Bangalore Crime : ರಾಜಧಾನಿಯಲ್ಲಿ ಅಮಾನವೀಯ ಕೃತ್ಯ : ಬೀದಿ ನಾಯಿಗೆ ಥಳಿಸಿ ಆಸಿಡ್ ಹಾಕಲು ಯತ್ನ!

ಬೆಂಗಳೂರು : ಬೀದಿ ನಾಯಿಯನ್ನು ಥಳಿಸಿ ಆಸಿಡ್ ಹಾಕಲು ಯತ್ನಿಸಿದ ಮತ್ತೊಂದು ಅಮಾನವೀಯ ಕೃತ್ಯ ಬನಶಂಕರಿಯ ಅಂಬೇಡ್ಕರ್ ನಗರದಲ್ಲಿ ನಡೆದಿದೆ. 

ಮಾ.4 ರ ರಾತ್ರಿ 10 ಗಂಟೆಗೆ ಕಿಡಿಗೇಡಿಗಳು ಬೀದಿ ನಾಯಿ(Street Dog) ಕಟ್ಟಿ ಹಾಕಿ ಥಳಿಸಿರುವದನ್ನು ಪ್ರಶ್ನಿಸಿದಕ್ಕೆ ಮಹಿಳೆಯೊಬ್ಬರ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ ಎಂದು ತಿಳಿದು ಬಂದಿದೆ.  

ಬೆದರಿಕೆ ಹಾಕಿದ್ದಾರೆಂದು ಮಹಿಳೆ ಸಾಮಾಜಿಕ ಕಾರ್ಯಕರ್ತೆಯೊಬ್ಬರ ಸಹಾಯದಿಂದ ಬನಶಂಕರಿ ಪೊಲೀಸ್‌ ಠಾಣೆ(Banashankari Police Station)ಗೆ ದೂರು ನೀಡಿದ್ದಾರೆ. ಸಧ್ಯ ದೂರಿನನ್ವಯ ಐವರ ವಿರುದ್ಧ ಎಫ್‌ಐಆರ್‌ ದಾಖಲಾಗಿದೆ.  ಗಾಯಗೊಂಡಿರುವ ನಾಯಿಗೆ ಪ್ರಾಣಿ ರಕ್ಷಣಾ ಕೇಂದ್ರದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.