Ramesh Jarkiholi: ಸಿಪಿ ಯೋಗೀಶ್ವರ್ ಪರ ಬೆಳಗಾವಿ ಸಾಹುಕಾರ್ ಬ್ಯಾಟಿಂಗ್..!

ಬೆಳಗಾವಿ: ಸಚಿವ ಸಿಪಿ ಯೋಗೀಶ್ವರ್ ವಲಸೆ ಬಂದವರನ್ನು ಒಗ್ಗೂಡಿಸೋಕಾಗಿ, ತಮ್ಮ ಮನೆಯ ಮೇಲೆಯೇ 9 ಕೋಟಿ ಸಾಲ ಮಾಡಿಕೊಂಡಿದ್ದಾರೆ. ಸಾಲ ಮಾಡಿಕೊಂಡು, ಆರೋಗ್ಯ ಹಾಳು ಮಾಡಿಕೊಂಡು ಕೆಲಸ ಮಾಡಿದ್ದಾರೆ. ಇದೆಲ್ಲಾ ನಮಗೋಸ್ಕರ ಯೋಗೀಶ್ವರ್ ಯಾಕ್ ಮಾಡಬೇಕಿತ್ತು.? ಅವರಿಗೆ ಸಚಿವ ಸ್ಥಾನ ನೀಡಿದ್ದು ಸರಿಯಾಗಿದೆ ಎಂಬುದಾಗಿ ಸಚಿವ ಸಿಪಿ ಯೋಗೀಶ್ವರ್ ಅವರಿಗೆ ಸಚಿವ ಸ್ಥಾನ ನೀಡಿದ್ದನ್ನು ಸಚಿವ ರಮೇಶ್ ಜಾರಕಿಹೊಳಿ ಸಮರ್ಥಿಸಿಕೊಂಡಿದ್ದಾರೆ. ಈ ಮೂಲಕ ಸಿಪಿ ಯೋಗೀಶ್ವರ್ ಪರ ಸಾಹುಕಾರ್ ಬ್ಯಾಟಿಂಗ್ ಬೀಸಿದ್ದಾರೆ.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸಚಿವ ರಮೇಶ್ ಜಾರಕಿಹೊಳಿ(Ramesh Jarkiholi), ಸಿಪಿ ಯೋಗೀಶ್ವರ್ ಗೆ ಸಚಿವ ಸ್ಥಾನ ನೀಡಿದ್ದಕ್ಕೆ ಸಮರ್ಥನೆ ಮಾಡಿಕೊಂಡರು. ತಮ್ಮ ಮನೆ ಮೇಲೆ 9 ಕೋಟಿ ಸಾಲ ಮಾಡಿಕೊಂಡಿದ್ರು. 9 ಕೋಟಿ ಸಾಲ ಮಾಡಿ ವಲಸೆ ಬಂದವರನ್ನು ಒಗ್ಗೂಡಿಸಿದ್ರು. ಯೋಗೀಶ್ವರ್ ಗೆ ನಮ್ಮನ್ನು ಒಗ್ಗೂಡಿಸುವುದು ಯಾಕೆ ಬೇಕಿತ್ತು.? ಕಷ್ಟ ಪಟ್ಟು ಆರೋಗ್ಯ ಹಾಳು ಮಾಡಿಕೊಳ್ಳೋದು ಯಾಕೆ ಬೇಕಿತ್ತು.? ಇದೆಲ್ಲಾ ನಮಗೋಸ್ಕರ ಯೋಗೀಶ್ವರ್ ಯಾಕೆ ಮಾಡ್ಬೇಕಿತ್ತು.? ಸಚಿವ ಎಂಟಿಬಿಯಿಂದ ಯೋಗೀಶ್ವರ್ ಸಾಲ ತಂದಿದ್ದರು. ಈಗ ಮಾತನಾಡುವ ಶಾಸಕರು ಆಗ ಎಲ್ಲಿದ್ರು.? ಎಂದು ಪ್ರಶ್ನಿಸಿದರು. ಅಲ್ಲದೇ ಯೋಗೀಶ್ವರ್ ಗೆ ಸಚಿವ ಸ್ಥಾನ ಸಿಕ್ಕಿರುವುದು ಸರಿಯಾಗಿದೆ. ಸರ್ಕಾರದ ರಚನೆಯಲ್ಲಿ ಯೋಗೀಶ್ವರ್ ಪಾತ್ರ ದೊಡ್ಡದಿದೆ ಎಂದು ಹೇಳಿದ್ದಾರೆ.