Vastu Tips: ಸಂಜೆ ವೇಳೆ ಮನೆಯಲ್ಲಿ ಈ ಶಬ್ದ ಕೇಳಿದರೆ ದಿನಬೆಳಗಾಗುವಷ್ಟರಲ್ಲಿ ಅದೃಷ್ಟ ಬದಲಾಗುವುದು ಖಂಡಿತ

Conch Vastu Tips: ವಾಸ್ತು ಶಾಸ್ತ್ರದ ಪ್ರಕಾರ, ಶಂಖದ ಶಬ್ದವು ಮನೆಯಲ್ಲಿ ಪ್ರತಿನಿತ್ಯ ಪ್ರತಿಧ್ವನಿಸಿದರೆ, ನಿಮ್ಮ ಮನೆಯಲ್ಲಿ ದೊಡ್ಡ ಬದಲಾವಣೆಯನ್ನು ಕಾಣಬಹುದು. ದಿನಕ್ಕೆ ಎರಡರಿಂದ ನಾಲ್ಕು ಬಾರಿ ಶಂಖವನ್ನು ಊದುವುದರಿಂದ ನಿಮ್ಮ ಮನೆಯ ವಾತಾವರಣವು ಧನಾತ್ಮಕ ಶಕ್ತಿಯಿಂದ ತುಂಬಿರುತ್ತದೆ. ಅದಕ್ಕಾಗಿಯೇ ಮನೆಯಲ್ಲಿ ಶಂಖವನ್ನು ಇಡಬೇಕು ಎಂದು ಹೇಳಲಾಗುತ್ತದೆ.

ಹಿಂದೂ ಧರ್ಮದಲ್ಲಿ ಶಂಖಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಶಂಖವನ್ನು ಮನೆಯಲ್ಲಿ ಇರಿಸುವುದರಿಂದ ಮನೆಯೊಳಗೆ ದೊಡ್ಡ ಪರಿಣಾಮವನ್ನು ನೀವು ಕಾಣಬಹುದು. ಇದನ್ನು ಪೂಜಿಸುವುದರಿಂದ ನಿಮ್ಮೊಳಗೆ ಧನಾತ್ಮಕ ಶಕ್ತಿಯೂ ಬರುತ್ತದೆ. ಇನ್ನು ಶಂಖವನ್ನು 14 ರತ್ನಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: Smartphone Hacks: ನಿಮ್ಮ ಫೋನ್ ನಲ್ಲಿ ಆಗಾಗ್ಗೆ ಜಾಹೀರಾತುಗಳು ಬರುತ್ತಿವೆಯೇ? ಒಂದೇ ಕ್ಲಿಕ್ ನಲ್ಲಿ ನಿಲ್ಲಿಸಿ

ಹಿಂದೂ ನಂಬಿಕೆಗಳ ಪ್ರಕಾರ, ಶಂಖದ ಮೂಲವು ಸಮುದ್ರದ ಮಂಥನದ ಸಮಯದಲ್ಲಿ ಹೊರಹೊಮ್ಮಿದ 14 ರತ್ನಗಳಲ್ಲಿ ಒಂದಾಗಿದೆ. ಅದಕ್ಕಾಗಿಯೇ ಶಂಖವನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗುತ್ತದೆ. ಹಿಂದೂ ಧರ್ಮದಲ್ಲಿ ಶಂಖವನ್ನು ಮನೆಯಲ್ಲಿಟ್ಟು ಪೂಜಿಸಲು ವಿಶೇಷ ಪ್ರಾಮುಖ್ಯತೆ ಇದೆ. ಯಾವುದೇ ಶುಭ ಕಾರ್ಯಕ್ರಮ ಅಥವಾ ಧಾರ್ಮಿಕ ಆಚರಣೆಗಳಲ್ಲಿ ಶಂಖ ಊದುವ ಸಂಪ್ರದಾಯವಿದೆ.

ಪ್ರತಿನಿತ್ಯ ಶಂಖವನ್ನು ಊದುವ ಮನೆಯನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಶಂಖದ ಶಬ್ದದಿಂದ ಓಂಕಾರದ ಶಬ್ದ ಬರುತ್ತದೆ. ಇದರಿಂದಾಗಿ ವಾತಾವರಣವು ಧನಾತ್ಮಕ ಶಕ್ತಿಯಿಂದ ತುಂಬಿರುತ್ತದೆ. ಇದರ ಶಬ್ದವು ಸುತ್ತಲೂ ಹರಡಿರುವ ನಕಾರಾತ್ಮಕ ಶಕ್ತಿಯನ್ನು ನಾಶಪಡಿಸುತ್ತದೆ. ಶಂಖದಲ್ಲಿ ನೀರು ತುಂಬಿಸಿ ಮನೆಯ ಎಲ್ಲ ಭಾಗಕ್ಕೂ ಚಿಮುಕಿಸಿ. ಮನೆಯಲ್ಲಿ ವಾಸಿಸುವ ನಕಾರಾತ್ಮಕ ಶಕ್ತಿಯು ಇದರೊಂದಿಗೆ ಕೊನೆಗೊಳ್ಳುತ್ತದೆ. ಆಗಾಗ್ಗೆ ಜಗಳಗಳು ನಡೆಯುವ ಮನೆಗಳಲ್ಲಿ ಈ ಕೆಲಸ ಮಾಡಿದರೆ ಶಾಂತಿ ನೆಲೆಸುತ್ತದೆ. ಇದಲ್ಲದೆ, ವಾಸ್ತು ದೋಷಗಳು ಮನೆಗಳಿಂದ ದೂರ ಹೋಗುತ್ತವೆ.

ನಂಬಿಕೆಗಳ ಪ್ರಕಾರ ಮನೆಯಲ್ಲಿ ದಿನನಿತ್ಯ ಶಂಖವನ್ನು ಊದಿದರೆ ಆ ಮನೆಯ ಆರ್ಥಿಕ ಸ್ಥಿತಿ ದಿನದಿಂದ ದಿನಕ್ಕೆ ಗಟ್ಟಿಯಾಗುತ್ತದೆ. ಪುರಾಣಗಳ ಪ್ರಕಾರ, ಶಂಖ ಮತ್ತು ಲಕ್ಷ್ಮಿ ದೇವಿಯು ಸಮುದ್ರದ ಮಂಥನದಿಂದ ಹುಟ್ಟಿಕೊಂಡಿದ್ದಾರೆ. ಈ ಕಾರಣದಿಂದಾಗಿ ಶಂಖ ಮತ್ತು ಮಾತಾ ಲಕ್ಷ್ಮಿ ಸಂಬಂಧದಲ್ಲಿ ಸಹೋದರ ಮತ್ತು ಸಹೋದರಿಯರಾಗಿದ್ದಾರೆ. ಇದಲ್ಲದೆ, ಶಂಖವು ವಿಷ್ಣು ದೇವರಿಗೆ ಬಹಳ ಪ್ರಿಯವಾಗಿದ್ದು, ಅದು ಯಾವಾಗಲೂ ಅವರ ಕೈಯಲ್ಲಿ ಇರುತ್ತದೆ. ಅದಕ್ಕಾಗಿಯೇ ಶಂಖವನ್ನು ಮನೆಯಲ್ಲಿ ಇಡಬೇಕೆಂದು ಹೇಳಲಾಗುತ್ತದೆ. ಒಂದು ವೇಳೆ ಮನೆಯಲ್ಲಿ ಶಂಖವನ್ನು ಇಟ್ಟು ಪೂಜಿಸಿದರೆ, ಆ ಮನೆಯ ಸದಸ್ಯರು ತುಂಬಾ ಅದೃಷ್ಟವಂತರು ಮತ್ತು ಅವರ ಆರ್ಥಿಕ ಸ್ಥಿತಿಯೂ ಚೆನ್ನಾಗಿರುತ್ತಾರೆ ಎನ್ನಲಾಗುತ್ತದೆ.

ಶಂಖವನ್ನು ಊದುವುದರಿಂದ ನಿಮ್ಮ ದೇಹವೂ ಉತ್ತಮ ಪ್ರಯೋಜನಗಳನ್ನು ಪಡೆಯುತ್ತದೆ. ಇದು ನಿಮ್ಮ ಶ್ವಾಸಕೋಶವನ್ನು ಬಲಪಡಿಸುತ್ತದೆ ಮತ್ತು ಉಸಿರಾಟದ ಕಾಯಿಲೆಗಳನ್ನು ಗುಣಪಡಿಸುತ್ತದೆ. ವಿಜ್ಞಾನಿಗಳು ಸಹ ಶಂಖವನ್ನು ಊದುವುದರಿಂದ ಅನೇಕ ಪ್ರಯೋಜನಗಳಿವೆ ಎಂದು ಹೇಳುತ್ತಾರೆ. ಇದರಿಂದ ಹೃದಯ ಸಂಬಂಧಿ ಕಾಯಿಲೆಗಳೂ ದೂರವಾಗುತ್ತವೆ.

ಇದನ್ನೂ ಓದಿ: ಫರ್ಟಿಲಿಟಿಯೊಂದಿಗೆ ಥೈರಾಯ್ಡ್ ಸಂಬಂಧಿ ಸಮಸ್ಯೆಗಳ ಅಪಾಯ ತಗ್ಗಿಸಲು ಯಾವ ಕ್ರಮ ಕೈಗೊಳ್ಳಬೇಕು?

(ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಅದನ್ನು ಖಚಿತಪಡಿಸುವುದಿಲ್ಲ.)