ಅವರೆಯಲ್ಲಿ ಸೊಗಡಿಲ್ಲ- ತರಕಾರಿಗಳಲ್ಲಿ‌ ರುಚಿಯಿಲ್ಲ: ಕುಲಾಂತರಿ ತಳಿ ವಿರೋಧಿಸಿ ರೈತರು, ಚಿಂತಕರಿಂದ ಪ್ರತಿಭಟನೆ

ಚಾಮರಾಜನಗರ: ಕುಲಾಂತರಿ ತಳಿಗಳನ್ನು ವಿರೋಧಿಸಿ, ಕೃಷಿ ಕ್ಷೇತ್ರದಲ್ಲಿ ಎಂಎನ್‌ಸಿಗಳ  ಬಹಿಷ್ಕಾರಕ್ಕೆ ಆಗ್ರಹಿಸಿ ರೈತ ಸಂಘಟನೆಗಳು, ಚಿಂತಕರು ಪ್ರತಿಭಟನೆ ನಡೆಸಿದರು.

ಚಾಮರಾಜನಗರದ ಚಾಮರಾಜೇಶ್ವರ ದೇಗುಲ ಮುಂಭಾಗದಿಂದ ಮೆರವಣಿಗೆ ಹೊರಟ ಕುಲಾಂತರಿ ಆಹಾರ ತಳಿ ವಿರೋಧಿ ಒಕ್ಕೂಟವು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಾನವ ಸರಪಳಿ ನಿರ್ಮಿಸಿ ಕೇಂದ್ರ ಮತ್ತು ರಾಜ್ಯ ಸರ್ಕಾರದ ವಿರುದ್ಧ ಆಕ್ರೋಶ ಹೊರಹಾಕಿದರು.

ಇದನ್ನೂ ಓದಿ- ಮಸೀದಿಯಲ್ಲಿ ಹೋಳಿಗೆ ಊಟ: ಬೆಳಗ್ಗೆಯಿಂದ ಸಂಜೆ ತನಕ ಮಸೀದಿ ದರ್ಶನ

ಈ ವೇಳೆ ಚಿಂತಕ ಜಯದೇವ್ ಮಾತನಾಡಿ, ಪಾರಂಪರಿಕ ಕೃಷಿಜ್ಞಾನವು ಕುಲಾಂತರಿ ತಳಿಗಳಿಂದ ಮರೆಯಾಗಿ  ಆಹಾರಗಳು ವಿಷಪೂರಿತ ಆಗುತ್ತಿದೆ. ಅವರೆಕಾಯಿಯಲ್ಲಿ ಸೊಗಡಿಲ್ಲ- ತರಕಾರಿಗಳಲ್ಲಿ ರುಚಿ ಇಲ್ಲದಂತಾಗಿದೆ, ಕೃಚಿ ಕ್ಷೇತ್ರದಲ್ಲಿ ಎಂಎನ್‌ಸಿ ಕಂಪನಿಗಳು ಮತ್ತು ಕುಲಾಂತರಿ ತಳಿಗಳನ್ನು ಬಹಿಷ್ಕರಿಬೇಕು ಎಂದರು.

ಇದನ್ನೂ ಓದಿ- ಅಡುಗೆ ಅನಿಲ ಸೋರಿಕೆಯಿಂದ ಸ್ಫೋಟ ಸಂಭವಿಸಿದ ಸಂಜಯನಗರ ಕೊಳಗೇರಿಗೆ ಸಚಿವ ಜಮೀರ್ ಅಹಮದ್ ಖಾನ್ ಭೇಟಿ 

ಸರ್ಕಾರಗಳು ಕುಲಾಂತರಿ ತಳಿಗೆ ಮನ್ನಣೆ ಕೊಡಬಾರದು ಎಂದು ರೈತರು ಘೋಷಣೆ ಕೂಗಿದರು. ರಸ್ತೆ ತಡೆ ಬಳಿ ಜಿಲ್ಲಾಡಳಿತ ಭವನ ಎದುರು ಸಾಂಕೇತಿಕ ಧರಣಿ ನಡೆಸಿದರು.