ಹಾವೇರಿಯಲ್ಲಿ ರೈತರ ಮೇಲೆ ಗೋಲಿಬಾರ್ ನಡೆದು ಇಂದಿಗೆ 15 ವರ್ಷ...!

Haveri : ರೈತರ ಹೋರಾಟ ಹಿಂಸಾಚಾರಕ್ಕೆ ತಿರುಗುತ್ತಿದ್ದಂತೆ, ಖಾಕಿ ಪಡೆ ರೈತರ ಮೇಲೆ ಗೋಲಿಬಾರ್ ನಡೆಸಿದರು. ಇನ್ನು ಪೊಲೀಸರ ಗೋಲಿಬಾರ್‌ನಲ್ಲಿ ರೈತರಾದ ಸಿದ್ದಲಿಂಗಪ್ಪ ಚೂರಿ ಮತ್ತು ಪುಟ್ಟಪ್ಪ ಹೊನ್ನತ್ತಿ ಹುತಾತ್ಮರಾಗಿದ್ದರು. ಸಿದ್ದಲಿಂಗಪ್ಪ ಚೂರಿ ಗೋಲಿಬಾರ್‌ನಲ್ಲಿ ಸಾವನ್ನಪ್ಪಿದ್ದರೆ. ಪುಟ್ಟಪ್ಪ ಹೊನ್ನತ್ತಿ ಗಾಯಗೊಂಡು ಆಸ್ಪತ್ರೆಯಲ್ಲಿ ತಮ್ಮ ಕೊನೆ ಉಸಿರು ಎಳಿದಿದ್ದರು.

ಈ ಹಿನ್ನೆಲೆ ಹಾವೇರಿಯಲ್ಲಿ ಪ್ರತಿವರ್ಷ‌ ವಿವಿಧ ರೈತ ಸಂಘಟನೆಗಳು ರೈತ ಹುತಾತ್ಮ ದಿನಾಚರಣೆ ಆಚರಿಸುತ್ತಾ ಬಂದಿವೆ. ಈ ಹಿನ್ನಲೆ ಇಂದು ಸಹ ವಿವಿಧ ರೈತ ಸಂಘಟನೆಗಳು ರೈತ ಹುತಾತ್ಮ ದಿನಾಚರಣೆಯನ್ನ ಹಾವೇರಿಯಲ್ಲಿ ಆಚರಿಸಿದವು. 10-06-2008 ರಂದು ಗೋಲಿಬಾರ್ ನಡೆದ ಹೊಸಮನಿ ಸಿದ್ದಪ್ಪ ವೃತ್ತದ ಬಳಿ ಇರುವ ರೈತರ ಹುತಾತ್ಮ ವೀರಗಲ್ಲಿಗೆ ರೈತ ಮುಖಂಡರು ಮಾಲಾರ್ಪಣೆ ಮಾಡಿ ಪೂಜೆ ಸಲ್ಲಿಸಿದರು. 

ಇದನ್ನೂ ಓದಿ-Dharwad Snake News : ಮನೆಯ ಹಿತ್ತಲಿನಲ್ಲಿ ಅಡಗಿದ್ದವು 25 ನಾಗರ ಹಾವುಗಳು, ನೆಲದ ಅಡಿಯಿಂದ ಮೇಲೆದ್ದ ರಾಶಿ ರಾಶಿ ಉರಗಗಳು!

ಬಳಿಕ ನಗರದ ಸಿದ್ದಪ್ಪ ಸರ್ಕಲ್ ನಲ್ಲಿ ರೈತರು ಪ್ರತಿಭಟನೆ ಮಾಡಿದರು. ಈ ಸಂದರ್ಭದಲ್ಲಿ ಹುತಾತ್ಮ ರೈತರ ಪರ ಜಯಘೋಷಣೆ ಹಾಕಿದರು. ನಂತರ ಗೋಲಿಬಾರ್ ನಲ್ಲಿ ಹುತಾತ್ಮ ರೈತರ ಆತ್ಮಕ್ಕೆ ಶಾಂತಿಕೋರಿ ಮಾತನಾಡಿದ ರೈತರು,ಈ ಬಾರಿ ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಆಡಳಿತಕ್ಕೆ ಬಂದಿದೆ‌. ಈ ಸರ್ಕಾರ ವಾದರು ರೈತರ ಪರವಾಗಿ ಕೆಲಸ ಮಾಡಲಿ ಎಂದು ಹೇಳಿದರು.