Basavaraj Dindur : `ರಾಜ್ಯದಲ್ಲಿ ತಲೆ ಎತ್ತಲಿವೆ ಪಂಚಮಸಾಲಿ ಸಮಾಜದ ಒಟ್ಟು ಹತ್ತು ಪೀಠಗಳು`

ಬಾಗಲಕೋಟೆ : ರಾಜ್ಯದಲ್ಲಿ ಪಂಚಮಸಾಲಿ ಸಮಾಜದ ಒಟ್ಟು ಹತ್ತು ಪೀಠಗಳು ತಲೆ ಎತ್ತಲಿವೆ ಎಂದು ಹರಿಹರ ಪಂಚಮಸಾಲಿ ಪೀಠದ ಟ್ರಸ್ಟಿ ಬಸವರಾಜ್ ದಿಂಡೂರ ಹೇಳಿದ್ದಾರೆ.

ಇಂದು ಜಿಲ್ಲೆಯ ಜಮಖಂಡಿ ತಾಲೂಕಿನ ಆಲಗೂರ ಗ್ರಾಮದಲ್ಲಿ ಪಂಚಮಸಾಲಿ 3ನೇ ಪೀಠದ ಕಟ್ಟಡ ನಿರ್ಮಾಣದ ಭೂಮಿ ಪೂಜೆ ಬಳಿಕ  ಸುದ್ದಿಗಾರರ ಜೊತೆ ಮಾತನಾಡಿದ ಅವರು(Basavaraj Dindur), 2030ರ ಸಂಕ್ರಾಂತಿ ವೇಳೆಗೆ ಹತ್ತು ಪೀಠಗಳು ಆಗಬಹುದು. ಸದ್ಯ ಶಿಕಾರಿಪುರ ತಾಲೂಕಿನ ಉಡತಡಿ ಗ್ರಾಮದಲ್ಲಿ ಪೀಠಗಳ ಸ್ಥಾಪನೆ ಮಾಡಲಾಗಿದೆ.ಉಡತಡಿಯಲ್ಲಿ ಪಂಚಮಸಾಲಿ ಸಮಾಜದ ಮಹಿಳಾ ಪೀಠ ಸ್ಥಾಪನೆ ಆಗಲಿದೆ. ಆಕಳಿಗೊಂದು ಗೂಟ, ಜಿಲ್ಲೆಗೊಂದು ಪಂಚಮಸಾಲಿ ಪೀಠ ಆಗಬೇಕು. ದೊಡ್ಡ ಜಿಲ್ಲೆ ಇದ್ದರೆ ಎರಡು ಪೀಠಗಳು ಆದರೂ ತೊಂದರೆ ಇಲ್ಲ ಎಂದರು.

ಇದನ್ನೂ ಓದಿ : Jayamritunjaya Swamiji : 'ನವೀನ್ ಅಣ್ಣನಿಗೆ ಅನುಕಂಪದ ಆಧಾರದ ಮೇಲೆ ಸರ್ಕಾರಿ ಕೆಲಸ ಕೊಡಬೇಕು'

ಪೀಠಗಳ ಸ್ಥಾಪನೆ(Panchamasali Jagadguru Peetha) ಮುಖ್ಯ ಉದ್ದೇಶವೆಂದರೆ, ಸಮಾಜದ ಯುವಜನರಿಗೆ ಧಾರ್ಮಿಕ ಸಂಸ್ಕಾರ ನೀಡುವುದು ಮತ್ತು ಮಕ್ಕಳಲ್ಲಿ ಸ್ವಾಭಿಮಾನ, ವ್ಯಕ್ತಿತ್ವ ವಿಕಾಸ ಮಾಡುವುದಾಗಿದೆ. ಆ ಮೂಲಕ ರಾಜ್ಯದಲ್ಲಿ ಇರುವ ಒಂದು ಕೋಟಿ ಪಂಚಮಸಾಲಿ ಸಮಾಜವನ್ನು ಒಕ್ಕಟ್ಟು ಮಾಡುವುದಾಗಿದೆ ಎಂದು ತಿಳಿಸಿದ್ದಾರೆ.