Marriage: ಹುಟ್ಟಿದ ದಿನಾಂಕ ಆಧರಿಸಿ ನೀವು ಅರೇಂಜ್ಡ್ ಅಥವಾ ಲವ್ ಮ್ಯಾರೇಜ್ ಆಗುತ್ತೀರಾ ತಿಳಿಯಿರಿ

ನವದೆಹಲಿ: ಮದುವೆಯು ಪ್ರತಿಯೊಬ್ಬ ವ್ಯಕ್ತಿಯ ಜೀವನದಲ್ಲಿ ಒಂದು ಪ್ರಮುಖ ಘಟ್ಟ. ಆದ್ದರಿಂದ ಪ್ರತಿಯೊಬ್ಬ ವ್ಯಕ್ತಿಯು ತನ್ನ ಮದುವೆಯನ್ನು ಕುತೂಹಲದಿಂದ ಎದುರು ನೋಡುತ್ತಾನೆ. ಅಲ್ಲದೆ ಸಂಗಾತಿಯು ಜೀವನದ ಏರಿಳಿತಗಳಲ್ಲಿ ಬೆಂಬಲಿಸುವಂತಿರಬೇಕೆಂದು ಬಯಸುತ್ತಾರೆ. ಬಹುತೇಕರು ಸರಿಯಾದ ಸಂಗಾತಿ ಪಡೆಯಲು ಹೆಚ್ಚು ಆಸಕ್ತಿ ವಹಿಸುತ್ತಾರೆ. ಮದುವೆಯ ಯಶಸ್ಸನ್ನು ನಿರ್ಧರಿಸುವಲ್ಲಿ ಮತ್ತು ನಿಮ್ಮ ವೈವಾಹಿಕ ಜೀವನ ಹೇಗಿರುತ್ತದೆ ಅನ್ನೋದನ್ನು ನಿರ್ಧರಿಸುವಲ್ಲಿ ಮದುವೆ ದಿನಾಂಕಗಳು ಪ್ರಮುಖ ಪಾತ್ರ ವಹಿಸಬಹುದು.

ಸಂಖ್ಯಾಶಾಸ್ತ್ರದಲ್ಲಿ ಮೂಲಾಂಕವನ್ನು ಒಂದು ಪ್ರಮುಖ ಅಂಶವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ನಿಮ್ಮ ಹುಟ್ಟಿದ ದಿನಾಂಕ ಆಧರಿಸಿ ನೀವು ಪ್ರೇಮವಿವಾಹ ಆಗುತ್ತೀರಾ ಅಥವಾ ಅರೇಂಜ್‌ ಮ್ಯಾರೇಜ್‌ ಆಗುತ್ತೀರಾ ಎನ್ನುವುದನ್ನು ತಿಳಿದುಕೊಳ್ಳಬಹುದು. ಸಂಖ್ಯಾಶಾಸ್ತ್ರದ ಪ್ರಕಾರ ಮೂಲಾಂಕವನ್ನು ಹೀಗೆ ಲೆಕ್ಕಾಚಾರ ಹಾಕುತ್ತಾರೆ. ಉದಾಹರಣೆಗೆ ಒಬ್ಬ ವ್ಯಕ್ತಿಯು ಯಾವುದೇ ತಿಂಗಳ 18 ರಂದು ಜನಿಸಿದರೆ, ಆತನ ಮೂಲಾಂಕ 1+8 = 9 ಆಗಿರುತ್ತದೆ. ಇದರಂತೆ ನಿಮ್ಮ ಮೂಲಾಂಕ ಆಧರಿಸಿ ನೀವು ಯಾವ ವಿವಾಹವಾಗುತ್ತೀರಿ ಎನ್ನುವ ಕುತೂಹಲಕಾರಿ ಸಂಗತಿಯನ್ನು ತಿಳಿದುಕೊಳ್ಳಿ.

ಮೂಲಾಂಕ 1: ಮೂಲಾಂಕ 1ರ ಜನರು ತುಂಬಾ ಭಾವೋದ್ರಿಕ್ತರು ಮತ್ತು ಸುಲಭವಾಗಿ ಪ್ರಭಾವಿತರಾಗುವುದಿಲ್ಲ. ಇವರು ಪ್ರಾಯೋಗಿಕ ಮತ್ತು ಯಾವುದೇ ನಿರ್ಧಾರವನ್ನು ತೆಗೆದುಕೊಳ್ಳುವ ಮೊದಲು ವ್ಯಕ್ತಿಯನ್ನು ಚೆನ್ನಾಗಿ ತಿಳಿದುಕೊಳ್ಳಲು ಬಯಸುತ್ತಾರೆ. ಇವರು ಸಾಮಾನ್ಯವಾಗಿ ತಮ್ಮ ಬಾಲ್ಯದ ಸ್ನೇಹಿತರನ್ನು ಮದುವೆಯಾಗುತ್ತಾರೆ. ಇವರು ಯಾವುದೇ ಕಾರಣಕ್ಕೂ ರಾಜಿ ಮಾಡಿಕೊಳ್ಳುವುದಿಲ್ಲ. ತಮ್ಮ ಪ್ರೀತಿಯನ್ನು ಎಂದಿಗೂ ವ್ಯಕ್ತಪಡಿಸುವುದಿಲ್ಲ. ಆದ್ದರಿಂದಲೇ ಇವರಿಗೆ ಪ್ರೇಮ ವಿವಾಹವಾಗುವುದು ಕಷ್ಟ. ಇವರಿಗೆ ಉತ್ತಮ ಸಂಯೋಜನೆಯೆಂದರೆ 2, 4 ಮತ್ತು 6 ಸಂಖ್ಯೆಯ ಸಂಗಾತಿಗಳು ಸಿಕ್ಕರೆ ತುಂಬಾ ಉತ್ತಮ.

ಇದನ್ನೂ ಓದಿ: Black Pepper Benefits: ಆರೋಗ್ಯದ ಜೊತೆಗೆ ತ್ವಚೆಗೂ ಕೂಡ ತುಂಬಾ ಲಾಭಕಾರಿ ಕರಿ ಮೆಣಸು

ಮೂಲಾಂಕ 2: ಇವರು ತಮ್ಮ ಪ್ರೀತಿ ಮತ್ತು ಕುಟುಂಬದ ಮೇಲೆ ಕೇಂದ್ರೀಕರಿಸುವ ಭಾವನಾತ್ಮಕ ಮತ್ತು ಸೂಕ್ಷ್ಮ ಜನರು. ಪ್ರೀತಿ, ಮದುವೆ ಮತ್ತು ಸಂಬಂಧಗಳ ವಿಷಯಕ್ಕೆ ಬಂದಾಗ ಇವರು ತಮ್ಮ ಹೃದಯದ ಮಾತನ್ನು ಕೇಳುತ್ತಾರೆ. ಇದರಿಂದ ಇವರು ವೈವಾಹಿಕ ಜೀವನದಲ್ಲಿ ಸಂಕಷ್ಟಕ್ಕೆ ಗುರಿಯಾಗುತ್ತಾರೆ. ಇವರು ದೈಹಿಕ ಸಂತೋಷಕ್ಕಿಂತ ಭಾವನಾತ್ಮಕ ಸಂತೋಷಗಳ ಕಡೆಗೆ ಹೆಚ್ಚು ಒಲವು ತೋರುತ್ತಾರೆ. ಇವರು ತಮ್ಮ ಪ್ರೀತಿಯ ಜೀವನದ ಬಗ್ಗೆ ತುಂಬಾ ರಹಸ್ಯ ಕಾಪಾಡಿಕೊಳ್ಳುತ್ತಾರೆ. ಮೂಲಾಂಕ 2ರ ಜನರು ಪ್ರೇಮ ವಿವಾಹವಾಗುವ ಸಾಧ್ಯತೆ ಹೆಚ್ಚು. ಇವರಿಗೆ 1, 3 ಮತ್ತು 6ರ ಸಂಖ್ಯೆಯ ಸಂಗಾತಿಗಳು ಸಿಕ್ಕರೆ ತುಂಬಾ ಒಳ್ಳೆಯದು.

ಮೂಲಾಂಕ 3: ಮೂಲಾಂಕ 3ರ ಜನರು ಬೇರೆಯವರಿಗಿಂತ ಹೆಚ್ಚಾಗಿ ತಮ್ಮನ್ನು ತಾವೇ ಪ್ರೀತಿಸುತ್ತಾರೆ. ಇವರು ತುಂಬಾ ರೋಮ್ಯಾಂಟಿಕ್ ಅಲ್ಲ. ಸಾಮಾನ್ಯವಾಗಿ ಪ್ರೀತಿ ಮತ್ತು ಮದುವೆಗೆ ಸಂಬಂಧಿಸಿದ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಇವರ ಹೃದಯದ ಮಾತನ್ನು ಅನುಸರಿಸುವುದಿಲ್ಲ. ಈ ಜನರು ಪ್ರೇಮ ವಿವಾಹವಾಗುವಲ್ಲಿ ಯಶಸ್ವಿಯಾಗುತ್ತಾರೆ. ಈ ವ್ಯಕ್ತಿಯು ತನ್ನ ಸಂಗಾತಿಯನ್ನು ತುಂಬಾ ಪ್ರೀತಿಸುತ್ತಾನೆ. ಪ್ರತಿ ಹಂತದಲ್ಲೂ ಬೆಂಬಲಿಸುತ್ತಾರೆ. ಇವರಿಗೆ 2, 6 ಮತ್ತು 9  ಸಂಖ್ಯೆಯ ಸಂಗಾತಿಗಳು ಸಿಕ್ಕರೆ ತುಂಬಾ ಒಳ್ಳೆಯದು.

ಮೂಲಾಂಕ 4: ಮೂಲಾಂಕ 4ರ ಜನರು ತಮ್ಮ ಸಂಗಾತಿಗೆ ಹೆಚ್ಚು ನಿಷ್ಠರಾಗಿರುತ್ತಾರೆ. ಈ ಸಂಖ್ಯೆಯ ಜನರು ಒಂದಕ್ಕಿಂತ ಹೆಚ್ಚು ಪ್ರೇಮ ಸಂಬಂಧಗಳನ್ನು ಹೊಂದುತ್ತಾರಂತೆ. ಈ ಸಂಖ್ಯೆ ಹೊಂದಿರುವ ಜನರು ತಮ್ಮ ಸ್ವಂತ ಆಯ್ಕೆಯ ಪ್ರಕಾರ ಮದುವೆಯಾಗುತ್ತಾರೆ. ಈ ಜನರು ಅಲ್ಪ-ಸ್ವಭಾವದವರಾಗಿದ್ದಾರೆ, ಇದು ಅವರ ಮದುವೆ ಮತ್ತು ಪ್ರೇಮ ಜೀವನದ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ವಿಚ್ಛೇದನಕ್ಕೆ ಕಾರಣವಾಗುತ್ತದೆ. ಇವರಿಗೆ ಉತ್ತಮ ಸಂಯೋಜನೆಯು ಸಂಖ್ಯೆ 1,2,7 ಮತ್ತು 8 ಆಗಿರುತ್ತದೆ.

ಇದನ್ನೂ ಓದಿ: Eye Palmistry: ಕೇವಲ ಕಣ್ಣುಗಳನ್ನು ನೋಡಿ ಸಂಗಾತಿಯ ಸ್ವಭಾವ-ವ್ಯಕ್ತಿತ್ವ ಗುರುತಿಸುವುದು ಹೇಗೆ?

ಮೂಲಾಂಕ  5: 5ನೇ ಸಂಖ್ಯೆಯನ್ನು ಹೊಂದಿರುವ ಜನರಿಗೆ ಲೈಂಗಿಕತೆಯು ಬಹಳ ಮುಖ್ಯವಾಗಿದೆ. ಇವರು ತಮ್ಮ ಲೈಂಗಿಕ ಜೀವನದಲ್ಲಿ ತುಂಬಾ ಪ್ರಯೋಗಶೀಲರಾಗಿದ್ದಾರೆ. ಈ ಜನರು ಬಹಳ ಬೇಗ ಬೇಸರಗೊಳ್ಳುತ್ತಾರೆ ಮತ್ತು ಮದುವೆಗೆ ಮುಂಚೆಯೇ ಅನೇಕ ಸಂಬಂಧಗಳನ್ನು ಹೊಂದುತ್ತಾರೆ. ಸಾಂಪ್ರದಾಯಿಕವಾಗಿ ಮದುವೆಯಾಗಿ ಸಂಬಂಧಗಳನ್ನು ಕಾಪಾಡಿಕೊಳ್ಳಲು ಬಯಸುತ್ತಾರೆ. ಇದಕ್ಕಾಗಿಯೇ ಈ ಜನರು ತಮ್ಮ ಕುಟುಂಬದ ಒಪ್ಪಿಗೆಯೊಂದಿಗೆ ಮಾತ್ರ ಮದುವೆಯಾಗುತ್ತಾರೆ. ಸಂಖ್ಯೆ 5 ಮತ್ತು 8 ಇವರಿಗೆ ಉತ್ತಮ ಹೊಂದಾಣಿಕೆಯಾಗಿದೆ.

ಮೂಲಾಂಕ 6: ಮೂಲಾಂಕ 6ರ ಜನರು ಆಕರ್ಷಕ ಮತ್ತು ಕಾಂತೀಯ ವ್ಯಕ್ತಿತ್ವವನ್ನು ಹೊಂದಿದ್ದಾರೆ. ಇದು ವಿರುದ್ಧ ಲಿಂಗವನ್ನು ಆಕರ್ಷಿಸುತ್ತದೆ. ಈ ಸಂಖ್ಯೆಯು ಪ್ರೀತಿ ಮತ್ತು ಶಾಂತಿಯಿಂದ ಕೂಡಿದೆ. ಆದ್ದರಿಂದ ಭಾವನಾತ್ಮಕ ಮತ್ತು ದೈಹಿಕ ಹೊಂದಾಣಿಕೆಯು ಇವರಿಗೆ ಮುಖ್ಯವಾಗಿದೆ. ಈ ಜನರು ಹೆಚ್ಚಾಗಿ ಪ್ರೇಮ ವಿವಾಹವಾಗುವಲ್ಲಿ ಯಶಸ್ವಿಯಾಗುತ್ತಾರೆ. ಆದರೆ ಒಂದಕ್ಕಿಂತ ಹೆಚ್ಚು ಪ್ರೇಮ ಸಂಬಂಧಗಳಿಂದಾಗಿ ಇವರು ಸೂಕ್ತ ವ್ಯಕ್ತಿಯನ್ನು ಕಳೆದುಕೊಳ್ಳುತ್ತಾರೆ. ಈ ಜನರು ಎಲ್ಲಾ ಸಂಖ್ಯೆಗಳೊಂದಿಗೆ ಹೊಂದಾಣಿಕೆ ಮಾಡಿಕೊಳ್ಳಲು ಒಲವು ತೋರುತ್ತಾರೆ. ಆದ್ದರಿಂದ ಇವರಿಗೆ ಯಾವುದೇ ಕೆಟ್ಟ ಅಥವಾ ಉತ್ತಮ ಹೊಂದಾಣಿಕೆಯಿಲ್ಲ.

ಮೂಲಾಂಕ 7: ಮೂಲಾಂಕ 7ರ ಜನರು ತುಂಬಾ ರೋಮ್ಯಾಂಟಿಕ್ ಆಗಿರುತ್ತಾರೆ. ಇವರು ತಮ್ಮ ಸಂಗಾತಿಗೆ ಉಡುಗೊರೆಗಳೊಂದಿಗೆ ಅಚ್ಚರಿಗೊಳಿಸಲು ಇಷ್ಟಪಡುತ್ತಾರೆ. ಇವರು ತಮ್ಮ ವೃತ್ತಿಜೀವನದಲ್ಲಿ ಯಶಸ್ವಿಯಾಗಲು ತಮ್ಮ ವೈಯಕ್ತಿಕ ಜೀವನದಲ್ಲಿ ಸಂತೋಷವಾಗಿರಲು ಬಯಸುತ್ತಾರೆ. ಇವರು ಶಾಂತಿಯನ್ನು ಪ್ರೀತಿಸುತ್ತಾರೆ ಮತ್ತು ಒತ್ತಡದ ಜೀವನವನ್ನು ಬಯಸುವುದಿಲ್ಲ. ಸಂಬಂಧ ಅಥವಾ ಮದುವೆ ಯಶಸ್ವಿಯಾಗಲು ಇವರು ತಮ್ಮ ಸಂಗಾತಿಯೊಂದಿಗೆ ಹೆಚ್ಚು ಸಂವಹನ ನಡೆಸಬೇಕು ಮತ್ತು ಜೀವನದಲ್ಲಿ ಯಾವುದೇ ಒತ್ತಡ ತಪ್ಪಿಸಲು ವಿಷಯಗಳನ್ನು ಸ್ಪಷ್ಟವಾಗಿ-ಪಾರದರ್ಶಕವಾಗಿರಿಸಿಕೊಳ್ಳಬೇಕು. ಪ್ರೀತಿಸಿ ಮದುವೆಯಾದರೂ ಅಥವಾ ಕುಟುಂಬದ ಒಪ್ಪಿಗೆಯೊಂದಿಗೆ ಮದುವೆಯಾದರೂ ಇವರು ಸಂಗಾತಿಯನ್ನು ಪ್ರಾಮಾಣಿಕವಾಗಿ ಪ್ರೀತಿಸುತ್ತಾರೆ. ಇವರಿಗೆ ಸಂಖ್ಯೆ 2 ಅತ್ಯುತ್ತಮ ಹೊಂದಾಣಿಕೆಯಾಗಿದೆ.

ಇದನ್ನೂ ಓದಿ: Ideal Woman: ಓರ್ವ ಆದರ್ಶ ಮಹಿಳೆಯಲ್ಲಿ ಯಾವ ಗುಣಗಳಿರಬೇಕು? ನಿಮಗೆ ಗೊತ್ತಿದೆಯಾ?

ಮೂಲಾಂಕ 8: ಮೂಲಾಂಕ 8ರ ಜನರು ತಮ್ಮ ಸಂಬಂಧಗಳಲ್ಲಿ ಭಾವನಾತ್ಮಕವಾಗಿರುತ್ತಾರೆ. ಇವರು ಅತ್ಯಂತ ನಿಷ್ಠರಾಗಿರುತ್ತಾರೆ. ಇವರು ಬಹಳಷ್ಟು ಬಾರಿ ತಪ್ಪಾಗಿ ಅರ್ಥೈಸಿಕೊಳ್ಳುತ್ತಾರೆ. ಈ ಜನರು ವಿರಳವಾಗಿ ಪ್ರೀತಿಯಲ್ಲಿ ಬೀಳುತ್ತಾರೆ. ಮೂಲಾಂಕ 8ರ ಸಂಖ್ಯೆಯವರೇ ಇವರಿಗೆ ಸೂಕ್ತ.

ಮೂಲಾಂಕ 9: ಮೂಲಾಂಕ 9ರ ಜನರು ಬಹಳ ಪ್ರಾಬಲ್ಯ ಹೊಂದಿರುತ್ತಾರೆ.  ಇವರೂ ಸಹ ಭಾವುಕರಾಗಿರುತ್ತಾರೆ, ಆದರೆ ಹೆಚ್ಚಿನ ಸಮಯ ಇವರ ಭಾವನೆಗಳು ಇತರರಿಗೆ ಅರ್ಥವಾಗುವುದಿಲ್ಲ. ಈ ಜನರು ಅರೇಂಜ್ಡ್ ಮ್ಯಾರೇಜ್ ಆಗಲು ಇಷ್ಟಪಡುತ್ತಾರೆ. ಸಂಖ್ಯೆ 2 ಮತ್ತು 6 ಇವರಿಗೆ ಉತ್ತಮ ಹೊಂದಾಣಿಕೆಯಾಗಿದೆ.