ಈ ವಸ್ತುವನ್ನು ಕೂದಲಿಗೆ ಹಚ್ಚಿದರೆ ಎದುರಾಗುವುದೇ ಇಲ್ಲ ತಲೆಹೊಟ್ಟಿನ ಸಮಸ್ಯೆ

Home Remedy To Get Rid Of Dandruff : ತಲೆ ಕೂದಲಿನಲ್ಲಿ ಕಾಣಿಸಿಕೊಳ್ಳುವ   ತಲೆಹೊಟ್ಟು ಕೂದಲನ್ನು ದುರ್ಬಲಗೊಳಿಸುತ್ತದೆ. ಕೂದಲು ದುರ್ಬಲಗೊಂಡರೆ ಉದುರಲು ಆರಂಭವಾಗುತ್ತದೆ. ತಲೆಹೊಟ್ಟು ಹೆಚ್ಚಾದರೆ ಸೋಂಕು ಅಥವಾ ಗಾಯದ ಸಮಸ್ಯೆ ಕೂಡಾ ಉಂಟಾಗುತ್ತದೆ. ಹೀಗಿರುವಾಗ ತಲೆಹೊಟ್ಟನ್ನು ಪ್ರಾರಂಭದಲ್ಲಿಯೇ  ತೊಡೆದುಹಾಕಿದರೆ, ಕೂದಲಿನ ಆರೋಗ್ಯವನ್ನು ಕಾಪಾಡಬಹುದು.  ಕೆಲವು ಮನೆ ಮದ್ದುಗಳನ್ನು ಕೂದಲಿಗೆ ಹಚ್ಚುವುದರಿಂದ ತಲೆಹೊಟ್ಟಿನ ಸಮಸ್ಯೆಯನ್ನು ಸಂಪೂರ್ಣವಾಗಿ ಹೋಗಲಾಡಿಸಬಹುದು.

ಆಪಲ್ ಸೈಡರ್ ವಿನೆಗರ್ :
ನೀರು ಮತ್ತು ಆಪಲ್ ಸೈಡರ್ ವಿನೆಗರ್ ಅನ್ನು ಸಮಾನ ಪ್ರಮಾಣದಲ್ಲಿ ತೆಗೆದುಕೊಂಡು  ಕೂದಲಿಗೆ ಹಚ್ಚಬೇಕು. ಹೀಗೆ ಈ ಮಿಶ್ರಣವನ್ನು ಕೂದಲಿಗೆ ಹಚ್ಚಿದ ಕೆಲವು ನಿಮಿಷಗಳವರೆಗೆ ಹಾಗೆಯೇ ಬಿಡಬೇಕು. ನಂತರ  ಕೂದಲನ್ನು ತೊಳೆದು ಸ್ವಚ್ಛಗೊಳಿಸಿ.ಇದು ನೆತ್ತಿಯ ಪಿಹೆಚ್ ಮಟ್ಟವನ್ನು ಕಾಪಾಡುತ್ತದೆ.

ಇದನ್ನೂ ಓದಿ : ನೀವು ಬೆಳಿಗ್ಗೆ ಆಫೀಸ್‌ಗೆ ಬೇಗನೆ ಹೋಗಬೇಕೆ?..ಚಿಂತಿಸಬೇಡಿ 5 ನಿಮಿಷಗಳಲ್ಲಿ ಈ ಉಪಹಾರ ತಯಾರಿಸಿ..!

ನಿಂಬೆ ರಸ :
ತಾಜಾ ನಿಂಬೆ ರಸವನ್ನು ತೆಗೆದುಕೊಂಡು ಅದನ್ನು ನಿಮ್ಮ ನೆತ್ತಿಯ ಮೇಲೆ  ಹಚ್ಚಿ  5-10 ನಿಮಿಷಗಳ ಕಾಲ ಮಸಾಜ್ ಮಾಡಬೇಕು. ಇದು ನಿಮ್ಮ ನೆತ್ತಿಯ ಪಿಹೆಚ್ ಮಟ್ಟವನ್ನು ಕಾಪಾಡುತ್ತದೆ.ಅಲ್ಲದೆ ತಲೆಹೊಟ್ಟು ಕಡಿಮೆಯಾಗಲು ಸಹಾಯ ಮಾಡುತ್ತದೆ.

ಟೀ ಟ್ರೀ ಆಯಿಲ್ :
ತೆಂಗಿನ ಎಣ್ಣೆ ಮತ್ತು ಆಲಿವ್ ಎಣ್ಣೆಯೊಂದಿಗೆ ಟೀ ಟ್ರೀ ಆಯಿಲ್ ನ ಕೆಲವು ಹನಿಗಳನ್ನು ಮಿಶ್ರಣ ಮಾಡಬೇಕು. ನಂತರ ಈ  ಮಿಶ್ರಣವನ್ನು ಕೂದಲಿನ ಬುಡಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ. ಟೀ ಟ್ರೀ ಆಯಿಲ್ ಆಂಟಿಫಂಗಲ್ ಗುಣಗಳನ್ನು ಹೊಂದಿದ್ದು ಅದು ಕೂದಲಿನಿಂದ ತಲೆಹೊಟ್ಟು ನಿವಾರಿಸುತ್ತದೆ.

ಇದನ್ನೂ ಓದಿ : ಮನೆಯ ಹಿತ್ತಲಲ್ಲೇ ಸಿಗುವ ಈ ಎಲೆಯನ್ನು ಅರೆದು ಹಚ್ಚಿದರೆ ನಿಮಿಷಗಳಲ್ಲಿ ಕಪ್ಪಾಗುವುದು ಬಿಳಿ ಕೂದಲು

ಅಲೋವೆರಾ :
ತಾಜಾ ಅಲೋವೆರಾ ಜೆಲ್ ಅನ್ನು ತೆಗೆದುಕೊಂಡು ಅದನ್ನು ನೆತ್ತಿ ಮೇಲೆ ಹಚ್ಚಿ ಸುಮಾರು 30 ನಿಮಿಷಗಳ ಕಾಲ ಹಾಗೆಯೇ ಬಿಡಿ.ನಂತರ ಶಾಂಪೂ ಬಳಸಿ ಕೂದಲನ್ನು ಸ್ವಚ್ಛ ಮಾಡಿ. ಅಲೋವೆರಾ ನೆತ್ತಿಯ ಶುಷ್ಕತೆ ಮತ್ತು ತಲೆಹೊಟ್ಟು ಹೋಗಲಾಡಿಸಲು ಸಹಾಯ ಮಾಡುತ್ತದೆ.