ರಾಜ್ಯ ರಾಜಧಾನಿ ಬೀದಿಯಲ್ಲಿ ʼಬೌಬೌʼ ಕಾಟ: ಒಂದು ತಿಂಗಳಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರ ಮೇಲೆ ದಾಳಿ

ಬೆಂಗಳೂರು: ರಾಜ್ಯ ರಾಜಧಾನಿಯಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದ್ದು, ದಾರಿಯಲ್ಲಿ ಹೋಗುವ ಜನರ ಮೇಲೆ ದಾಳಿ ನಡೆಸುತ್ತಿವೆ. ಬೀದಿ ನಾಯಿಗಳ ಕಾಟ ದಿನೇ ದಿನೇ ಹೆಚ್ಚಾಗಿದ್ದು, ಮನೆಯಿಂದ ಹೊರಬರಲು ಜನ ಭಯಪಡುವಂತಾಗಿದೆ. 

ಒಂದೇ ತಿಂಗಳಲ್ಲಿ 2 ಸಾವಿರಕ್ಕೂ ಹೆಚ್ಚು ಜನರ ಮೇಲೆ ಬೀದಿ ನಾಯಿಗಳು ಅಟ್ಯಾಕ್ ಮಾಡಿದ್ದು, ನಿತ್ಯ ಸರಾಸರಿ 70ಕ್ಕೂ ಹೆಚ್ಚು ಮಂದಿ ಮೇಲೆ ಅಟ್ಟಹಾಸ ಮೆರೆಯಿತ್ತಿದೆ. 2020ರಿಂದ ಇಲ್ಲಿಯವರೆಗೆ 52 ಸಾವಿರಕ್ಕೂ ಹೆಚ್ಚು ಜನರಿಗೆ ಬೀದಿ ನಾಯಿ ಕಚ್ಚಿದ್ದು,  ಓರ್ವ ಮಹಿಳೆ ಸಾವನ್ನಪ್ಪಿದ್ದಾರೆ. 

ಇದನ್ನೂ ಓದಿ: Zodiac Sign: ಮಾತಿನಿಂದಲೇ ಹುಡುಗಿಯರ ಹೃದಯ ಗೆಲ್ಲುತ್ತಾರೆ ಈ ರಾಶಿಯ ಹುಡುಗರು

ಇನ್ನು ಪಾಲಿಕೆ ಲೆಕ್ಕಾಚಾರದ ಪ್ರಕಾರ ನಗರದಲ್ಲಿ 3 ಲಕ್ಷ ಬೀದಿ ನಾಯಿಗಳಿವೆ. ಜನವರಿ ತಿಂಗಳಲ್ಲಿ 1677 ಜನಕ್ಕೆ ಬೀದಿ ನಾಯಿ ಕಚ್ಚಿದೆ. ಫೆಬ್ರವರಿಯಲ್ಲಿ 1135, ಮಾರ್ಚ್‌ನಲ್ಲಿ 1800, ಏಪ್ರಿಲ್‌ ತಿಂಗಳಿನಲ್ಲಿ 1677, ಮೇ ತಿಂಗಳಲ್ಲಿ 1841, ಜೂನ್‌ನಲ್ಲಿ  1140 ಮತ್ತು ಜುಲೈ ತಿಂಗಳಲ್ಲಿ ಅಂದರೆ ಇಲ್ಲಿವರೆಗೆ 483 ಜನರಿಗೆ ಬೀದಿ ನಾಯಿ ಕಚ್ಚಿದೆ. 

ಬೀದಿನಾಯಿ ಕಡಿತದ ವಲಯವಾರು ವಿವರ 

ವಲಯ	2020	2021	2022
ಬೊಮ್ಮನಹಳ್ಳಿ	309	182	51
ದಾಸರಹಳ್ಳಿ	10	18	01
ಪೂರ್ವ	9312	6006	3271
ಮಹದೇವಪುರ	508	434	387
ಆರ್‌.ಆರ್‌ ನಗರ	412	316	136
ದಕ್ಷಿಣ	8519	6949	3441
ಪಶ್ಚಿಮ	5710	2770	2240
ಯಲಹಂಕ	240	650	390

ಇದನ್ನೂ ಓದಿ: ಪ್ರಮಾಣ ವಚನ ಸಮಾರಂಭದಲ್ಲಿ ಹೀಗಿರುತ್ತೆ ನೂತನ ರಾಷ್ಟ್ರಪತಿ ಲುಕ್!