Mukhtar Abbas Naqvi : `ಪ್ರತಿಪಕ್ಷಗಳಲ್ಲಿ ಪ್ರಧಾನಿ ಹುದ್ದೆಗೆ ಎರಡು ಡಜನ್ ಅಭ್ಯರ್ಥಿಗಳಿದ್ದಾರೆ`

ನವದೆಹಲಿ : ಪ್ರತಿಪಕ್ಷದಲ್ಲಿ ಎರಡು ಡಜನ್ ಅಭ್ಯರ್ಥಿಗಳು ಪ್ರಧಾನಿ ಹುದ್ದೆಗೆ ಕಾಯುತ್ತಿದ್ದಾರೆ ಎಂದು ಮಾಜಿ ಕೇಂದ್ರ ಸಚಿವ ಮುಖ್ತಾರ್ ಅಬ್ಬಾಸ್ ನಖ್ವಿ ಅವರು ಪ್ರತಿಪಕ್ಷಗಳನ್ನು ಲೇವಡಿ ಮಾಡಿದ್ದಾರೆ. 

ಉತ್ತರ ಪ್ರದೇಶದ ರಾಂಪುರದಲ್ಲಿ ನಡೆದ ಸಭೆಯಲ್ಲಿ ಮಾತನಾಡಿದ ಮುಖ್ತಾರ್ ಅಬ್ಬಾಸ್ ನಖ್ವಿ, ನಿತೀಶ್ ಕುಮಾರ್, ಮಮತಾ ಬ್ಯಾನರ್ಜಿ ಮತ್ತು ಈಗ ಅಖಿಲೇಶ್ ಯಾದವ್ ಅವರ ಹೆಸರುಗಳು ವಿರೋಧ ಪಕ್ಷದ ಪ್ರಧಾನಿ ಅಭ್ಯರ್ಥಿ ಹೆಸರಿಗೆ ಕೇಳಿ ಬರುತ್ತಿವೆ. ಮೋದಿ ಅಲೆಯಿಂದ ಫೋಬಿಯಾದ ರಾಜಕೀಯ ಕಾಯಿಲೆಯಿಂದ ಬಳಲುತ್ತಿರುವವರು ಶೀಘ್ರದಲ್ಲೇ ಕಣ್ಮರೆಯಾಗುತ್ತಾರೆ. ನಿರಾಶಾವಾದಿ ರಾಜಕೀಯ ಆಟಗಾರರ ಸೋಗು ಪ್ರಧಾನಿ ನರೇಂದ್ರ ಮೋದಿಯವರ ಕಠಿಣ ಪರಿಶ್ರಮ ಮತ್ತು ಪ್ರಾಮಾಣಿಕತೆಯನ್ನು ಎಂದಿಗೂ ಸೋಲಿಸಲು ಸಾಧ್ಯವಿಲ್ಲ ಎಂದರು.

ಇದನ್ನೂ ಓದಿ : PM Narendra Modi : ಕಾಮನ್‌ವೆಲ್ತ್ ಪದಕ ವಿಜೇತರನ್ನು ಭೇಟಿ ಮಾಡಿದ ಪ್ರಧಾನಿ ಮೋದಿ!

ವಿರೋಧ ಪಕ್ಷಗಳ ವಿರುದ್ಧ ಹರಿಹಾಯ್ದ  ಅಬ್ಬಾಸ್ ನಖ್ವಿ, ವಿರೋಧ ಪಕ್ಷದಲ್ಲಿ ಈಗಾಗಲೇ ಎರಡು ಡಜನ್ ಅಭ್ಯರ್ಥಿಗಳು  ಪ್ರಧಾನಿ ಹುದ್ದೆಗೆ ಕಾಯುತ್ತಿರುವವರ ಪಟ್ಟಿಯನ್ನು ಸಿದ್ಧಪಡಿಸಿದ್ದಾರೆ. ಪ್ರಧಾನಿ ಮೋದಿಯವರ ನಾಯಕತ್ವದಲ್ಲಿ ದೇಶದ ಭದ್ರತೆ ಮತ್ತು ಘನತೆ 'ರಾಷ್ಟ್ರ ನೀತಿ'ಯಾದರೆ ಪ್ರತಿಯೊಬ್ಬ ನಿರ್ಗತಿಕರ ಕಲ್ಯಾಣ 'ರಾಷ್ಟ್ರಧರ್ಮ' ವಾಗಿದೆ ಎಂದರು. 

ಮುಖ್ತಾರ್ ಅಬ್ಬಾಸ್ ನಖ್ವಿ ಅವರು ಸಭಯ ನಂತರ ರಾಂಪುರ ಮಹಾತ್ಮ ಗಾಂಧಿ ಕ್ರೀಡಾಂಗಣದಲ್ಲಿ "ತಿರಂಗಾ ಗಾಳಿಪಟ ಕಾರ್ಯಕ್ರಮ" ದಲ್ಲಿ ಭಾಗವಹಿಸಿದರು, ಅಲ್ಲಿ 75 ಗಾಳಿಪಟಗಳನ್ನು ಹಾರಿಸುವ ಮೂಲಕ ತ್ರಿವರ್ಣ ಧ್ವಜವನ್ನು ಗೌರವಿಸಲಾಯಿತು.

ಇದನ್ನೂ ಓದಿ : ರಾಷ್ಟ್ರರಾಜಧಾನಿಯಲ್ಲಿ ಹೈ ಅಲರ್ಟ್: ಅಮೃತ ಮಹೋತ್ಸವಕ್ಕೂ ಮುನ್ನ ದೆಹಲಿಯಲ್ಲಿ ಭಯೋತ್ಪಾದಕ ದಾಳಿ ಭೀತಿ