ನೀಡಿದ ಹಣ ವಾಪಸ್ ಕೇಳಿದಕ್ಕೆ ಇಡೀ ಕುಟುಂಬವನ್ನೆ ನಾಡ ಬಾಂಬ್ ನಿಂದ ಹತ್ಯೆಗೆ ಯತ್ನ

ಕಲಬುರ್ಗಿ : ಕಲಬುರಗಿಯಲ್ಲಿ ೪ ಎಕರೆ ಜಮೀನಿಗಾಗಿ ಎರಡು ಕುಟುಂಬಗಳ ವೈಮನಸ್ಸು ಮೂಡಿದ್ದು, ಇದರಿಂದ‌ ಕೆರಳಿದ ವ್ಯಕ್ತಿ ತನ್ನ ದಯಾದಿಯ‌ ಮನೆಗೆ ಪೆಟ್ರೋಲ್ ಬಾಂಬ್ ಹಾಕಿ ಇಡೀ‌ ಕುಟುಂಬದ ಹತ್ಯೆಗೆ ಯತ್ನಿಸಿದ್ದಾನೆ. ಈ ಘಟನೆಯಿಂದ ಇಡೀ ಜಿಲ್ಲೆಯ ಜನ ಇದೀಗ ಬೆಚ್ಚಿ ಬಿದಿದ್ದಾರೆ. 

ಗುಂಡೆರಾವ ಕರಿಕಲ್ ಎಂಬುವವರು ಅವರ ಸಂಬಂಧಿಯಾದ  ಶಿವಲಿಂಗಪ್ಪ ಕರಿಕಲ್ ಬಳಿ ನಾಲ್ಕು ಎಕರೆ ಜಮೀನು ಖರೀದಿಸಲು ಮೂರು ವರ್ಷಗಳ ಹಿಂದೆ ೧೨ ಲಕ್ಷ ರೂಪಾಯಿ ಹಣ ನೀಡಿದ್ದರು. ಇನ್ನೂ ಜಮೀನು‌ ಮಾರಾಟ ಮಾಡುವುದಾಗಿ ಹಣ ಪಡೆದ ಶಿವಲಿಂಗಪ್ಪ ನಂತರ‌ ಜಮೀನು ಮಾರಾಟ ಮಾಡದೇ ಅತ್ತ ಪಡೆದ ಹಣವನ್ನೂ ಹಿಂದಿರುಗಿಸಿಲ್ಲ. ಹೀಗಾಗಿ ಕೊಟ್ಟ ಹಣ ವಾಪಸ್ ಮಾಡುವಂತೆ ಗುಂಡೆರಾವ್ ಕರಿಕಲ್ ಶಿವಲಿಂಗಪ್ಪ ಕೆಲ ದಿನಗಳ ಹಿಂದೆ ಹಣ ಕೇಳಿದ್ದಾರೆ. ಇದರಿಂದ ಕೆರಳಿದ ಶಿವಲಿಂಗಪ್ಪ ಆತನ ಇಡೀ‌ ಕುಟುಂಬವನ್ನೇ ಹತ್ಯೆ ಮಾಡುವ ಪ್ಲಾನ್ ಮಾಡಿದ್ದಾರೆ. ಇಂದು ಬೆಳಗ್ಗೆ ಪೆಟ್ರೋಲ್ ಬಾಂಬ್ ಹಾಕಿ ಗುಂಡೆರಾವ್ ಕುಟುಂಬದ ಹತ್ಯೆಗೆ ಸ್ಕೇಚ್‌ ಮಾಡಿದ್ದಾನೆ.

ಇದನ್ನೂ ಓದಿ : ಡಿ.9 ರಿಂದ ಬೆಳಗಾವಿಯಲ್ಲಿ ವಿಧಾನಮಂಡಳ ಅಧಿವೇಶನ, ಉತ್ತರ ಕನಾ೯ಟಕದ ಪ್ರಗತಿಗೆ ಒತ್ತು; ಸ್ಪೀಕರ್ ಯು.ಟಿ. ಖಾದರ್

ಇನ್ನೂ ಶಿವಲಿಂಗಪ್ಪ ಇಡೀ‌ ಮನೆಗೆ ಬೆಂಕಿ ಹಚ್ಚುವದನ್ನು ಗಮನಿಸಿ ಕುಟುಂಬಸ್ಥರು ಬಾಗಿಲು ಹಾಕಿಕೊಂಡು ಕಿರಚಾಟ ಆರಂಭಿಸಿದ್ದಾರೆ.‌ ಆಗ ಇಡೀ ಗ್ರಾಮದ ಜನ ಆಗಮಿಸಿ ಮನೆಗೆ ಹತ್ತಿದ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ಇಡೀ ಮನೆಯಲ್ಲಿ ಹೋಗೆ ಆವರಿಸಿದ ಹಿನ್ನಲೆ ಗುಂಡೆರಾವ್ ಕುಟುಂಬಸ್ಥರು ಅಸ್ವಸ್ಥಗೊಂಡ ಪರಿಣಾಮ ಎಲ್ಲರನ್ನು ಕಲಬುರಗಿಯ ಜಿಮ್ಸ್ ಆಸ್ಪತ್ರೆಗೆ ದಾಖಲಿಸಿದ್ದು ಸದ್ಯ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಕೊಟ್ಟ ಹಣ ವಾಪಸ್ ಕೇಳಿದಕ್ಕೆ ನಾಡಬಾಂಬ್ ನಿಂದ ಹತ್ಯೆಗೆ ಯತ್ನಿಸಿದ ಈ ಘಟನೆ ಜಿಲ್ಲೆಯ ಜನರಲ್ಲಿ ಆತಂಕ ಸೃಷ್ಟಿಸಿದೆ. ಸದ್ಯ ಈ ಘಟನೆ ಕುರಿತು ಫರತಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಆರೋಪಿಗಾಗಿ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.