Cubbon Park: ಕಬ್ಬನ್ ಪಾರ್ಕ್ ನಡಿಗೆದಾರರ ಬೇಸರಕ್ಕೆ ಕಾರಣವಾಯ್ತಾ ಸರ್ಕಾರದ ನಿರ್ಧಾರ..!?

ಬೆಂಗಳೂರು: ಇನ್ಮುಂದೆ ಪ್ರತಿತಿಂಗಳ 2 ಮತ್ತು 4ನೇ ಶನಿವಾರ ಕಬ್ಬನ್‌ ಪಾರ್ಕ್‌ನ ಒಳಗೆ ವಾಹನ ಸಂಚಾರಕ್ಕೆ ಅನುವು ನೀಡಿ ತೋಟಗಾರಿಕಾ ಇಲಾಖೆ ಆದೇಶ ಹೊರಡಿಸಿದೆ. ಇದು ಸಾರ್ವಜನಿಕರಿಗೆ ಸಂತಸ ನೀಡಿದ್ರೆ, ನಡಿಗೆದಾರರ ಸಂಘದ ಸದಸ್ಯರಿಗೆ ಬೇಸರ ತರಿಸಿದೆ. ವಾರದಲ್ಲಿ 2ನೇ ಶನಿವಾರ ಮತ್ತು ಪ್ರತಿ ಭಾನುವಾರ ಇದ್ದ ವಾಹನ ನಿರ್ಬಂಧ ತೆರವುಗೊಳಿಸಲಾಗಿದೆ. ಹೀಗಾಗಿ ಕಬ್ಬನ್ ಪಾರ್ಕ್ ನಡಿಗೆದಾರರ ಬೇಸರಕ್ಕೆ ಕಾರಣ ಆಯ್ತಾ ರಾಜ್ಯ ಸರ್ಕಾರದ ನಿರ್ಧಾರ..!? ಅನ್ನೋ ಪ್ರಶ್ನೆ ಮೂಡಿದೆ. 

ಇನ್ಮೆಲೆ ರಜಾ ದಿನಗಳಲ್ಲೂ ಕಬ್ಬನ್ ಪಾರ್ಕ್ ಒಳಗೆ ವಾಹನ ಸಂಚಾರಕ್ಕೆ ಅವಕಾಶ ನೀಡಲಾಗಿದೆ. ರಜಾ ದಿನಗಳಲ್ಲಿ ಕಬ್ಬನ್ ಪಾರ್ಕ್ ಒಳಗಿನ ವಾಹನ ಸಂಚಾರಕ್ಕೆ ಈ ಹಿಂದೆ ನಿಷೇಧ ಹೇರಲಾಗಿತ್ತು. ಈ ಬಗ್ಗೆ ಸರ್ಕಾರಕ್ಕೆ ಕಬ್ಬನ್ ಪಾರ್ಕ್ ನಡಿಗೆದಾರರ ಸಂಘವು ಪ್ರಸ್ತಾವನೆ ಸಲ್ಲಿಸಿತ್ತು. ಬಟ್ ಇದೀಗ ಮತ್ತೆ ವಾಹನ ಸಂಚಾರಕ್ಕೆ ಅವಕಾಶ ಮಾಡಿಕೊಡಲಾಗಿದೆ. 

ಇದನ್ನೂ ಓದಿ: ಅಕ್ರಮ ಮರಳು ದಂಧೆಕೋರರಿಂದ ಪೊಲೀಸ್ ‌ಪೇದೆ ಮೇಲೆ ಹಲ್ಲೆ

2 ತಿಂಗಳು ಪ್ರಾಯೋಗಿಕವಾಗಿ ರಜಾ ದಿನಗಳಲ್ಲಿ ವಾಹನಗಳ ಓಡಾಟಕ್ಕೆ ಅವಕಾಶ ನೀಡಲಾಗಿದೆ. ಈ ವೇಳೆ ಪರಿಸರದ ಮೇಲಿನ ದುಷ್ಪರಿಣಾಮಗಳು ಹಾಗೂ ವಾಣಿಜ್ಯ ಪ್ರದೇಶ ವ್ಯಾಪ್ತಿಯ ವಾಹನಗಳ ಸಂಚಾರದ ಬಗ್ಗೆ ಅವಲೋಕನ ಮಾಡಿ ಮುಂದಿನ ತೀರ್ಮಾನ ತೆಗೆದುಕೊಳ್ಳಲು ಅಧಿಕಾರಿಗಳು ಮುಂದಾಗಿದ್ದಾರೆ. 

ಅನುಮತಿ ಕೊಟ್ಟಿದ್ಯಾಕೆ..? 

ಈ ಹಿಂದೆ ಕಬ್ಬನ್‌ ಪಾರ್ಕ್‌ ಒಳಗೆ ರಜಾ ದಿನಗಳು, ಪ್ರತಿ ತಿಂಗಳ 2ನೇ, 4ನೇ ಶನಿವಾರ ವಾಹನಕ್ಕೆ ನಿಷೇಧ ಹೇರಲಾಗಿತ್ತು. ಇದರಿಂದ ವಾಣಿಜ್ಯ ವಲಯ ಪ್ರದೇಶದಲ್ಲಿ ವಾಹನಗಳ ದಟ್ಟಣೆ ಹೆಚ್ಚಾಗಿತ್ತು. ವಾಹನ ದಟ್ಟಣೆ ತಪ್ಪಿಸಲು ಸಂಚಾರಿ ಪೊಲೀಸರು ಪ್ರಸ್ತಾವನೆ ಸಲ್ಲಿಸಿದ್ರು. ಹೀಗಾಗಿ ಮನವಿಗೆ ಅಸ್ತು ಅಂದಿರುವ ಸರ್ಕಾರ ಇದೀಗ ಅವಕಾಶ ಕೊಟ್ಟಿದೆ. ಸರ್ಕಾರದ ಈ ನಿರ್ಧಾರದಿಂದ ನಡಿಗೆದಾರರಿಗೆ ಬೇಸರ ತರಿಸಿದೆ.

ಇದನ್ನೂ ಓದಿ: ನಮ್ಮ ಅವಧಿಯ ಕೆಲಸಗಳನ್ನು ತಮ್ಮ ಸಾಧನೆ ಎಂದು ಹೇಳಿಕೊಂಡಿದ್ದಾರೆ: ಬಸವರಾಜ ಬೊಮ್ಮಾಯಿ