ಶಿವಸೇನೆ ಇಲ್ಲದಿದ್ದರೆ ಬಿಜೆಪಿಗೆ 75 ಸ್ಥಾನವೂ ಸಿಗುತ್ತಿರಲಿಲ್ಲ: ಸಂಜಯ್ ರೌತ್

ನವದೆಹಲಿ / ಮುಂಬೈ: ಮಹಾರಾಷ್ಟ್ರದಲ್ಲಿ ಸರ್ಕಾರ ರಚನೆಗೆ ಸಂಬಂಧಿಸಿದಂತೆ ಶಿವಸೇನೆ ತನ್ನ ಪಟ್ಟು ಸಡಿಲಿಸಿಲ್ಲ. ಮುಖ್ಯಮಂತ್ರಿ ಹುದ್ದೆ ಹಾಗೂ ಬಿಜೆಪಿ ನೀಡಿದ್ದ ಕೆಲವು ಭರವಸೆಗಳು ಸೇರಿದಂತೆ ನಿರಂತರ ವಾಕ್ಚಾತುರ್ಯ ಮುಂದುವರೆದಿದೆ. ಈಗ ಶಿವಸೇನೆ ಮುಖಂಡ ಸಂಜಯ್ ರೌತ್ ಅವರು ಪಕ್ಷದ ಮುಖವಾಣಿ ಸಾಮ್ನಾ ಮೂಲಕ ಬಿಜೆಪಿಯನ್ನು ಗುರಿಯಾಗಿಸಿಕೊಂಡಿದ್ದಾರೆ ಮತ್ತು ಈ ಚುನಾವಣೆಗಳಲ್ಲಿ ಶಿವಸೇನೆ ಅವರೊಂದಿಗೆ ಇಲ್ಲದಿದ್ದರೆ, ಬಿಜೆಪಿಗೆ  75 ಸ್ಥಾನಗಳು ಸಿಗುತ್ತಿರಲಿಲ್ಲ. ಶಿವಸೇನೆ ಯಾರ ಮುಂದೆಯೂ ಮಂಡಿ ಊರುವುದಿಲ್ಲ ಎಂದು ಸಂಜಯ್ ರೌತ್ ಹೇಳಿದ್ದಾರೆ.

ಪಕ್ಷದ ಮುಖವಾಣಿ ಸಾಮ್ನಾದ ಮುಖಪುಟದಲ್ಲಿ ಬಿಜೆಪಿ ತಾನು ನೀಡಿದ ಭರವಸೆಯನ್ನು ಉಳಿಸಿಕೊಂಡಿಲ್ಲ ಎಂದು ಸಂಜಯ್ ರೌತ್ ಆರೋಪಿಸಿದ್ದಾರೆ. ನಾನು ಮುಖ್ಯಮಂತ್ರಿ ಹುದ್ದೆಗೆ ಅಮರತ್ವ ತಂದಿದ್ದೆನೆಂದು ಯಾರೂ ಭಾವಿಸಬಾರದು ಎಂದು ದೇವೇಂದ್ರ ಫಡ್ನವೀಸ್ ಅವರ ಬಗ್ಗೆ ಪರೋಕ್ಷ ವಾಗ್ಧಾಳಿ ನಡೆಸಿರುವ ಸಂಜಯ್ ರೌತ್, ಅಮಿತ್ ಶಾ ಇದುವರೆಗೂ ಮುಂದೆ ಬರದಿರುವುದು ನಿಗೂಢವಾಗಿದೆ. ಶಿವಸೇನೆ ಅದರೊಂದಿಗೆ ಇಲ್ಲದಿದ್ದರೆ ಬಿಜೆಪಿಗೆ 75 ಸ್ಥಾನಗಳು ಸಿಗುತ್ತಿರಲಿಲ್ಲ ಎಂದು ಲೇವಡಿ ಮಾಡಿದ್ದಾರೆ.

ಪೊಲೀಸ್, ಸಿಬಿಐ, ಇಡಿ ಮತ್ತು ಐಟಿ ಸಹಾಯದಿಂದ ದೇವೇಂದ್ರ ಫಡ್ನವೀಸ್ ಸರ್ಕಾರ ರಚಿಸುವಲ್ಲಿ ನಿರತರಾಗಿದ್ದಾರೆ ಎಂದು ಆರೋಪಿಸಿರುವ ಸಂಜಯ್ ರೌತ್, ಇಂದಿರಾ ಗಾಂಧಿಯನ್ನು ಹಡಗಿನಲ್ಲಿ ಇರಿಸಿದವರು, ಇಂದು ತಾವೇ ಹಾಗಾಗಿರುವುದು ಆಶ್ವರ್ಯಕರ ಎಂದಿದ್ದಾರೆ.

ಶಿವಸೇನೆಗೆ ಯಾವುದೇ ಆತುರವಿಲ್ಲ ಅಥವಾ ಸೇನೆಯು ಯಾರ ಮುಂದೆಯೂ ಮಂಡಿ ಊರುವುದಿಲ್ಲ. ಗೋಪಿನಾಥ್ ಮುಂಡೆ ಇದ್ದಿದ್ದರೆ, ಇಂದು ಯುಟಿಯಲ್ಲಿ ಅಂತಹ ಕಹಿ ಇರುತ್ತಿರಲಿಲ್ಲ. ನಾವು ಇಲ್ಲದಿದ್ದರೆ ಯಾರೂ ಇಲ್ಲ ಎಂಬ ಅಹಂ ನಿಂದಾಗಿ ಇಂದು ಎಲ್ಲರೂ ಸಿಲುಕಿಕೊಂಡಿದ್ದಾರೆ. ರಾಷ್ಟ್ರಪತಿ ಆಡಳಿತವನ್ನು ಹೇರುವ ಮೂಲಕ ಆಡಳಿತ ನಡೆಸುವುದು ಬಿಜೆಪಿಯ ಶತಮಾನದ ದೊಡ್ಡ ಸೋಲು ಎಂದು ಸಂಜಯ್ ರೌತ್ ತೀವ್ರ ವಾಗ್ಧಾಳಿ ನಡೆಸಿದ್ದಾರೆ.