ಕೇರಳ ಮುಖ್ಯಮಂತ್ರಿಯಾಗಿ ನಾಳೆ ಪಿಣರಾಯಿ ವಿಜಯನ್ ಪ್ರಮಾಣ ವಚನ

ತಿರುವನಂತಪುರಂ : ಕೇರಳದಲ್ಲಿ (Kerala) ಎರಡನೇ ಬಾರಿ ಅಧಿಕಾರಕ್ಕೆ ಬರುತ್ತಿರುವ ಎಲ್ ಡಿಎಫ್ (LDF) ನೇತೃತ್ವದ ಪಿಣರಾಯಿ ವಿಜಯನ್ (Pinarayi Vijayan) ಮುಖ್ಯಮಂತ್ರಿಯಾಗಿ ನಾಳೆ ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ಪಿಣರಾಯಿ ಮತ್ತವರ ಸಂಪುಟದ ನೀತನ ಸಚಿವ ಪ್ರಮಾಣ ವಚನ ತಿರುವನಂತಪುರಂ ಸೆಂಟ್ರಲ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಗುರುವಾರ ಅಪರಾಹ್ನ 3 .30ಕ್ಕೆ ಪ್ರಮಾಣ ವಚನ ಸ್ವೀಕಾರ ಸಮಾರಂಭ ನಡೆಯಲಿದೆ. 

ವಿವಾದ ಸೃಷ್ಟಿಸಿದ ಪ್ರಮಾಣ ವಚನ ಸಮಾರಂಭ : 
ಪಿಣರಾಯಿ (Pinarayi Vijayan)  ಶಪಥಗ್ರಹಣ ಸಮಾರಂಭದಲ್ಲಿ 500 ಮಂದಿ ಭಾಗಿಯಾಗಲಿದ್ದಾರೆ ಎಂದು ಎಲ್ ಡಿಎಫ್ (LDF) ಹೇಳಿದೆ. ಈ ಹಿನ್ನೆಲೆಯಲ್ಲಿ 50 ಕ್ಕೂ ಹೆಚ್ಚು ಮಂದಿ ಸೇರಬಾರದು ಎಂಬ ಲಾಕ್ ಡೌನ್ (Lockdown) ನಿಯಮವನ್ನು ಸಡಿಲಿಸಲಾಗಿದೆ. ಲಾಕ್ ಡೌನ್ ಸಮಯದಲ್ಲಿ ಇಷ್ಟೊಂದು ಜನ ಸೇರುತ್ತಿರುವುದು ವಿವಾದಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ : ವಾಟ್ಸಪ್ ಗೆ ನೋಟಿಸ್ ಜಾರಿಗೊಳಿಸಿದ ಐಟಿ ಸಚಿವಾಲಯ

ನ್ಯಾಯಾಲಯದ ಮೆಟ್ಟಿಲೇರಿದ ನಿವೃತ್ತ ವಿಜ್ಞಾನಿ :

ಪಿಣರಾಯಿ ವಿಜಯನ್ ಪ್ರಮಾಣ ವಚನ ಸಮಾರಂಭಕ್ಕೆ ಇಷ್ಟೊಂದು ಸಂಖ್ಯೆಯಲ್ಲಿ ಜನ ಸೇರುವುದನ್ನು ನಿವೃತ್ತ ವಿಜ್ಞಾನಿ ಎಂ ಶಬಹಾನ್ ಎಂಬವರು ಸುಪ್ರೀಂಕೋರ್ಟ್ ನಲ್ಲಿ (Supreme court) ಪ್ರಶ್ನಿಸಿದ್ದಾರೆ. ಈ ಸಂಬಂಧ ಸುಪ್ರೀಂಕೋರ್ಟ್ ಗೆ ಅರ್ಜಿ ಸಲ್ಲಿಸಿರುವ ಶಬಹಾನ್, ರಾಜಕಾರಣಿಗಳೇ ಪದೇ ಪದೇ ಲಾಕ್ ಡೌನ್ ನಿಯಮ ಉಲ್ಲಂಘಿಸುತ್ತಿದ್ದಾರೆ. ಇದು ಬೇಲಿಯೇ ಎದ್ದು ಹೊಲ ಮೇಯುವಂತಾಗಿದೆ ಎಂದಿದ್ದಾರೆ. ಈ ವಿಷಯದಲ್ಲಿ ನ್ಯಾಯಾಲಯ ಮಧ್ಯ ಪ್ರವೇಶ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ. 

ಇದನ್ನೂ ಓದಿ : Remdesivir: ಕರೋನಾ ಯುದ್ಧದಲ್ಲಿ ರೆಮ್‌ಡೆಸಿವಿರ್ ಇಂಜೆಕ್ಷನ್ ಪರಿಣಾಮಕಾರಿ ಎಂಬುದಕ್ಕೆ ಯಾವುದೇ ಪುರಾವೆ ಇಲ್ಲ