ನಿಮ್ಮ ಈ ಅಭ್ಯಾಸಗಳೇ ಅನಾರೋಗ್ಯಕ್ಕೆ ಕಾರಣವಾಗಬಹುದು..! ಈಗಲೇ ಸರಿಪಡಿಸಿಕೊಳ್ಳಿ

ನವದೆಹಲಿ : ಕೆಲವೊಮ್ಮೆ ನಮ್ಮ ಅಭ್ಯಾಸಗಳು ಮತ್ತು ನಮ್ಮ ನಡವಳಿಕೆಗಳು ಕೂಡಾ ರೋಗಗಳಿಗೆ ಕಾರಣವಾಗಬಹುದು. ವಾಸ್ತು ಶಾಸ್ತ್ರದ (Vastu shaastra) ಪ್ರಕಾರ, ನಿಮ್ಮಲ್ಲಿನ ಕೆಲವು ಅಭ್ಯಾಸಗಳೇ ನಿಮ್ಮ ರೋಗವನ್ನು ಉಲ್ಬಣಗೊಳಿಸಬಹುದು. ಈ ಅಭ್ಯಾಸಗಳನ್ನು ತಕ್ಷಣ ಬದಲಿಸಿಕೊಂಡರೆ, ರೋಗಗಳನ್ನು ದೂರ ಮಾಡಬಹುದು. ಹಾಗಿದ್ದರೆ, ಅದು ಯಾವ ಅಭ್ಯಾಸಗಳು ಮತ್ತು ನಿಮ್ಮ ಯಾವ ರೋಗವನ್ನು ಹೆಚ್ಚಿಸಬಹುದು ಮತ್ತು ಎನ್ನುವುದನ್ನು ನೋಡೋಣ. 

ಈ ದಿಕ್ಕಿಗೆ ತಲೆ ಹಾಕಿ ಮಲಗುತ್ತೀರಾ ?
ನಿಮಗೆ ಪೂರ್ವ ದಿಕ್ಕಿಗೆ ಕಾಲು ಹಾಕಿ ಮಲಗುವ ಅಭ್ಯಾಸವಿದ್ದು, ಪಶ್ಚಿಮ ದಿಕ್ಕಿನಲ್ಲಿ ನೀರಿನ (water) ಮೂಲವಿದೆಯಾ ನೋಡಿಕೊಳ್ಳಿ. ಯಾಕೆಂದರೆ ಪಶ್ಚಿಮದಲ್ಲಿ ನೀರಿನ ಮೂಲವಿದ್ದು, ಅದು ಸೋರಿಕೆಯಾಗುತ್ತಿದ್ದರೆ,  ಅದನ್ನು ತಕ್ಷಣ ಸರಿಪಡಿಸಿಕೊಳ್ಳಿ. ಯಾಕೆಂದರೆ ಇದು ನಿಮ್ಮ ಅನಾರೋಗ್ಯಕ್ಕೆ ಕಾರಣವಾಗಬಹುದು. 

ಇದನ್ನೂ ಓದಿ : ಅತ್ಯಂತ ಸ್ವಾರ್ಥಿಗಳಂತೆ ಈ ಮೂರು ರಾಶಿಯವರು, ನಿಮ್ಮ ಸುತ್ತ ಮುತ್ತ ಇದ್ದರೆ ಹುಷಾರಾಗಿರಿ

ತಲೆನೋವಿನ ಸಮಸ್ಯೆ :
ಮನೆಯ ಈಶಾನ್ಯದಲ್ಲಿ ಕೊಳಕು ಅಥವಾ ಜೇಡರ ಬಲೆಯಿದ್ದರೆ, ಅಥವಾ ಮನೆಯಲ್ಲಿ ಬಳಸದ ವಸ್ತುಗಳನ್ನು ಈ ದಿಕ್ಕಿನಲ್ಲಿ ಇಟ್ಟುಕೊಂಡಿದ್ದರೆ, ತಕ್ಷಣ ಆ ಜಾಗವನ್ನು ತೆರವುಗೊಳಿಸಿ. ತೆರವುಗೊಳಿಸುವುದು ಮಾತ್ರವಲ್ಲ ಆ ಸ್ಥಳವನ್ನು ಶುಚಿಗೊಳಿಸಿ. ಮನೆಯ ಈ ದಿಕ್ಕು ಅಶುದ್ಧವಾಗಿದ್ದರೆ, ಪ್ರತಿದಿನ ತಲೆನೋವಿನಿಂದ (headache)ಬಳಲಬೇಕಾಗುತ್ತದೆ.  

 ಅಧಿಕ ರಕ್ತದೊತ್ತಡ :
ನೀವು ಅಗ್ನಿ ಮೂಲೆಯಲ್ಲಿ ಮಲಗುವ ಅಭ್ಯಾಸವನ್ನು ಹೊಂದಿದ್ದರೆ, ಈ ಕೂಡಲೇ ಆ ಅಭ್ಯಾಸವನ್ನು ಬದಲಾಯಿಸಿಕೊಳ್ಳಿ. ಒಂದು ವೇಳೆ ಆ ಜಾಗದಲ್ಲಿ ನೀವು ಮಲಗುವುದನ್ನು ಮುಂದುವರೆಸಿದರೆ ಅಧಿಕ ರಕ್ತದೊತ್ತಡದ ಕಾಯಿಲೆ (high blood pressure) ಕಾಣಿಸಿಕೊಳ್ಳಬಹುದು.  

ಇದನ್ನೂ ಓದಿ : October 2021 Horoscope: ಅಕ್ಟೋಬರ್‌ನಲ್ಲಿ 4 ಗ್ರಹಗಳ ರಾಶಿ ಪರಿವರ್ತನೆ, ಯಾವ ರಾಶಿಯ ಮೇಲೆ ಹೆಚ್ಚು ಪ್ರಭಾವ ತಿಳಿಯಿರಿ

ಸಂತಾನದ ಸಮಸ್ಯೆ :
ವಾಸ್ತು ಶಾಸ್ತ್ರದ  (Vastu shaastra) ಪ್ರಕಾರ,  ಯಾರಾದರು ಸಂತಾನ ಸಮಸ್ಯೆಯಿಂದ ಬಳಲುತ್ತಿದ್ದರೆ, ಅವರು ಮನೆಯ ಮಧ್ಯ ಭಾಗದಲ್ಲಿ    ಮಲಗಬೇಕು. ಹೀಗೆ ಮಾಡುವುದರಿಂದ ವಾಸ್ತುವಿನಿಂದ ಉಂಟಾಗುವ ದೋಷ (vastu dosha) ನಿವಾರಣೆಯಾಗುತ್ತದೆ.