Astro Tips: ದೀಪಗಳನ್ನು ಬೆಳಗಿಸುವಾಗ ಅಪ್ಪಿತಪ್ಪಿಯೂ ಈ ತಪ್ಪುಗಳನ್ನು ಮಾಡಬೇಡಿ!

ನವದೆಹಲಿ: ಸನಾತನ ಧರ್ಮದ ಪ್ರಕಾರ ಜನರು ಪ್ರತಿದಿನ ಬೆಳಗ್ಗೆ ಮತ್ತು ಸಂಜೆ ಪೂಜಿಸುತ್ತಾರೆ. ಪೂಜೆಯ ವೇಳೆ ದೀಪಗಳನ್ನು ಬೆಳಗಿಸಲಾಗುತ್ತದೆ. ಧೂಪ ಮತ್ತು ದೀಪಗಳಿಲ್ಲದೆ ಪೂಜೆ ಪೂರ್ಣಗೊಳ್ಳುವುದಿಲ್ಲ. ಜನರು ದೇವಸ್ಥಾನದ ಜೊತೆಗೆ ಮನೆಯ ದೇವರಗುಡಿಯಲ್ಲಿಯೂ ದೀಪವನ್ನು ಹಚ್ಚುತ್ತಾರೆ. ಸಂಜೆ ತುಳಸಿ ಗಿಡಕ್ಕೆ ದೀಪವನ್ನು ಬೆಳಗಿಸಲಾಗುತ್ತದೆ. ದೀಪ ಹಚ್ಚುವ ಸಂಪ್ರದಾಯ ಶತಮಾನಗಳ ಹಿಂದಿನದು.

ದೀಪವನ್ನು ಬೆಳಗಿಸುವುದರಿಂದ ವಾತಾವರಣದಲ್ಲಿ ಸಕಾರಾತ್ಮಕತೆ ಬರುತ್ತದೆ. ನಕಾರಾತ್ಮಕ ಶಕ್ತಿ ದೂರವಾಗುತ್ತದೆ, ಹಲವು ರೀತಿಯ ವಾಸ್ತು ದೋಷಗಳು ದೂರವಾಗುತ್ತವೆಂಬ ನಂಬಿಕೆಯಿದೆ. ಆದರೆ ದಿನನಿತ್ಯದ ಪೂಜೆಯಲ್ಲಿ ದೀಪಗಳನ್ನು ಹಚ್ಚುವವರೂ ಕೆಲವು ತಪ್ಪುಗಳನ್ನು ಮಾಡುತ್ತಾರೆ. ಇದರಿಂದ ಅವರು ದೀಪಗಳನ್ನು ಬೆಳಗಿಸುವುದರ ಸಂಪೂರ್ಣ ಪ್ರಯೋಜನ ಪಡೆಯುವುದಿಲ್ಲ.

ದೀಪ ಬೆಳಗಿಸುವ ನಿಯಮಗಳು

ತುಪ್ಪ ಅಥವಾ ಎಣ್ಣೆಯ ದೀಪವನ್ನು ಹಚ್ಚುವುದರಿಂದ ವಿವಿಧ ಪ್ರಯೋಜನಗಳಿವೆ. ವಿವಿಧ ದೇವ-ದೇವತೆಗಳ ಪೂಜೆಯಲ್ಲಿ ವಿವಿಧ ಎಣ್ಣೆ ದೀಪಗಳನ್ನು ಬೆಳಗಿಸಬೇಕು. ಪ್ರತಿ ದೇವತೆಯನ್ನು ಮೆಚ್ಚಿಸಲು ವಿಭಿನ್ನ ಮಾರ್ಗಗಳಿವೆ. ದೇವರ ಇಷ್ಟದಂತೆ ಪೂಜಿಸಿಸಿದರೆ ನಿಮಗೆ ಶೀಘ್ರವೇ ಆಶೀರ್ವಾದ ದೊರೆಯುತ್ತದೆ. ಅದೇ ರೀತಿ ತುಪ್ಪದ ದೀಪವನ್ನು ಯಾವ ಸಂದರ್ಭಗಳಲ್ಲಿ ಹಚ್ಚಬೇಕು ಮತ್ತು ಎಣ್ಣೆ ದೀಪವನ್ನು ಯಾವಾಗ ಹಚ್ಚಬೇಕು ಎಂಬುದೂ ಮುಖ್ಯ. ಇದರ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಇದನ್ನೂ ಓದಿ: Astro Tips: ಮನೆಯಲ್ಲಿ ಇವುಗಳನ್ನು ನೋಡಿದ್ರೆ ಅದೃಷ್ಟ ನಿಮ್ಮನ್ನು ಹುಡುಕಿಕೊಂಡು ಬರುತ್ತದೆ!

- ಪೂಜೆಯ ಸಮಯದಲ್ಲಿ ತುಪ್ಪದ ದೀಪವನ್ನು ಯಾವಾಗಲೂ ನಿಮ್ಮ ಎಡಭಾಗದಲ್ಲಿ ಇಡಬೇಕು ಎಂಬುದನ್ನು ನೆನಪಿನಲ್ಲಿಡಿ. ಎಣ್ಣೆಯ ದೀಪವನ್ನು ಬೆಳಗಿಸುವಾಗ, ಅದನ್ನು ನಿಮ್ಮ ಬಲಗೈಯಲ್ಲಿರಿಸಿ. ಹಾಗೆಯೇ ದೀಪವನ್ನು ದೇವರಿಂದ ದೂರ ಇಡಬೇಡಿ. ದೀಪದಲ್ಲಿ ಯಾವಾಗಲೂ ತುಂಬಾ ಎಣ್ಣೆ ಅಥವಾ ತುಪ್ಪವನ್ನು ಇರಿಸಿ, ಹೀಗೆ ಮಾಡಿದ್ರೆ ಅದು ಪೂಜೆಯ ಮಧ್ಯದಲ್ಲಿ ಆರಿಹೋಗುವುದಿಲ್ಲ. ಪೂಜೆಯ ಮಧ್ಯದಲ್ಲಿ ದೀಪವನ್ನು ನಂದಿಸುವುದು ಅಶುಭವೆಂದು ಪರಿಗಣಿಸಲಾಗಿದೆ.

- ನಿಮ್ಮ ಇಷ್ಟಾರ್ಥಗಳ ನೆರವೇರಿಕೆಗಾಗಿ ನೀವು ದೇವರನ್ನು ಪ್ರಾರ್ಥಿಸುತ್ತಿದ್ದರೆ, ಎಣ್ಣೆ ದೀಪವನ್ನು ಬೆಳಗಿಸಿ. ಅದನ್ನು ದೇವರಿಗೆ ಅರ್ಪಿಸಲು ತುಪ್ಪದ ದೀಪವನ್ನು ಬೆಳಗಿಸಲಾಗುತ್ತದೆ. ನೀವು ಹಣಕಾಸಿನ ತೊಂದರೆಯಿಂದ ತೊಂದರೆಗೀಡಾಗಿದ್ದರೆ, ದುರ್ಗಾ ದೇವಿಯ ಮುಂದೆ ತುಪ್ಪದ ದೀಪವನ್ನು ಹಚ್ಚಿ, ಇದು ನಿಮ್ಮ ಆರ್ಥಿಕ ಸ್ಥಿತಿಯನ್ನು ಬಲಪಡಿಸುತ್ತದೆ.

- ಅದೇ ರೀತಿ ಶನಿದೇವನನ್ನು ಮೆಚ್ಚಿಸಲು ಸಾಸಿವೆ ಎಣ್ಣೆ ಅಥವಾ ಎಳ್ಳೆಣ್ಣೆಯ ದೀಪವನ್ನು ಹಚ್ಚಬೇಕು. ಸಾಸಿವೆ ಎಣ್ಣೆಯ ದೀಪವನ್ನು ಹಚ್ಚುವುದು ಶನಿದೇವನ ಏಳೂವರೆ ವರ್ಷಗಳ ತೊಂದರೆಗಳನ್ನು ತೊಡೆದುಹಾಕಲು ಖಚಿತ ಮಾರ್ಗವಾಗಿದೆ.

- ಹನುಮಂತ ದೇವರನ್ನು ಮೆಚ್ಚಿಸಲು ಮತ್ತು ಆಶೀರ್ವಾದ ಪಡೆಯಲು ಮಲ್ಲಿಗೆ ಎಣ್ಣೆಯ ದೀಪವನ್ನು ಬೆಳಗಿಸುವುದು ಅತ್ಯಂತ ಮಂಗಳಕರವಾಗಿದೆ.

- ಜಾತಕದಲ್ಲಿ ರಾಹು-ಕೇತು ದೋಷವಿದ್ದಲ್ಲಿ ಅದರ ಅಶುಭ ಫಲಗಳನ್ನು ತಪ್ಪಿಸಲು ಹಲಸಿನ ಎಣ್ಣೆಯ ದೀಪವನ್ನು ಹಚ್ಚುವುದು ಲಾಭದಾಯಕ.

- ಸಂಜೆ ಹಸುವಿನ ತುಪ್ಪದ ದೀಪವನ್ನು ಮುಖ್ಯ ಬಾಗಿಲಿಗೆ ಹಚ್ಚುವುದರಿಂದ ಮನೆಯಲ್ಲಿ ಸದಾ ಸುಖ-ಸಮೃದ್ಧಿ ನೆಲೆಸಿರುತ್ತದೆ. ಅಂತಹ ಮನೆಯಲ್ಲಿ ತಾಯಿ ಲಕ್ಷ್ಮಿದೇವಿ ಸದಾ ನೆಲೆಸುತ್ತಾಳೆಂಬ ನಂಬಿಕೆಯಿದೆ.

ಇದನ್ನೂ ಓದಿ: ಭಾರತದ ಈ ದೇವಾಲಯಗಳಲ್ಲಿ ಪುರುಷ ಪ್ರವೇಶ ನೀಷೇಧಿಸಲಾಗಿದೆ..!

(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)