ಕಲ್ಕಿ ಹಿಟ್‌ ಬೆನ್ನಲ್ಲೆ, ಪ್ರಭಾಸ್ `ದಿ ರಾಜಾ ಸಾಬ್` ಫಸ್ಟ್‌ ಲುಕ್‌ ಔಟ್‌..! ಕುತೂಹಲ ಹುಟ್ಟಿಸುತ್ತಿದೆ ಡಾರ್ಲಿಂಗ್‌ ಲುಕ್‌

The Raja Saab first glimpse : ಪ್ರಭಾಸ್ 'ಬಾಹುಬಲಿ' ಸರಣಿಯೊಂದಿಗೆ ಸತತ ಪ್ಯಾನ್ ಇಂಡಿಯಾ ಯೋಜನೆಗಳಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚಿಗೆ ತೆರೆಕಂಡ ಚಿತ್ರ 'ಕಲ್ಕಿ' ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 1100 ಕೋಟಿಗೂ ಹೆಚ್ಚು ಲೂಟಿ ಮಾಡಿದೆ. ಬಾಹುಬಲಿ 2 ನಂತರ ರೂ. 1000 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ ಎರಡನೇ ಚಿತ್ರ ಎಂಬ ದಾಖಲೆಯನ್ನು 'ಕಲ್ಕಿ' ನಿರ್ಮಿಸಿದೆ. 

ಈ ಸಿನಿಮಾದ ನಂತರ ಮಾರುತಿ ನಿರ್ದೇಶನದಲ್ಲಿ ‘ದಿ ರಾಜಾ ಸಾಬ್’ ಸಿನಿಮಾ ತಯಾರಾಗುತ್ತಿದೆ. ಒಂದೆಡೆ ಪ್ರಭಾಸ್ ‘ಸಾಲಾರ್ ಪಾರ್ಟ್ 2 ಶೌರ್ಯಾಂಗ ಪರ್ವಂ’ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿರುವಾಗಲೇ ಡಾರ್ಲಿಂಗ್‌ ಫ್ಯಾನ್ಸ್‌ಗೆ ಡಬಲ್‌ ಧಮಾಕ ಸಿಕ್ಕಿದೆ.. 

ಇದನ್ನೂ ಓದಿ:ಜೇನಿಗಿಂತಲೂ ಮಧುರ ಧ್ವನಿ.. 25 ಸಾವಿರಕ್ಕೂ ಹೆಚ್ಚು ಹಾಡಿಗೆ ಜೀವ ತುಂಬಿದ ಗಾಯಕಿ..! ಯಾರು ಅಂತ ಗೊತ್ತಾಯ್ತಾ..? 

‘ದಿ ರಾಜಾಸಾಬ್’ ಸಿನಿಮಾದ ಅವರ ಭಾಗದ ಚಿತ್ರೀಕರಣ ಆಗಸ್ಟ್‌ನಲ್ಲಿ ಪೂರ್ಣಗೊಳ್ಳಲಿದೆ. ನಾಳೆ ಈ ಸಿನಿಮಾದ ಬಗ್ಗೆ ಬಿಗ್ ಅಪ್ಡೇಟ್ ಹೊರ ಬೀಳಲಿದೆ. 'ದಿ ರಾಜಾ ಸಾಬ್' ನ ಮೊದಲ ಗ್ಲಿಂಪ್ಸಸ್ ಸೋಮವಾರ (29-7-2024) ಸಂಜೆ 5:30 ಕ್ಕೆ ಬಿಡುಗಡೆಯಾಗಲಿದೆ. ಜೊತೆಗೆ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ಘೋಷಿಸಲಾಗುತ್ತದೆ. 

ಈ ಸಿನಿಮಾದಲ್ಲಿ ರೆಬೆಲ್ ಸ್ಟಾರ್ ಜೊತೆ ನಿಧಿ ಅಗರ್ವಾಲ್, ಮಾಳವಿಕಾ ಮೋಹನನ್ ಮತ್ತು ರಿದ್ಧಿ ಕುಮಾರ್ ನಟಿಸುತ್ತಿದ್ದಾರೆ. ಸಂಜಯ್ ದತ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಒಟ್ಟಿನಲ್ಲಿ ಪ್ರಭಾಸ್ ತಮ್ಮ ಅಭಿಮಾನಿಗಳಿಗೆ ಭರವಸೆ ನೀಡಿದಂತೆ ವರ್ಷಕ್ಕೆ ಎರಡು ಚಿತ್ರಗಳನ್ನು ನೀಡುತ್ತಿದ್ದಾರೆ.. ಇದರಿಂದ ಡಾರ್ಲಿಂಗ್‌ ಫ್ಯಾನ್ಸ್‌ ಫುಲ್‌ ಖುಷಿಯಾಗಿದ್ದಾರೆ..