ಚೀನಾ & ಅದಾನಿ ಪದಗಳು ಮೋದಿ ಬಾಯಿಯಿಂದ ಹೊರಬರಲು ಭಯಪಡುತ್ತಿರುವುದೇಕೆ?: ಕಾಂಗ್ರೆಸ್

ಬೆಂಗಳೂರು: ಚೀನಾ ಮತ್ತು ಅದಾನಿ ಈ ಎರಡು ಪದಗಳು ಪ್ರಧಾನಿ ಮೋದಿ ಬಾಯಿಯಿಂದ ಹೊರಬರಲು ಭಯಪಡುತ್ತಿರುವುದೇಕೆ? ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ. ಈ ಬಗ್ಗೆ ಗುರುವಾರ ಸರಣಿ ಟ್ವೀಟ್ ಮಾಡಿದ್ದು, ಕೇಂದ್ರ ಸರ್ಕಾರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದೆ.

‘ಲೋಕಸಭೆಯಲ್ಲಿ ದೇಶದ ದಿಕ್ಕುತಪ್ಪಿಸುವ, ಕಾಂಗ್ರೆಸ್ ಬಗ್ಗೆ ಇಲ್ಲದ ಆರೋಪ ಹೊರಿಸಲು ಕಾಲಹರಣ ಮಾಡದೆ ಪ್ರಧಾನಿ ಮೋದಿಯವರು ನೇರವಾಗಿ ದೇಶಕ್ಕೆ ಉತ್ತರಿಸಲಿ. ಅದಾನಿಗೆ ಪ್ರಧಾನಿ ಮೋದಿ ಮಾಡಿದ ಸಹಾಯವೇನು? LIC ಹೂಡಿಕೆಯ ನಷ್ಟಕ್ಕೆ ಹೊಣೆ ಯಾರು? ಅದಾನಿಗೆ ಬ್ಯಾಂಕುಗಳು ನೀಡಿದ ಅಪರಿಮಿತ ಸಾಲದ ಕತೆ ಏನು? ಅದಾನಿ ವಿರುದ್ದದ ಆರೋಪಗಳ ಕುರಿತು ತನಿಖೆ ಯಾವಾಗ?’ ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

‘ಅದಾನಿ ಹಗರಣದ ಕುರಿತ ಪ್ರಶ್ನೆಗೆ ಉತ್ತರಿಸಬೇಕಾದ ಪ್ರಧಾನಿ ತೀರ ಬಾಲಿಶವಾಗಿ ಮಾತನಾಡುವುದು ದೇಶದ ದೌರ್ಭಾಗ್ಯ. "ಚೀನಾ & ಅದಾನಿ" ಈ 2 ಪದಗಳು ಮೋದಿ ಬಾಯಿಯಿಂದ ಹೊರಬರಲು ಭಯಪಡುತ್ತಿರುವುದೇಕೆ? 8 ವರ್ಷ ಆಡಳಿತ ಪೂರೈಸಿದ ಮೇಲೂ ಉತ್ತರದಾಯಿಯತ್ವ ಹೊರಲು ಮೋದಿಯವರಿಗೆ ಆಗುತ್ತಿಲ್ಲವೇಕೆ? ಗಂಭೀರವಾದ ಅದಾನಿ ಹಗರಣದ ಬಗ್ಗೆ ಮಾತಾಡುವುದು ಯಾವಾಗ?’ ಎಂದು ಕಾಂಗ್ರೆಸ್ ಟ್ವೀಟ್ ಮಾಡಿದೆ.

ಕಾಂಗ್ರೆಸ್ ವ್ಯಂಗ್ಯವಾಡಿದೆ.