ್ ರ್ಯಾಂಕ್ ಹುದ್ದೆ ನೀಡಿದ ಪಂಜಾಬ್ ಸಿಎಂ

ಅವರು ಮತ್ತೆ ರಾಜಕೀಯಕ್ಕೆ ಸೇರುತ್ತಾರೆಯೇ ಎಂಬ ಬಗ್ಗೆ ಅವರು: "ನಾನು ವಿಫಲ ರಾಜಕಾರಣಿ. ನಾನು ಹಿಂತಿರುಗಿ ನಾನು ಏನು ಮಾಡಬೇಕು ಎಂದು ನೋಡಬೇಕು." ಎಂದು ಹೇಳಿದರು.

"ಮೋದಿಯವರ (ಪ್ರಧಾನಿ ನರೇಂದ್ರ ಮೋದಿ) ಜನಪ್ರಿಯತೆಯು ಎಲ್ಲಾ ಚುನಾವಣೆಗಳಲ್ಲಿ ಬಿಜೆಪಿ ಗೆಲ್ಲುತ್ತದೆ ಎಂದು ಅರ್ಥವಲ್ಲ" ಎಂದು ಹೇಳಿದರು.

ವಿಶೇಷವೆಂದರೆ ಪ್ರಶಾಂತ್ ಕಿಶೋರ್ ಕಳೆದ ವರ್ಷ ಡಿಸೆಂಬರ್ ತಿಂಗಳಲ್ಲಿ ಮಾಡಿದ ಟ್ವೀಟ್ ಈಗ ಸಾಕಷ್ಟು ಸುದ್ದಿ ಮಾಡುತ್ತಿದೆ. ಆಗ ಅವರು ಬಿಜೆಪಿ ಒಂದು ವೇಳೆ ಈ ಚುನಾವಣೆಯಲ್ಲಿ ಎರಡಂಕಿಯನ್ನು ದಾಟಿದಲ್ಲಿ ಟ್ವಿಟ್ಟರ್ ತ್ಯಜಿಸುವುದಾಗಿ ಸವಾಲು ಹಾಕಿದ್ದರು. ಈಗ ನಿಜಕ್ಕೂ ಅವರ ಭವಿಷ್ಯವಾಣಿ ನಿಜವಾಗಿದೆ.