DK Shivakumar: ಪ್ರಜಾಧ್ವನಿ ರೋಡ್ ಶೋ ವೇಳೆ ಕಂತೆ ಕಂತೆ ಹಣ ಎಸೆದ ಡಿಕೆಶಿ, ವಿಡಿಯೋ ವೈರಲ್!

ಮಂಡ್ಯ: ಪ್ರಜಾಧ್ವನಿ ರೋಡ್​ ಶೋ ವೇಳೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಅವರು ಕಂತೆ ಕಂತೆ ಹಣ ಎಸೆದಿದ್ದಾರೆ. ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣ ವಿಧಾನಸಭಾ ಕ್ಷೇತ್ರದ ಪ್ರಪ್ರಜಾಧ್ವನಿ ರಥಯಾತ್ರೆ ವೇಳೆ ಈ ಘಟನೆ ನಡೆದಿದೆ.

ಜಾನಪದ ಕಲಾವಿದರ ಮೇಲೆ ಪ್ರಜಾಧ್ವನಿ ಬಸ್ ಮೇಲಿಂದ ಡಿಕೆಶಿ ನೋಟು ಎಸೆದಿರುವ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಬಿಜೆಪಿಗೆ ಬಿಸಿ ತುಪ್ಪವಾದ ಒಳಮೀಸಲಾತಿ ಅಸ್ತ್ರ

ಕಾಂಗ್ರೆಸ್ ಪಕ್ಷದ ಪ್ರಜಾಧ್ವನಿ ರಥಯಾತ್ರೆಯ ಮೆರವಣಿಗೆ ವೇಳೆ 500 ರೂ. ಮುಖಬೆಲೆಯ ನೋಟುಗಳನ್ನು ಡಿಕೆಶಿ ಎಸೆದಿದ್ದಾರೆ. ಬಸ್ ಮೇಲಿಂದಲೇ ಜಾನಪದ ಕಲಾವಿದರ ಮೇಲೆ ನೋಟುಗಳನ್ನು ಎರಚಿ ಡಿಕೆಶಿ ಮುಂದೆ ಸಾಗಿದ್ದಾರೆ.  

ಪ್ರಜಾಧ್ವನಿ ಯಾತ್ರೆ ಪ್ರಯುಕ್ತ ಡಿಕೆಶಿಗೆ ಸ್ವಾಗತ ಕೋರಲು ಜಾನಪದ ಕಲಾವಿದರು ಬಂದಿದ್ದರು. ಈ ವೇಳೆ ಅವರ ಮೇಲೆ ಡಿಕೆಶಿ ಎರಚಿದ ನೋಟುಗಳಿಗೆ ಜನರು ಮತ್ತು ಕಲಾವಿದರು ಮುಗಿಬಿದ್ದ ಘಟನೆ ನಡೆದಿದೆ.