ಇಂದಿನಿಂದ ಬೆಂಗಳೂರಿನಲ್ಲಿ ನೀರಿನ‌ ಸಮಸ್ಯೆ

ಬೆಂಗಳೂರು: ಇಷ್ಟು ದಿವಸ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಕಾರ್ಮಿಕರು ತಮ್ಮ‌ ನೌಕರಿಯನ್ನು ಖಾಯಂ ಮಾಡಬೇಕೆಂದು ಒತ್ತಾಯಿಸಿ ಪ್ರತಿಭಟನೆ ಮಾಡಿದರು. ಈಗ ಬೆಂಗಳೂರು ಜಲ‌ಮಂಡಳಿ ಸರದಿ.‌ ಪರಿಣಾಮ ಇಂದಿನಿಂದ ರಾಜಧಾನಿ ಬೆಂಗಳೂರಿನಲ್ಲಿ ನೀರಿನ‌ ಸಮಸ್ಯೆ ಉಂಟಾಗಲಿದೆ.

ಬೆಂಗಳೂರು ಜಲ ಮಂಡಳಿಯಲ್ಲಿ  ಹೊರಗುತ್ತಿಗೆ ನೌಕರರಾಗಿ ಕೆಲಸ ಮಾಡುವ ಎಲ್ಲಾ ನೌಕರರನ್ನ ಕಾಯಂಗೊಳಿಸಬೇಕೆಂದು ಸೋಮವಾರದಿಂದ ನಗರದ  ಕಾರ್ಮಿಕರ ಭವನದ ಎದುರು ಅಹೋರಾತ್ರಿ ಪ್ರತಿಭಟನೆ ಮಾಡುತ್ತಿದ್ದಾರೆ.

ತಮ್ಮ ನೌಕರಿ‌ ಕಾಯಂ ಮಾಡುವುದಷ್ಟೇಯಲ್ಲದೆ ಸಂಪೂರ್ಣವಾಗಿ ಹೊರಗುತ್ತಿಗೆ ಪದ್ಧತಿಯನ್ನೇ ರದ್ದು ಮಾಡಬೇಕೆಂದು‌ ಆಗ್ರಹಿಸಿ ಮಂಗಳವಾರದಿಂದ ನೀರು ಮತ್ತು ಸ್ಯಾನಿಟರಿ ವಾಹನಗಳು ಸೇರಿದಂತೆ ಎಸಿ ಟಿ ಪಿ ಪ್ಲಾಂಟ್ ಗಳನ್ನು ಬಂದ್ ಮಾಡಲು ಮುಂದಾಗಿದ್ದಾರೆ.

ಕಾರ್ಮಿಕ ಭವನದ ಎದುರೇ ಅಡುಗೆ ಮಾಡಿಕೊಂಡು ಊಟ ಮಾಡುತ್ತಿರುವ ಪ್ರತಿಭಟನಾಕಾರರು, ನಮ್ಮ ಬೇಡಕೆ ಈಡೇರಿಸಲಿಲ್ಲವೆಂದರೆ ಮುಂದಿನ ದಿನಗಳಲ್ಲಿ ನಮ್ಮ ಕುಟುಂಬ ಸದಸ್ಯರನ್ನು ಕರೆತಂದು ಪ್ರತಿಭಟನೆ ಮಾಡುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ಸಮಾನ ಕೆಲಸಕ್ಕೆ  ಸಮಾನ ವೇತನ ನೀಡುವ ವ್ಯವಸ್ಥೆ ಬರುವವರೆಗೂ ಇಲ್ಲಿಂದ‌ ತೆರಳುವುದಿಲ್ಲ. ನಮಗೆ ಅಧಿಕಾರಿಗಳಿಂದ ಅನ್ಯಾಯವಾಗುತ್ತಿದೆ ಎಂದು ಪ್ರತಿಭಟನಾಕಾರರು ಹೇಳಿದ್ದಾರೆ.