ಗೃಹ ಜ್ಯೋತಿ ಯೋಜನೆ ಬಗ್ಗೆ ನಿಮಗಿರುವ ಪ್ರಶ್ನೆಗಳಿಗೆ ಉತ್ತರ

ಬೆಂಗಳೂರು : ಇತ್ತೀಚಿಗೆ ಕಾಂಗ್ರೆಸ್ ಸರ್ಕಾರ ಪಂಚ ಗ್ಯಾರೆಂಟಿ ಯೋಜನೆ ಪೈಕಿ 200 ಯೂನಿಟ್ ಉಚಿತ ವಿದ್ಯುತ್ ಯೋಜನೆ "ಗೃಹ ಜ್ಯೋತಿ " ಘೋಷಣೆ ಆಗಿದೆ. ಈ ಯೋಜನೆಯ ಪ್ರಯೋಜನಗಳನ್ನು ಪಡೆಯುವ ಬಗ್ಗೆ ಸಾರ್ವಜನಿಕರಲ್ಲಿ ಕೆಲವು ಗೊಂದಲಗಳಿವೆ. ಅಂತಹ ಕೆಲವು ಸಾಮಾನ್ಯ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ. 

ಪ್ರಶ್ನೆ 1: ಏನಿದು ಗೃಹ ಜ್ಯೋತಿ ಸ್ಕೀಂ?
ಉತ್ತರ: ಕರ್ನಾಟಕ ಸರ್ಕಾರದ ಗೃಹ ಜ್ಯೋತಿ ಯೋಜನೆ ರಾಜ್ಯದ ಎಲ್ಲಾ ಮನೆಗಳಿಗೆ 200 ಯೂನಿಟ್ ವರೆಗೆ ಉಚಿತ ವಿದ್ಯುತ್ ಪೂರೈಕೆ ಮಾಡುವ  ಯೋಜನೆಯಾಗಿದೆ. 

ಪ್ರಶ್ನೆ 2 : ಈ ಯೋಜನೆಗೆ ನಾ‌ನು ಅರ್ಹನಾ? 
ಉತ್ತರ: ಕರ್ನಾಟಕ ರಾಜ್ಯದ ಎಲ್ಲಾ ಗೃಹ ವಿದ್ಯುತ್ ಬಳಕೆದಾರರು ಈ‌ ಯೋಜನೆಗೆ ಅರ್ಹರು

ಪ್ರಶ್ನೆ 3: ಈ‌ ಯೋಜನೆಗೆ ಫಲಾನುಭವಿಗಳಿಂದ ಅರ್ಜಿ ಸಲ್ಲಿಕೆ ಹೇಗೆ?
ಉತ್ತರ: ಸ್ಮಾರ್ಟ್ ಫೋನ್ ಲಾಪ್ ಟಾಪ್, ಕಂಪ್ಯೂಟರ್ ಮೂಲಕ ಸೇವಾಸಿಂಧು ವೆಬ್ ಸೈಟ್ ನಲ್ಲಿ ನೊಂದಾಯಿಸಿಕೊಳ್ಳಬೇಕು. ಅತೀ ಶೀಘ್ರದಲ್ಲೇ ಅರ್ಜಿ ಬಿಡುಗಡೆಯಾಗಲಿದೆ.  ಜೂನ್ 15 ರಿಂದ ಅರ್ಜಿ ಸಲ್ಲಿಕೆಗೆ ಅವಕಾಶ ಇದೆ.

ಪ್ರಶ್ನೆ 4: ಈ ಯೋಜನೆ ಯಾವಾಗಿನಿಂದ ಜಾರಿ? 
ಉತ್ತರ: ಆಗಸ್ಟ್ 1,2023 ರಿಂದ ( ಜುಲೈ 2023 ರ ಬಳಕೆಯ ಪ್ರಮಾಣ) ಜಾರಿಗೆ ಬರಲಿದೆ.

ಪ್ರಶ್ನೆ  5: ಖುದ್ದು ಅರ್ಜಿ ಸಲ್ಲಿಕೆಗೆ ಅವಕಾಶ ಇದ್ಯಾ? 
ಉತ್ತರ: ನಾಗರೀಕರು ಗ್ರಾಮ ಒನ್, ಕರ್ನಾಟಕ ಒನ್, ಬೆಂಗಳೂರು ಒನ್ ಕೇಂದ್ರಗಳಿಗೆ ಹೋಗಿ ಅರ್ಜಿ ಸಲ್ಲಿಸಬಹುದು.

ಪ್ರೆಶ್ನೆ 6 : ಯಾವೆಲ್ಲಾ ದಾಖಲೆಗಳು ಅಗತ್ಯವಿದೆ?
ಉತ್ತರ: ಆಧಾರ್ ಕಾರ್ಡ್, ವಿದ್ಯುತ್ ಬಿಲ್, ಬಾಡಿಗೆದಾರರ ದಾಖಲಾತಿ, ರೆಂಟಲ್/ ಲೀಝ್ ಅಗ್ರಿಮೆಂಟ್, ಓಟರ್ ಐಡಿ

ಪ್ರಶ್ನೆ 7 : ಅರ್ಜಿ ಸಲ್ಲಿಕೆಗೆ ಶುಲ್ಕ ಇದ್ಯಾ?
ಉತ್ತರ: ಯಾವುದೇ ಶುಲ್ಕ ಪಾವತಿಯ ಅಗತ್ಯ ಇಲ್ಲ.

ಪ್ರಶ್ನೆ 8: ಜೂನ್‌ ತಿಂಗಳ ವಿದ್ಯುತ್ ಶುಲ್ಕ ಭರಿಸಬೇಕಾ? 
ಉತ್ತರ: ಹೌದು 

ಪ್ರಶ್ನೆ 9: ಒಂದಕ್ಕಿಂತ ಹೆಚ್ಚು ವಿದ್ಯುತ್ ಮೀಟರ್ ಇದ್ದರೆ, ಎಲ್ಲ ಮೀಟರ್ ಗೂ ಈ ಯೋಜನೆ ಅನ್ವಯಿಸುತ್ತಾ? 
ಉತ್ತರ: ಅನ್ವಯ ಆಗಲ್ಲ

ಪ್ರಶ್ನೆ 10: ಯೋಜನೆ ಅರ್ಜಿ ಸಲ್ಲಿಕೆ ನಂತರ ರಶೀದಿ ಸಿಗುತ್ತಾ? 
ಉತ್ತರ: ಹೌದು, ಸೇವಾಸಿಂಧುನಲ್ಲಿ ಅರ್ಜಿ ಸಲ್ಲಿಕೆ ನಂತರ ಎಸ್ ಎಂ ಎಸ್  ಅಥವಾ ಇಮೇಲ್ ಮೂಲಕ ರಶೀದಿ ಸಿಗಲಿದೆ.

ಪ್ರಶ್ನೆ 11:  ಅಪಾರ್ಟ್ಮೆಂಟ್ ನಲ್ಲಿ‌ ವಾಸ ಇರುವವರಿಗೆ ಯೋಜನೆ ಅನ್ವಯ ಆಗುತ್ತಾ?
ಉತ್ತರ: ಹೌದು, ಪ್ರತ್ಯೇಕ ಮೀಟರ್ ಇದ್ದರೆ ಯೋಜನೆ ಅನ್ವಯ. 

ಪ್ರಶ್ನೆ 12: ನಾನು ಬಾಡಿಗೆದಾರ, ವಿದ್ಯುತ್ ಬಿಲ್ ಮಾಲೀಕರ ಹೆಸರಿನಲ್ಲಿ ಇದೆ, ನಾನು ಫಲಾನುಭವಿ ಆಗಬಹುದಾ? 
ಉತ್ತರ: ಹೌದು, ಯೋಜನೆಗೆ ಫಲಾನುಭವಿ ಆಗಲು ಬಾಡಿಗೆ ಮನೆಯಲ್ಲಿ ವಾಸ ಇರುವ ದಾಖಲಾತಿ/ ಅದೇ ವಿಳಾಸದ ವೋಟರ್ ಐಡಿ, ಆಧಾರ್ ಇದ್ದರೆ ಫಲಾನುಭವಿ ಆಗಬಹುದು. 

ಪ್ರಶ್ನೆ 13: ಎರಡು ತಿಂಗಳ ಹಿಂದೆ ನಾನು ಮನೆ ಬದಲಾವಣೆ ಮಾಡಿದ್ದೇನೆ, ನನಗೆ ಯೋಜನೆ ಸಿಗುತ್ತಾ?
ಉತ್ತರ: ಹೌದು, ಹೊಸ ವಿಳಾಸಕ್ಕೂ ಈ ಯೋಜನೆ ಅನ್ವಯ.

ಪ್ರಶ್ನೆ 14: ವಾಣಿಜ್ಯ ಮಳಿಗೆ ನಡೆಸುತ್ತಿದ್ದೇನೆ, ಈ‌ ಯೋಜನೆ ನಮಗೆ ಅನ್ವಯಿಸುತ್ತಾ? 
ಉತ್ತರ: ಇಲ್ಲ 

ಪ್ರಶ್ನೆ 15: ಎಷ್ಟು ಉಚಿತ ಯೂನಿಟ್ ವಿದ್ಯುತ್ ಬಳಕೆಗೆ ನಾನು ಅರ್ಹ? ಅದನ್ನು ಲೆಕ್ಕಹಾಕುವುದು ಹೇಗೆ? 
ಉತ್ತರ: 2022-23 ವರ್ಷದ ಸರಾಸರಿ ವಿದ್ಯುತ್ ಬಳಕೆ ಹಾಗೂ ಹತ್ತು ಶೇ. ಹೆಚ್ಚುವರಿ ಯೂನಿಟ್ ಗಳು ( 200 ಯೂನಿಟ್ ಮೀರದ ಹಾಗೆ)  

ಪ್ರಶ್ನೆ 16: ಅಕೌಂಟ್ ಐಡಿ ಎಲ್ಲಿ ಸಿಗುತ್ತದೆ
ಉತ್ತರ: ಪ್ರತಿ ತಿಂಗಳ ವಿದ್ಯುತ್ ಬಿಲ್ ನಲ್ಲಿ

ಪ್ರಶ್ನೆ 17: ಆಧಾರ್ ಜೊತೆ ಅಕೌಂಟ್ ಐಡಿ ಜೋಡನೆ ಕಡ್ಡಾಯವೇ?
ಉತ್ತರ: ಹೌದು 

ಪ್ರಶ್ನೆ 18: ಹೊರ ರಾಜ್ಯದ ಅಧಾರ್ ಕಾರ್ಡ್ ಇದ್ದು, ಕರ್ನಾಟಕದಲ್ಲಿ ವಾಸ ಆಗಿರುವವರಿಗೆ ಅನ್ವಯ ಆಗುತ್ತಾ?
ಉತ್ತರ: ಬಾಡಿಗೆ ಮನೆಯಲ್ಲಿ ವಾಸವಾಗಿರುವ ದಾಖಲಾತಿ ಸಲ್ಲಿಸಬೇಕು.

ಪ್ರಶ್ನೆ 19 : ಹಿಂದಿನ ವಿದ್ಯುತ್ ಶುಲ್ಕ ಪಾವತಿ ಬಾಕಿ ಇದ್ದಲ್ಲಿ, ಯೋಜನರ ಅರ್ಹನಾ?
ಉತ್ತರ: ಹೌದು, ಜೂನ್ 30 ರ ಒಳಗಾಗಿ ಮೂರು ತಿಂಗಳ ಬಾಕಿ ಬಿಲ್  ಪಾವತಿ ಮಾಡಬೇಕು. ಇಲ್ಲಾಂದ್ರೆ ಸೌಲಭ್ಯ ಇಲ್ಲ.

ಪ್ರಶ್ನೆ 20: ನಿಗದಿತ ಮೀರಿ ಹೆಚ್ಚುವರಿ ಬಳಕೆಗೆ ಶುಲ್ಕ ಪಾವತಿ ಮಾಡಬೇಕಾ?
ಉತ್ತರ: ಹೌದು

ಪ್ರಶ್ನೆ 21: ವಿದ್ಯುತ್ ಬಿಲ್ ಮೃತಪಟ್ಟವರ ಹೆಸರಿನಲ್ಲಿ ಇದೆ, ಹಾಗಾದಾಗ ಏನು ಮಾಡೋದು?
ಉತ್ತರ: ವಿದ್ಯುತ್ ಸಂಪರ್ಕ ಪಡೆಯುವವರ ಹೆಸರು ಬದಲಾವಣೆ ಮಾಡಬೇಕು ಹಾಗೂ ಬಳಿಕ ಈ ಯೋಜನೆಗೆ ಅರ್ಜಿ ಸಲ್ಲಿಸಬೇಕು. 

ಪ್ರಶ್ನೆ 22: 200 ಯೂನಿಟ್ ಗೂ ಹೆಚ್ಚು ಬಳಕೆ ಮಾಡಿದರೆ ಪೂರ್ಣ ಬಿಲ್ ಪಾವತಿ ಮಾಡಬೇಕಾ?
ಉತ್ತರ: ಹೌದು