Tomato Price: ಟೊಮೆಟೊ ಬೆಲೆಯಲ್ಲಿ ದಿಢೀರ್‌ ಕುಸಿತ, ಕೆಂಪು ಸುಂದರಿಗೆ ಇಷ್ಟೇ ಬೆಲೆ!

ಚಿಕ್ಕಬಳ್ಳಾಪುರ : ಕಳೆದ ಒಂದೂವರೆ ಎರಡು ತಿಂಗಳಿಂದ ಗಗನಕ್ಕೇರಿದ್ದ ಟೊಮೆಟೊ ದರ ಇದೀಗ ಇಳಿಮುಖವಾಗಿದೆ. ಇಂದು ಟೊಮೆಟೊ ದಿಢೀರನೆ ಕುಸಿದಿದೆ. ಟೊಮೆಟೊ ಬೆಳೆದು ಬೆಲೆಯ ನೀರಿಕ್ಷೆಯಲ್ಲಿದ್ದ ರೈತರು ಕೇವಲ 450 ರಿಂದ 500 ರೂ.ಗಳಿಗೆ ಒಂದು ಬಾಕ್ಸ್ ಮಾರಾಟ ಮಾಡಿಕೊಂಡು ವಾಪಸ್ಸಾದ ಘಟನೆ ಚಿಕ್ಕಬಳ್ಳಾಪುರ ಮಾರುಕಟ್ಟೆಯಲ್ಲಿ ನಡೆದಿದೆ.

ಕೆಂಪು ಸುಂದರಿ, ಕೆಂಪು ಬಂಗಾರ, ಹಣ್ಣಿನ ರೂಪದ ಚಿನ್ನ ಎಂದೆಲ್ಲಾ ಕರೆಸಿಕೊಂಡಿದ್ದ ಟೊಮೆಟೊ ಬೆಲೆ ಈಗ ಮತ್ತೆ ಇಳಿದಿದೆ. ಒಂದು ಬಾಕ್ಸ್ 2500 ರೂ. ಗಳವರೆಗೂ ಬಿಕರಿಯಾಗಿದ್ದ ಟೊಮೆಟೊ ದಿಢೀರನೆ ಕುಸಿದಿದೆ. ಎಷ್ಟೋ ವರ್ಷಗಳ ನಂತರ ಟೊಮೆಟೊ ಬೆಳೆದ ರೈತರು ಕೈ ತುಂಬಾ ಹಣ ನೋಡಿದ್ದರು. ಕೆಲವರಂತೂ ರಾತ್ರೋ ರಾತ್ರಿ ಶ್ರೀಮಂತರಾಗಿದ್ದರು. 

ಇದನ್ನೂ ಓದಿ: ರಾಹುಲ್ ಗಾಂಧಿ ಎಟಿಎಂ ಕಾಂಗ್ರೆಸ್ ಸರ್ಕಾರದ ಮುಲಾಜಿನಲ್ಲಿದ್ದಾರೆ: ಬಸವರಾಜ ಬೊಮ್ಮಾಯಿ ಆರೋಪ

ಎಷ್ಟೋ ರೈತರು ಹಳೆ ಸಾಲಗಳನ್ನೆಲ್ಲಾ ತೀರಿಸಿಕೊಂಡಿದ್ರು. ಕಳೆದ ಒಂದೂವರೆ ತಿಂಗಳಿಂದ ಗಗನದತ್ತ ಸಾಗಿದ್ದ ಟೊಮೆಟೊ ಬೆಲೆ ಇಂದು ಒಮ್ಮೆಲೆ ಕುಸಿದು ಬಿದ್ದಿದೆ. ಚಿಕ್ಕಬಳ್ಳಾಪುರ ಎಪಿಎಂಸಿ ಮಾರುಕಟ್ಟೆಗೆ ಬಂದ ಟೊಮೆಟೊ ಬೆಳೆಗಾರರು ಕೇವಲ 450 ರಿಂದ 500 ರೂಗಳಿಗೆ ಒಂದು ಬಾಕ್ಸ್ ಟೊಮೆಟೊ ಮಾರಾಟ ಮಾಡಿಕೊಂಡರು.

ಟೊಮೆಟೊ ಗೆ ಬೆಲೆ ಏರಿಕೆಯಾಗಿದ್ದರಿಂದ ಮಾರುಕಟ್ಟೆಯಲ್ಲಿ ಬೆಳಿಗ್ಗೆ 8 ಗಂಟೆಗೆ ಬಂದ ಎಲ್ಲ ಟೊಮೆಟೊ ಖಾಲಿಯಾಗುತಿತ್ತು. ಈಗ ಮತ್ತದೇ ಮಾಮೂಲಿ ಸ್ಥಿತಿಗೆ ಬಂದು ಸಂಜೆ ಆದ್ರೂ ಕ್ರೇಟ್ ಗಳು ಖಾಲಿ ಆಗುತ್ತಿಲ್ಲ. ಇದೀಗ ಮತ್ತೆ ಟೊಮೆಟೊ ಬೆಲೆ ಇಳಿದಿದೆ.