ಕಾಂಗ್ರೆಸ್‌ಗೆ “ಭಾರತ”ದ ಮೇಲೆ ಈ ಪರಿ ದ್ವೇಷವೇಕೆ..?: ಬಿಜೆಪಿ ಆಕ್ರೋಶ

ಬೆಂಗಳೂರು: ತನ್ನ ಸ್ವಾರ್ಥ ರಾಜಕೀಯ ಉದ್ದೇಶಗಳ ಸಾಧನೆಗಾಗಿ ಭಾರತದ ಅಸ್ಮಿತೆಯನ್ನು ಬಲಿ ಕೊಡಲು ಕಾಂಗ್ರೆಸ್ ಸದಾ ಸಿದ್ಧವಾಗಿರುತ್ತದೆ ಎಂದು ಬಿಜೆಪಿ ಟೀಕಿಸಿದೆ. ಭಾರತ್ vs ಇಂಡಿಯಾ ವಿವಾದ ವಿಚಾರವಾಗಿ ಬುಧವಾರ ಸರಣಿ ಟ್ವೀಟ್ ಮಾಡಿರುವ ಬಿಜೆಪಿ, ಕಾಂಗ್ರೆಸ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದೆ.

‘ದೇಶದ ಹೆಮ್ಮೆಯ ಸೈನಿಕರು "ಬೋಲೋ ಭಾರತ್ ಮಾತಾ ಕೀ ಜೈ" ಎಂದರೇ, ಅದು ಅಸಂವಿಧಾನಿಕ ಪದ, ಅದನ್ನು ಹೇಳಬಾರದೆಂಬ ಉದ್ಧಟತನ ಕಾಂಗ್ರೆಸ್‌ನವರದ್ದಾಗಿರುತ್ತದೆ. “ಭಾರತ್ ಜೋಡೋ” ಹೆಸರಿನಲ್ಲಿ ದೇಶಾದ್ಯಂತ ವಾಕಿಂಗ್ ಮಾಡಿ ಮಜಾ ಮಾಡಿದ್ದ ಕಾಂಗ್ರೆಸ್‌ನವರಿಗೆ ಭಾರತ ಹಾಗೂ ಭಾರತೀಯರೆಂದರೆ ಅಲರ್ಜಿ. ಭಾರತ ಎಂಬ ಹೆಸರನ್ನು ಬಳಸಿದ್ದಕ್ಕೆ ನಖಶಿಖಾಂತ ಉರಿದುಕೊಂಡು ಅದು ಅಪರಾಧ ಎಂಬಂತೆ ಬಾಯಿಗೆ ಬಂದಂತೆ ಹೇಳಿಕೆಗಳನ್ನು ನೀಡುತ್ತಿದ್ದಾರೆ’ ಎಂದು ಕುಟುಕಿದೆ.

ಇದನ್ನೂ ಓದಿ: ವಿವಿಧ ಧರ್ಮಗಳಲ್ಲಿ ʼದಯವೇ ಧರ್ಮದ ಮೂಲʼ ಎಂದಿದ್ದಾರೆ : ಸಿಎಂ ಸಿದ್ದರಾಮಯ್ಯ

ರಾಹುಲ್‌ ಗಾಂಧಿಯವರ ಕಾಂಗ್ರೆಸ್‌ ಪಕ್ಷ ತನ್ನ ವಿದ್ಯಾರ್ಥಿ ಘಟಕದ ಉಸ್ತುವಾರಿಯನ್ನಾಗಿ ನೇಮಿಸುತ್ತದೆ. ಮೊದಲಿನಿಂದಲೂ ಭಾರತದ ಪರ ಧ್ವನಿ ಎತ್ತುವವರಿಗಿಂತಲೂ, ಭಾರತದ ವಿರುದ್ಧ ಧ್ವನಿ ಎತ್ತುವವರ ಪರ ಕಾಂಗ್ರೆಸ್‌ಗೆ ಪ್ರೀತಿ ಹೆಚ್ಚು. ಕಾಂಗ್ರೆಸ್‌ನವರಿಗೆ ತಮ್ಮ ಗಾಂಧಿ ಕುಟುಂಬದ ಸದಸ್ಯರುಗಳಿಗೆ ನೀಡಲು “ಭಾರತ ರತ್ನ” ಬೇಕು, ಆದರೇ ಭಾರತ ಬೇಡ..!!!’ ಎಂದು ಬಿಜೆಪಿ ಟೀಕಿಸಿದೆ.