ಕಲೆಕ್ಷನ್ ಬಜೆಟ್‌ನಲ್ಲಿ ದ್ವೇಷ ರಾಜಕಾರಣ!: ಸಿಎಂ ಸಿದ್ದರಾಮಯ್ಯ ವಿರುದ್ಧ ಬಿಜೆಪಿ ಆಕ್ರೋಶ!

ಬೆಂಗಳೂರು: ಸಿಎಂ ಸಿದ್ದರಾಮಯ್ಯನವರು ಶುಕ್ರವಾರ ಮಂಡಿಸಿದ 2023-24ನೇ ಸಾಲಿನ ರಾಜ್ಯ ಬಜೆಟ್ ವಿರುದ್ಧ ಬಿಜೆಪಿ ಕಿಡಿಕಾರಿದೆ. ಇದು ಕಲೆಕ್ಷನ್ ಬಜೆಟ್ ಎಂದು ಆರೋಪಿಸಿರುವ ಬಿಜೆಪಿ, ಮಿಸ್ಟರ್ ಸಿದ್ದರಾಮಯ್ಯನವರೇ, ‘ಸರ್ವರಿಗೂ ಸಮಪಾಲು ಸರ್ವರಿಗೂ ಸಮಬಾಳು’ ಅಂದರೆ ಇದೇನಾ..? ಕಲೆಕ್ಷನ್ ಬಜೆಟ್‌ನಲ್ಲಿ ದ್ವೇಷ ರಾಜಕಾರಣ..!’ ಅಂತಾ ಕಿಡಿಕಾರಿದೆ.

APMC ಕಾಯ್ದೆ ರದ್ದು, ಪಠ್ಯಪರಿಷ್ಕರಣೆ ಕೈ ಬಿಟ್ಟು ಎಡಬಿಡಂಗಿ ಸಿದ್ಧಾಂತದ ಹೇರಿಕೆ, NEP ರದ್ದುಗೊಳಿಸಿ ಶಿಕ್ಷಣ ವ್ಯವಸ್ಥೆಯೇ ಅಯೋಮಯ, ಗೋ ರಕ್ಷಣೆಗಿದ್ದ ಜಿಲ್ಲೆಗೊಂದು ಗೋ ಶಾಲೆ ಯೋಜನೆ ರದ್ದು, ವಿವೇಕ ಶಾಲೆ ಅಭಿವೃದ್ಧಿ ಯೋಜನೆ ರದ್ದು, ಮಹಿಳಾ ಸ್ತ್ರೀ ಸಾಮರ್ಥ್ಯ ಯೋಜನೆಗೂ ತಿಲಾಂಜಲಿ, ಮಹಿಳೆಯರ ಸ್ವಸಹಾಯ ಸಂಘದ ಸಹಾಯಧನ ಬಂದ್, ಭೂಸಿರಿ ಯೋಜನೆಯಡಿ ನೀಡುವ 10,000 ರೂ. ಕಟ್ ಮತ್ತು ದೇಶ ಸೇವೆಗಾಗಿರುವ ಆಗ್ನಿವೀರ್ ತರಬೇತಿ ಯೋಜನೆ ರದ್ದು! ಇದು ಕಲೆಕ್ಷನ್ ಬಜೆಟ್‌ನಲ್ಲಿರುವ ದ್ವೇಷ ರಾಜಕಾರಣವಾಗಿದೆ ಎಂದು ಬಿಜೆಪಿ ಟೀಕಿಸಿದೆ.

ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರವು, ‘ಈಗಾಗಲೇ ಬೆಲೆ ಏರಿಕೆ ಮತ್ತು ಬರದಿಂದ ಕಂಗೆಟ್ಟಿರುವ ರಾಜ್ಯದ ಜನತೆಯ ಮೇಲೆ ತೆರಿಗೆ ಎಂಬ ಗದಾಪ್ರಹಾರ! ನಡೆಸಿದೆ’ ಎಂದು ಬಿಜೆಪಿ ಆರೋಪಿಸಿದೆ.

ಇದನ್ನೂ ಓದಿ: ಮಳೆಗಾಗಿ ವರುಣ ದೇವನಿಗೆ ಮೊರೆ ಹೋದ ಕೃಷಿ ಸಚಿವ ಚೆಲುವರಾಯಸ್ವಾಮಿ