Astro Tips For Married Women In Kannada: ಹಿಂದೂ ಧರ್ಮದಲ್ಲಿ, ವಾರದ ಏಳು ದಿನಗಳ ಬಗ್ಗೆ ಕೆಲವು ನಿಯಮಗಳನ್ನು ಹೇಳಲಾಗಿದೆ. ಈ ನಿಯಮಗಳನ್ನು ಅನುಸರಿಸುವುದರಿಂದ, ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ ಮತ್ತು ಅನೇಕ ರೀತಿಯ ಸಂಕಷ್ಟಗಳು ದೂರಾಗುತ್ತವೆ. ವಿವಾಹಿತ ಮಹಿಳೆಯರ ಬಗ್ಗೆ ಹಿಂದೂ ಧಾರ್ಮಿಕ ಗ್ರಂಥಗಳಲ್ಲಿ ಕೆಲವು ನಿಯಮಗಳನ್ನು ನೀಡಲಾಗಿದೆ. ಇವುಗಳಲ್ಲಿ ಮಹಿಳೆಯರು ಕೂದಲು ತೊಳೆಯುವ ದಿನದ ಬಗ್ಗೆಯೂ ವಿಶೇಷ ಸಂಗತಿಗಳನ್ನು ಉಲ್ಲೇಖಿಸಲಾಗಿದೆ. ವಿವಾಹಿತ ಮಹಿಳೆಯರು ಕೆಲ ನಿರ್ದಿಷ್ಟ ದಿನಗಳಲ್ಲಿ ತಲೆ ತೊಳೆಯುವುದನ್ನು ತಪ್ಪಿಸಬೇಕು ಎಂದು ಧಾರ್ಮಿಕ ಗ್ರಂಥಗಳಲ್ಲಿ ಹೇಳಲಾಗಿದೆ. ಕೂದಲು ತೊಳೆಯಲು ನಿಷಿದ್ಧ ಎಂದು ಹೇಳಲಾಗುವ ಆ ದಿನಗಳಂದು ಕೂದಲು ತೊಳೆಯುವುದರಿಂದ ಅನೇಕ ಸಮಸ್ಯೆಗಳು  ಎದುರಾಗುತ್ತವೆ, ಇದರಿಂದ ಮಹಿಳೆ ಸೇರಿದಂತೆ ಇಡೀ ಕುಟುಂಬವೇ ಸಂಕಷ್ಟ ಅನುಭವಿಬೇಕಾಗುತ್ತದೆ. ಜೊತೆಗೆ ಆರ್ಥಿಕ ಬಿಕ್ಕಟ್ಟು, ಕೆಲಸ ಕಾರ್ಯಗಳಲ್ಲಿ ಅಡೆತಡೆ ಇತ್ಯಾದಿಗಳು ಕೂಡ ಎದುರಾಗುತ್ತವೆ.


COMMERCIAL BREAK
SCROLL TO CONTINUE READING

ವಾರದ ವಿವಿಧ ದಿನಗಳಲ್ಲಿ ಕೂದಲು ತೊಳೆಯುವ ಪರಿಣಾಮಗಳು
ಸೋಮವಾರ - ಧಾರ್ಮಿಕ ಗ್ರಂಥಗಳ ಪ್ರಕಾರ, ವಿವಾಹಿತ ಮಹಿಳೆಯರು ಸೋಮವಾರದ ದಿನ ತಮ್ಮ ಕೂದಲನ್ನು ತೊಳೆಯಬಾರದು. ವಿಶೇಷವಾಗಿ ತಮ್ಮ ಜಾತಕದಲ್ಲಿ ಚಂದ್ರನ ಸ್ಥಾನವು ಅಶುಭವಾಗಿರುವ ಮಹಿಳೆಯರು ಸೋಮವಾರ ತಮ್ಮ ಕೂದಲನ್ನು ತೊಳೆಯಬಾರದು. ಹೀಗೆ ಮಾಡುವುದರಿಂದ ಅವರು ಸಂಸಾರದ ಪ್ರಗತಿ ಕಾಣುವುದಿಲ್ಲ ಎನ್ನಲಾಗಿದೆ.


ಮಂಗಳವಾರ - ಮಂಗಳವಾರವೂ ವಿವಾಹಿತ ಮಹಿಳೆಯ ತಲೆಯನ್ನು ತೊಳೆಯುವುದು ಒಳ್ಳೆಯದಲ್ಲ. ಇದು ಮನೆಯಲ್ಲಿ ನಕಾರಾತ್ಮಕತೆಯನ್ನು ಹೆಚ್ಚಿಸುತ್ತದೆ. ಒಂದೊಮ್ಮೆ ತಲೆ ಕೂದಲು ತೊಳೆಯುವ ಪರಿಸ್ಥಿತಿ ಎದುರಾದರೂ ಕೂಡ, ಮಹಿಳೆಯರು ತಮ್ಮ ತಲೆಯನ್ನು ತೊಳೆಯಲು ನೆಲ್ಲಿಕಾಯಿ ರಸ ಅಥವಾ ನೆಲ್ಲಿಕಾಯಿಯ ಪುಡಿಯನ್ನು ಬಳಸಬೇಕು.


ಬುಧವಾರ - ವಿವಾಹಿತ ಮಹಿಳೆಯರು ಬುಧವಾರದ ದಿನ ತಮ್ಮ ಕೂದಲನ್ನು ತೊಳೆಯಬಹುದು. ಆದರೆ, ಕಿರಿಯ ಸಹೋದರರನ್ನು ಹೊಂದಿರುವ ಮಹಿಳೆಯರು ಆ ದಿನ ತಮ್ಮ ಕೂದಲನ್ನು ತೊಳೆಯುವುದನ್ನು ತಪ್ಪಿಸಬೇಕು. ನೀವು ಬುಧವಾರ ನಿಮ್ಮ ಕೂದಲನ್ನು ತೊಳೆಯಬೇಕಾದರೆ, ನಿಮ್ಮ ಕೂದಲನ್ನು ತೊಳೆಯುವ ಮೊದಲು ನಿಮ್ಮ ಕೂದಲಿಗೆ ನಾಲ್ಕರಿಂದ ಐದು ತುಳಸಿ ಎಲೆಗಳನ್ನು ಅನ್ವಯಿಸಿ.


ಗುರುವಾರ - ವಿವಾಹಿತ ಮಹಿಳೆಯರು ಗುರುವಾರದ ದಿನ ಕೂಡ ತಮ್ಮ ಕೂದಲನ್ನು ತೊಳೆಯಬಾರದು. ವಿವಾಹಿತ ಮಹಿಳೆ ಗುರುವಾರ ತನ್ನ ಕೂದಲನ್ನು ತೊಳೆದರೆ, ಅದು ಅವಳ ಗಂಡನ ವಯಸ್ಸನ್ನು ಕಡಿಮೆ ಮಾಡುತ್ತದೆ ಎಂದು ಹೇಳಲಾಗಿದೆ, ಆಕೆಗೆ ಮಕ್ಕಳ ಸಂಬಂಧಿ ಸಮಸ್ಯೆಗಳು ಉಂಟಾಗಬಹುದು. ಕುಟುಂಬದಲ್ಲಿ ನೆಮ್ಮದಿ ಇರುವುದಿಲ್ಲ ಮತ್ತು ಆರ್ಥಿಕ ಮುಗ್ಗಟ್ಟು ಎದುರಿಸಬೇಕಾಗುತ್ತದೆ. ನೀವು ಎಂದಾದರೂ ಗುರುವಾರ ನಿಮ್ಮ ಕೂದಲನ್ನು ತೊಳೆಯಬೇಕಾದರೆ, ಬೇಳೆ ಹಿಟ್ಟಿನಲ್ಲಿ ಸ್ವಲ್ಪ ಅರಿಶಿನವನ್ನು ಬೆರೆಸಿ ನಿಮ್ಮ ಕೂದಲಿಗೆ ಅನ್ವಯಿಸಿ ಮತ್ತು  ನಂತರ ಶಾಂಪೂ ಬಳಸಿ ತೊಳೆದುಕೊಳ್ಳಿ.


ಶುಕ್ರವಾರ -  ವಿವಾಹಿತ ಮಹಿಳೆಯರಿಗೆ ತಮ್ಮ ಕೂದಲನ್ನು ತೊಳೆಯಲು ಅತ್ಯಂತ ಮಂಗಳಕರ ದಿನವೆಂದರೆ ಅದು ಶುಕ್ರವಾರ. ಶುಕ್ರವಾರದಂದು ತಲೆ ತೊಳೆಯುವುದರಿಂದ ತಾಯಿ ಲಕ್ಷ್ಮಿ ಪ್ರಸನ್ನಳಾಗುತ್ತಾಳೆ, ಮನೆಯಲ್ಲಿ ತಾಯಿ ಲಕ್ಷ್ಮಿಯ ವಾಸ ಇರುತ್ತದೆ. ಆರ್ಥಿಕ ಮುಗ್ಗಟ್ಟು ಎಂದಿಗೂ ಕೂಡ ಎದುರಾಗುವುದಿಲ್ಲ.


ಶನಿವಾರ - ವಿವಾಹಿತ ಮಹಿಳೆಯರು ಶನಿವಾರದಂದು ತಮ್ಮ ತಲೆಯನ್ನು ತೊಳೆಯಬಾರದು, ಹೀಗೆ ಮಾಡುವುದರಿಂದ ಶನಿಯ ಪ್ರಕೋಪ ಎದುರಿಸಬೇಕಾಗುತ್ತದೆ. ನೀವು ಎಂದಾದರೂ ಶನಿವಾರ ನಿಮ್ಮ ಕೂದಲನ್ನು ತೊಳೆಯಬೇಕಾದರೆ, ಮೊದಲು ನಿಮ್ಮ ಕೂದಲಿಗೆ ಹಸಿ ಹಾಲನ್ನು ಅನ್ವಯಿಸಿ.


ಭಾನುವಾರ - ವಿವಾಹಿತ ಮಹಿಳೆಯರ ಕೂದಲನ್ನು ತೊಳೆಯಲು ಭಾನುವಾರದ ದಿನ ಉತ್ತಮವೆಂದು ಪರಿಗಣಿಸದಿದ್ದರೂ, ಈ ದಿನದಂದು ರಜೆಯ ಕಾರಣ, ಹೆಚ್ಚಿನ ಜನರು ಭಾನುವಾರ ಮಾತ್ರ ತಮ್ಮ ಕೂದಲನ್ನು ತೊಳೆಯುತ್ತಾರೆ.


ಇದನ್ನೂ ಓದಿ-Gayatri Mantra: ಪ್ರತಿಯೊಂದು ಸಮಸ್ಯೆಗೆ ಈ ಮಂತ್ರದಲ್ಲದಲ್ಲಡಗಿದೆ ಪರಿಹಾರ, ಮಂತ್ರೋಚ್ಛಾರಣೆಯ ಸರಿಯಾದ ಸಮಯ ನಿಮಗೂ ತಿಳಿದಿರಲಿ


ಇದಲ್ಲದೇ ಅಮಾವಾಸ್ಯೆ ಹುಣ್ಣಿಮೆ  ಮತ್ತು ಏಕಾದಶಿಯ ದಿನವೂ ವಿವಾಹಿತ ಮಹಿಳೆಯರು ಮರೆತೂ ಕೂಡ ಕೂದಲು ತೊಳೆಯಬಾರದು.


ಇದನ್ನೂ ಓದಿ-Relationship Tips: ನಿಮ್ಮ ಸಂಗಾತಿಯೂ ಪದೇ ಪದೇ ಈ 3 ತಪ್ಪುಗಳನ್ನು ಮಾಡುತಿದ್ದರೆ, ತಕ್ಷಣವೆ ಅಂತರ ಕಾಯ್ದುಕೊಳ್ಳಿ

(ಹಕ್ಕುತ್ಯಾಗ- ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿ ಸಾಮಾನ್ಯ ಜ್ಞಾನ ಹಾಗೂ ಧಾರ್ಮಿಕ ನಂಬಿಕೆಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಈ ಮಾಹಿತಿಯನ್ನು ಪುಷ್ಠಿಕರಿಸುವುದಿಲ್ಲ)


ಇದನ್ನೂ ನೋಡಿ-


https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.