ಕಾಟನ್ ಕ್ಯಾಂಡಿ, ಗೋಬಿ ಆಯ್ತು.. ಈಗ ಕಲರ್‌ಫುಲ್‌ ಕಬಾಬ್ ಸರದಿ.. ಚಿಕನ್‌ ಫಿಶ್‌ಗೆ ಕೃತಕ ಬಣ್ಣ ಬಳಕೆ ನಿಷೇಧ!

Ban on use of artificial color: ಸಾಮಾನ್ಯವಾಗಿ ನಾನ್ ವೆಜ್ ಎಂದಾಕ್ಷಣ ಮೊದಲಿಗೆ ನೆನಪಾಗುವುದು ಕಬಾಬ್.. ಅದರಲ್ಲೂ ವಿಶೇಷವಾಗಿ ಕಬಾಬ್ ನಲ್ಲಿ ವೆರೈಟಿ ವೆರೈಟಿ ಕಬಾಬ್ ಗಳಿದೆ.. ಇತ್ತೀಚಿಗೆ ಟ್ರೆಂಡಿಂಗ್ ಆದ ಬೆಳ್ಳುಳ್ಳಿ ಕಬಾಬ್, ಚಿಕನ್ 65, ತಂದೂರಿ ಚಿಕನ್, ಚಿಕನ್ ಟಿಕ್ಕಾ, ಚಿಕನ್ ಲಾಲಿಪಪ್ ಹೀಗೆ ಹತ್ತು ಹಲವಾರು ವೆರೈಟಿಗಳು ನಾನ್-ವೆಜ್ ಪ್ರಿಯರಿಗೆ ಸಕತ್ ಇಷ್ಟವಾಗುತ್ತದೆ.. ಆದ್ರೆ ಇದೀಗ ಕಬಾಬ್ ಕಂಟಕ ಶುರುವಾಗಿದೆ

ಇತ್ತೀಚಿಗೆ ಬಾರಿ ಸುದ್ದಿಯಾದ ವಿಚಾರ ಏನಂದ್ರೆ ಅದು ಗೋಬಿ ಮಂಚೂರಿಯನ್ ಬ್ಯಾನ್ ಎಂಬ ವಿಚಾರ.. ಈಗಾಗಲೇ ಗೋಬಿ ಮಂಚೂರಿಯನ್ ಗೆ ಬಳಸುವಂತಹ ಬಣ್ಣಗಳನ್ನು ಸರ್ಕಾರ ಬ್ಯಾನ್ ಮಾಡಿದೆ..ಆದರೆ ನಾನ್ ವೆಜ್ ಪ್ರಿಯರು ಅದೇ ರೀತಿ ಬಣ್ಣ ಕಟ್ಟಿರುವ ರಾಸಾಯನಿಕ ಅಂಶದಿಂದ ಗ್ಯಾರಂಟಿ ಕಲರ್ ಕಬಾಬ್ ಗಳನ್ನು ಮಿತಿಯಿಲ್ಲದೆ ಬಳಸುತ್ತಿದ್ದಾರೆ.. 

ಮುಖ್ಯವಾಗಿ ಗಮನಿಸಬೇಕಾದ ವಿಷಯ ಏನಪ್ಪಾ ಅಂದ್ರೆ ಈ ಚಿಕನ್ ಗಳಿಗೂ ಕೂಡ ರಾಸಾಯನಿಕ ಕಲರ್ ಗಳನ್ನ ಬಳಕೆ ಮಾಡಲಾಗುತ್ತಿದೆ.. ರಾಜ್ಯದಾದ್ಯಂತ ಕೃತಕ ಬಣ್ಣ ಬಳಕೆ ನಿಷೇಧಿಸಿ ರಾಜ್ಯ ಸರ್ಕಾರದಿಂದ ಆದೇಶ ಹೊರಡಿಸಲಾಗಿದೆ. ರಾಜ್ಯದ 36 ಕಡೆ ಕಬಾಬ್ ಮಾದರಿಯನ್ನು ಸಂಗ್ರಹಿಸಿ ಲ್ಯಾಬ್ ಗೆ ಕಳುಹಿಸಲಾಗಿತ್ತು.ಯೆಲ್ಲೋ ಹಾಗೂ ಕಾರ್ಮೋಸಿನ್ ಮಾದರಿ ಕಂಡುಬಂದ ಹಿನ್ನೆಲೆಯಲ್ಲಿ ನಿರ್ಬಂಧ ಹೇರಲಾಗಿದೆ. ಈ ಕುರಿತಾಗಿ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಇಲಾಖೆಯ ಆಯುಕ್ತರು ಆದೇಶ ಹೊರಡಿಸಿದ್ದಾರೆ.

ರಾಜ್ಯದ 36 ಕಡೆಗಳಲ್ಲಿ ಕಬಾಬ್ ಮಾದರಿ ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ನೀಡಲಾಗಿತ್ತು. ಇದ್ರಲ್ಲಿ ಯೆಲ್ಲೋ ಹಾಗೂ ಕಾರ್ಮೋಸಿನ್ ಮಾದರಿ ಕಂಡು ಬಂದ ಹಿನ್ನೆಲೆಯಲ್ಲಿ ಸರ್ಕಾರ ಕಲರ್ ಬ್ಯಾನ್ ಮಾಡಿದೆ. ಇನ್ನು ಉಲ್ಲಂಘನೆ ಕಂಡುಬಂದಲ್ಲಿ 7 ವರ್ಷ ಶಿಕ್ಷೆ ಹಾಗೂ 10 ಲಕ್ಷ ದಂಡದ ಎಚ್ಚರಿಕೆ ನೀಡಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.

ಒಟ್ಟಾರೆಯಾಗಿ ಈಗಾಗಲೇ ಗೋಬಿ ಮಂಚೂರಿಯನ್ ಗೆ ಹಾಕುವ ಬಣ್ಣ ಬ್ಯಾನ್ ಆಗಿದೆ.. ಈ ನಿಯಮಗಳು ಬರಿ ಗೋಬಿ ಮಂಚೂರಿಯನ್ ಹಾಗೆ ಕಾಟನ್ ಕ್ಯಾಂಡಿಗೆ ಮಾತ್ರ ಅನ್ವಯಿಸುವುದಿಲ್ಲ.. ಹಾಗಾಗಿ ಕಬಾಬು ಕೂಡ ಈ ಬಣ್ಣವನ್ನು ಬಳಸುತ್ತಿದ್ದಾರೆ.. ಹಾಗಾಗಿ ನೀವೇನಾದ್ರೂ ಈ ರೀತಿ ಬಣ್ಣ ಕಟ್ಟಿದ ಕಬಾಬ್ ಗಳನ್ನ ತಿಂದ್ರೆ ಪರಲೋಕ ಸೇರುವುದು ಗ್ಯಾರಂಟಿ