‘ಡಿ.ಕೆ.ಶಿವಕುಮಾರ್ ಮತ್ತು 40 ಡೀಲುಗಳು!’

ಬೆಂಗಳೂರು: ಕೆಪಿಸಿಸಿ ಅಧ‍್ಯಕ್ಷ ಡಿ.ಕೆ.ಶಿವಕುಮಾರ್ ವಿರುದ್ಧ ಬಿಜೆಪಿ ತೀವ್ರ ವಾಗ್ದಾಳಿ ನಡೆಸಿದ್ದು, ‘ಡಿಕೆಶಿ ಮತ್ತು 40 ಡೀಲುಗಳು!’ ಎಂದು ಸರಣಿ ಟ್ವೀಟ್ ಮಾಡಿದೆ. ‘ಡೀಲ್ ಡಿಕೆ ಮನೆಮೇಲೆ ಐಟಿ ದಾಳಿ ನಡೆದಾಗ 317 ಬ್ಯಾಂಕ್ ಖಾತೆಗಳು ಪತ್ತೆಯಾದವು. ಇವುಗಳೇನು #DealDK ಕುಟುಂಬದ ಜನ್ ಧನ್ ಖಾತೆಯಾಗಿರಲಿಲ್ಲ, 200 ಕೋಟಿಗೂ ಅಧಿಕ ಬೇನಾಮಿ ಆಸ್ತಿಯ ಕಳ್ಳಗಂಟಿನ ಖಾತೆಯಾಗಿತ್ತು. ಇದೆಲ್ಲವೂ ದೊಡ್ಡಾಲಹಳ್ಳಿ ಕೆಂಪೇಗೌಡರ ಮಗನ ಪಿತ್ರಾರ್ಜಿತ ಆಸ್ತಿ ಆಗಿರಲು ಹೇಗೆ ಸಾಧ್ಯ?’ ಎಂದು ಟೀಕಿಸಿದೆ.

‘ಡಿ.ಕೆ.ಶಿವಕುಮಾರ್ ಅವರೇ ನೀವು ಮಾಡಿದ ಹಗರಣ, ಡೀಲು ಹಾಗೂ ಇನ್ನಿತರ ಅವ್ಯವಹಾರಗಳು ದೊಡ್ಡ ದೊಡ್ಡ ಬ್ಯಾರಲ್‌ನಲ್ಲಿ ಅಡಗಿಕೊಂಡಿವೆ. ಪೊಲೀಸರ ತನಿಖೆ ಕಾದ ಎಣ್ಣೆ ಸುರಿದಂತೆ ಆಗುತ್ತಿದೆಯೇ? ದೆಹಲಿಯ ಅಪಾರ್ಟ್‌ಮೆಂಟನ್ನು ಅಕ್ರಮ ಹಣ ಸಂಗ್ರಹದ ಗೋದಾಮು ಮಾಡಿಕೊಂಡದ್ದನ್ನು ರಾಜ್ಯದ ಜನೆ ಮರೆತಿಲ್ಲ’ವೆಂದು ಬಿಜೆಪಿ ಕುಟಿಕಿದೆ.

‘ಸಿದ್ದರಾಮಯ್ಯ ಸರ್ಕಾರದಲ್ಲಿ ತಡವಾಗಿ ಸಂಪುಟ ಸೇರಿದ #DealDK ಭ್ರಷ್ಟಾಚಾರ ಎಸಗಬಹುದೆಂಬ ಸೂಚನೆ ಇತ್ತು. ಅದಕ್ಕಾಗಿಯೇ ಶಾಂತಿ ನಗರ ಹೌಸಿಂಗ್ ಸಹಕಾರ ಸಂಘದ ಅವ್ಯವಹಾರದ ಕಡತವನ್ನು ಸಿದ್ದರಾಮಯ್ಯ ಭದ್ರವಾಗಿಟ್ಟುಕೊಂಡಿದ್ದರು. ಡಿ.ಕೆ.ಶಿವಕುಮಾರ್ ಅವರ ಭ್ರಷ್ಟಾಚಾರದ ಕಲೆ ಕಾಂಗ್ರೆಸ್‌ ನಾಯಕರಿಗೂ ಹಿಡಿಸುತ್ತಿರಲಿಲ್ಲ ಎಂಬುದು ನಿಜವಲ್ವೇ?’ ಎಂದು ಪ್ರಶ್ನಿಸಿದೆ.

ಜಾರಿ ನಿರ್ದೇಶನಾಲಯ ಸಂಸ್ಥೆಯಲ್ಲಿ ದಾಖಲಾಗಿದ್ದವು. ಸತ್ಯ ಹರಿಶ್ಚಂದ್ರನ ಎರಡನೇ ಅವತಾರದಂತೆ ವರ್ತಿಸುವ ಡಿ.ಕೆ.ಶಿವಕುಮಾರ್ ಅವರೇ, ಈ ದೂರುಗಳೆಲ್ಲಾ ಸುಖಾಸುಮ್ಮನೆ ದಾಖಲಾಗಿದ್ದೇ? ನೋಟು ಅಮಾನ್ಯೀಕರಣ ಸಂದರ್ಭದಲ್ಲಿ ಪುತ್ರಿಯ ಖಾತೆಗೂ ಹಣ ವರ್ಗಾವಣೆಯಾಗಿದ್ದು ಸುಳ್ಳೇ?’ ಎಂದು ಬಿಜೆಪಿ ಪ್ರಶ್ನಿಸಿದೆ.