ಶರೀರದ ಈ 6 ಅಂಗಗಳಲ್ಲಿನ ದುರ್ವಾಸನೆ ಗಂಭೀರ ಕಾಯಿಲೆಯ ಎಚ್ಚರಿಕೆಯ ಗಂಟೆ!

Body Smell Warning Signs: ವ್ಯಾಯಾಮ,  ದೈಹಿಕ ಚಟುವಟಿಕೆ, ಬಿಸಿಲು ಈ ರೀತಿ ಬೆವರುವಿಕೆಗೆ ಹಲವು ಕಾರಣಗಳಿವೆ. ಬೆವರು ಯಾವುದೇ ವಾಸನೆಯನ್ನು ಹೊಂದಿರದಿದ್ದರೂ, ಇದು ಚರ್ಮದ ಮೇಲೆ ಬ್ಯಾಕ್ಟೀರಿಯಾದೊಂದಿಗೆ ಬೆರೆತಾಗ ಅದು ಗಂಭೀರ ಸಮಸ್ಯೆಗಳನ್ನು ಉಂಟುಮಾಡುತ್ತದೆ.  ಆದರೆ, ಶರೀರದ ನಿರ್ದಿಷ್ಟ ಅಂಗದಿಂದ ಅಸಾಮಾನ್ಯವಾದ ಕೆಟ್ಟ ದುರ್ವಾಸನೆ (Bad Smell) ಬರುವುದನ್ನು ಎಂದಿಗೂ ನಿರ್ಲಕ್ಷಿಸಬೇಡಿ. 

ಬೇಸಿಗೆ ಕಾಲದಲ್ಲಿ ಅತಿಯಾಗಿ ಬೆವರುವುದರಿಂದ ಬೆವರಿನ ವಾಸನೆ ಬರುವುದು ಸಹಜ. ಆದರೆ, ದೇಹದ ಆರು ಅಂಗಗಳಿಂದ ಬರುವ ದುರ್ವಾಸನೆಯು ಗಂಭೀರ ಕಾಯಿಲೆಯ (Serious Illness) ಎಚ್ಚರಿಕೆಯ ಗಂಟೆಯೂ ಆಗಿರಬಹುದು ಎಂದು ನಿಮಗೆ ತಿಳಿದಿದೆಯೇ? ಹಾಗಿದ್ದರೆ, ದೇಹದ ಯಾವ ಅಂಗದಿಂದ ಕೆಟ್ಟ ವಾಸನೆ ಬರುತ್ತಿದ್ದರೆ ಅದು ಯಾವ ಆರೋಗ್ಯ ಸಮಸ್ಯೆಯನ್ನು ಸೂಚಿಸುತ್ತದೆ ಎಂದು ತಿಳಿಯೋಣ... 

ಶರೀರದ ಈ 6 ಅಂಗಗಳಲ್ಲಿನ ದುರ್ವಾಸನೆ ಗಂಭೀರ ಕಾಯಿಲೆಯ ಎಚ್ಚರಿಕೆಯ ಗಂಟೆ! 
ಬಾಯಿಯಿಂದ ವಾಸನೆ: 
ಕೆಲವೊಮ್ಮೆ ಬ್ರೆಶ್ ಮಾಡಿದ ಬಳಿಕವೂ ಬಾಯಿಯಿಂದ ವಾಸನೆ (Bad Breath) ಬರುತ್ತದೆ. ಇದು ಪರಿದಂತದ ಕಾಯಿಲೆ, ಹೊಟ್ಟೆ ಸಮಸ್ಯೆಗಳು, ಮಧುಮೇಹ, ಮೂತ್ರಪಿಂಡದ ಕಾಯಿಲೆ (Kidney Disease) ಅಥವಾ ಉಸಿರಾಟದ ಪ್ರದೇಶದ ಸೋಂಕಿನ ಲಕ್ಷಣಗಳನ್ನು ಸೂಚಿಸುತ್ತದೆ. 

ಇದನ್ನೂ ಓದಿ- Beauty Tips: ಮೊಡವೆ ಮುಕ್ತ, ಕಲೆರಹಿತ ತ್ವಚೆಗಾಗಿ ಒಂದೆರಡು ಹನಿ ರಸ ಸಾಕು!

ಮೂಗಿನಿಂದ ವಾಸನೆ: 
ಬಹುತೇಕ ಸಂದರ್ಭದಲ್ಲಿ ಮೂಗಿನ ನಾಳಗಳಿಂದಲೂ ದುರ್ವಾಸನೆಯ ಅನುಭವವಾಗುತ್ತದೆ. ಇದು ಸೈನಸ್ ಸೋಂಕು, ಮೂಗಿನಲ್ಲಿರುವ ಪಾಲಿಪ್ಸ್ ಅಥವಾ ಗೆಡ್ಡೆಗಳ ಸಂಕೇತವಾಗಿರಲೂ ಬಹುದು ಎಂದು ಹೇಳಲಾಗುತ್ತದೆ. 

ಕಿವಿಯಿಂದ ವಾಸನೆ: 
ಕಿವಿಗಳಲ್ಲಿ ಅತಿಯಾದ ತುರಿಕೆ, ನೋವಿನಿಂದಲ್ಲೂ ಕಿವಿಗಳಿಂದ ಕೆಟ್ಟ ವಾಸನೆ (Bad smell from the ears) ಬರಬಹುದು. ಇದು ಕಿವಿಯ ಸೋಂಕು, ಕಿವಿಯೋಲೆಯಲ್ಲಿ ರಂಧ್ರ ಅಥವಾ ಕಿವಿಯ ಗೆಡ್ಡೆಯ ಸಂಕೇತವನ್ನು ಸೂಚಿಸುತ್ತದೆ ಎನ್ನಲಾಗುತ್ತದೆ. 

ಅಂಡರ್ ಆರ್ಮ್ ವಾಸನೆ: 
ಬೆವರಿನಿಂದಾಗಿ ಕಂಕುಳಿನ ಕೆಳಗೆ ವಾಸನೆ ಬರಬಹುದು. ಆದರೆ, ಅಂಡರ್ ಆರ್ಮ್ (Under arm) ನಿಂದ ಬರುವ ಅತಿಯಾದ ವಾಸನೆಯು ಗಂಭೀರ ಆರೋಗ್ಯ ಸಮಸ್ಯೆಯನ್ನು ಸೂಚಿಸುತ್ತದೆ. ಇದರಿಂದ ಪರಿಹಾರಕ್ಕಾಗಿ ನೀವು ನಿಮ್ಮ ಶರೀರವನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದರ ಜೊತೆಗೆ ವೈದ್ಯರನ್ನು ಸಂಪರ್ಕಿಸಿ ಸೂಕ್ತ ಚಿಕಿತ್ಸೆ ಪಡೆಯುವುದು ಅವಶ್ಯಕವಾಗಿದೆ. 

ಇದನ್ನೂ ಓದಿ- Beauty Tips: ಸದಾ ಯಂಗ್ ಆಗಿ ಕಾಣಲು ಮಲಗುವ ಮುನ್ನ ಈ ಟಿಪ್ಸ್ ಅನುಸರಿಸಿ

ಜನನಾಂಗದಲ್ಲಿ ವಾಸನೆ: 
ಮೂತ್ರದಲ್ಲಿ ಸ್ವಲ್ಪ ವಾಸನೆ ಬರುವುದು ನೈಸರ್ಗಿಕ. ಆದರೆ, ಜನನಾಂಗದಲ್ಲಿ ದುರ್ವಾಸನೆಯು ಆಂತರಿಕ ಆರೋಗ್ಯ ಸಮಸ್ಯೆಗಳನ್ನು ಸೂಚಿಸುತ್ತದೆ. ಇದು ಯುಟಿಐ, ಮೂತ್ರಕೋಶದಲ್ಲಿ ಉರಿಯೂತ, ಮಧುಮೇಹದಂತಹ ಆರೋಗ್ಯ ಸಮಸ್ಯೆಗಳ ಎಚ್ಚರಿಕೆಯ ಗಂಟೆಯೂ ಆಗಿರಬಹುದು. 

ಪಾದಗಳಲ್ಲಿ ವಾಸನೆ: 
ಬೇಸಿಗೆಯಲ್ಲಿ ಶೂ ಧರಿಸಿದಾಗ, ಇಲ್ಲವೇ ಒದ್ದೆ ಸಾಕ್ಸ್ ಧರಿಸಿ ಅದರ ಮೇಲೆ ಶೂ ಧರಿಸುವುದರಿಂದ ಪಾದಗಳಲ್ಲಿ ವಾಸನೆ ಬರಬಹುದು. ಆದರೆ, ಪಾದಗಳಲ್ಲಿ ಅತಿಯಾದ ದುರ್ವಾಸನೆಯು ಬ್ಯಾಕ್ಟೀರಿಯಾ ಅಥವಾ ಶಿಲೀಂಧ್ರಗಳ ಸೋಂಕಿನ ಸಂಕೇತವಾಗಿದೆ.