ದುಬಾರಿ ಹೇರ್ ಪ್ರಾಡಕ್ಟ್ ನಿಂದಲೂ ಕೂದಲು ಉದುರುವುದು ನಿಲ್ಲುತ್ತಿಲ್ಲವೇ ! ಈ ನೀರನ್ನೊಮ್ಮೆ ಹಚ್ಚಿ ನೋಡಿ

Hair fall control tips : ಇತ್ತೀಚಿನ ದಿನಗಳಲ್ಲಿ ಪುರುಷರು ಮತ್ತು ಮಹಿಳೆಯರು ಎಲ್ಲರೂ ಕೂದಲು ಉದುರುವಿಕೆಯ ಸಮಸ್ಯೆಯನ್ನು ಎದುರಿಸುತ್ತಿರುತ್ತಾರೆ. ಕೂದಲು ಉದುರುತ್ತದೆ ಎಂದು ಹೇಳಿ ಅದಕ್ಕೆ ಮದ್ದು ಮಾಡಲು ಹೊರಡುವ ಮುನ್ನ ಕೂದಲು ಉದುರುವುದಕ್ಕೆ ಕಾರಣ ಏನು ಎನ್ನುವುದನ್ನು ತಿಳಿದುಕೊಳ್ಳಬೇಕು. ಕೂದಲು ಉದುರುವಿಕೆಗೆ ತಲೆಹೊಟ್ಟಿನಂಥಹ ಸರಳ ಕಾರಣಗಳಿಂದ ಹಿಡಿದು ಆರೋಗ್ಯಕ್ಕೆ ಸಂಬಂಧಿಸಿದ ಅನೇಕ ಗಂಭೀರ ಕಾಯಿಲೆಗಳವರೆಗೆ ಹಲವಾರು ವಿಷಯಗಳು ಕಾರಣವಾಗಿರಬಹುದು. ಹೆಚ್ಚಿನ ಸಂದರ್ಭಗಳಲ್ಲಿ, ತಲೆಹೊಟ್ಟು ಅಥವಾ ದೇಹದಲ್ಲಿ ಯಾವುದೇ ಪೋಷಕಾಂಶದ ಕೊರತೆಯಿಂದಾಗಿ ಕೂದಲು ಉದುರುವುದಕ್ಕೆ ಆರಂಭವಾಗುತ್ತದೆ. ಕೂದಲು ಉದುರುವುದಕ್ಕೆ ಕಾರಣ ಏನು ಎಂದು ತಿಳಿದುಕೊಂಡರೆ ಆ ಸಮಸ್ಯೆಯನ್ನು ಮನೆಯಲ್ಲಿಯೇ ಬಗೆಹರಿಸಿಕೊಳ್ಳಬಹುದು. ಪ್ರತಿ ಸಮಸ್ಯೆಗೂ ದುಬಾರಿ ಪ್ರಾಡಕ್ಟ್ ಗಳ ಮೊರೆ ಹೋಗಬೇಕೆಂದಿಲ್ಲ. ಸರಳ ಪರಿಹಾರ ಕಾರ್ಯಗಳನ್ನು ಅನುಸರಿಸುವ ಮೂಲಕವೂ ಸಮಸ್ಯೆಯನ್ನು ಬಗೆಹರಿಸಬಹುದು. 

ಕೂದಲು ಉದುರುವಿಕೆಗೆ ಈರುಳ್ಳಿ ರಸ : 
ಅನೇಕ ಜನರು ಈರುಳ್ಳಿಯನ್ನು ಇಷ್ಟಪಡುವುದಿಲ್ಲ. ತಮ್ಮ ಆಹಾರದಲ್ಲಿಯೂ ಇದನ್ನು ಸೇವಿಸುವುದಿಲ್ಲ. ಆದರೆ ಈರುಳ್ಳಿಯ ಪ್ರಯೋಜನಗಳನ್ನು  ಪಡೆಯಬೇಕಾದರೆ ಅದನ್ನು ತಿನ್ನಲೇ ಬೇಕೆಂದಿಲ್ಲ. ಈರುಳ್ಳಿ ರಸದಲ್ಲಿ ಅನೇಕ ವಿಶೇಷ ಅಂಶಗಳು ಕಂಡುಬರುತ್ತವೆ. ಇದು ಕೂದಲು ಉದುರುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ಈರುಳ್ಳಿ ರಸದಲ್ಲಿರುವ ಗಂಧಕವು ಕೂದಲು ಉದುರುವುದನ್ನು ತಡೆಯುತ್ತದೆ ಮಾತ್ರವಲ್ಲ ಕೂದಲು ಉದುರಿದ ಜಾಗದಲ್ಲಿ ಮತ್ತೆ ಕೂದಲು ಬೆಳೆಯುವಂತೆ ಮಾಡುತ್ತದೆ. 

ಇದನ್ನೂ ಓದಿ : Hair Care: ಉದ್ದ ಮತ್ತು ದಪ್ಪ ಕೂದಲು ನಿಮ್ಮದಾಗಬೇಕಾ? ಹಾಗಿದ್ರೆ ಈ ನೈಸರ್ಗಿಕ ಪರಿಹಾರಗಳನ್ನು ಅನುಸರಿಸಿ!

ಈರುಳ್ಳಿ ರಸ :
ಕೂದಲು ಉದುರುವಿಕೆಯನ್ನು ತಡೆಗಟ್ಟಲು ಈರುಳ್ಳಿ ರಸ ಅತ್ಯಂತ ಪರಿಣಾಮಕಾರಿ ಪರಿಹಾರ ಎಂದು ಹೇಳಲಾಗುತ್ತದೆ. ಆದರೆ, ಅದನ್ನು ಸರಿಯಾಗಿ ಬಳಸುವುದು ಕೂಡಾ ಬಹಳ ಮುಖ್ಯವಾಗಿರುತ್ತದೆ. ಕೂದಲು ಅತಿಯಾಗಿ ಉದುರುತ್ತಿದ್ದರೆ, ಬೆಳಿಗ್ಗೆ  ಶಾಂಪೂ ಬಳಸಿ ನಿಮ್ಮ ಕೂದಲನ್ನು ಚೆನ್ನಾಗಿ ತೊಳೆದು, ನಂತರ ನಿಮ್ಮ ಕೂದಲನ್ನು ಚೆನ್ನಾಗಿ ಒಣಗಿಸಿ. ನಿಮ್ಮ ಕೂದಲು ಚೆನ್ನಾಗಿ ಒಣಗಿದ ಮೇಲೆ ಈರುಳ್ಳಿ ರಸವನ್ನು   ಹತ್ತಿಯ ಉಂಡೆಯ ಸಹಾಯದಿಂದ ನಿಮ್ಮ ಕೂದಲಿನ ಬೇರುಗಳಿಗೆ ಸಂಪೂರ್ಣವಾಗಿ  ಹಚ್ಚಿ. ಇದನ್ನು ಕೂದಲಿನ ಮೇಲೆ ಕನಿಷ್ಠ 30 ನಿಮಿಷಗಳ ಕಾಲ ಹಾಗೆಯೆ ಬಿಡಬೇಕು. ನಂತರ ಉತ್ತಮ ಶಾಂಪೂ ಸಹಾಯದಿಂದ ಉಗುರು ಬೆಚ್ಚಗಿನ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.

ಈರುಳ್ಳಿ ರಸವನ್ನು ತೆಗೆಯುವುದು ಹೇಗೆ ? : 
ಈರುಳ್ಳಿ ರಸವನ್ನು ಹೊರತೆಗೆಯುವುದು ನಿಮಗೆ ಸ್ವಲ್ಪ ಕಷ್ಟವಾಗಬಹುದು. ಆದರೆ ನೀವು ಸರಿಯಾದ ವಿಧಾನವನ್ನು ಬಳಸಿದರೆ ಅದು ಕೂಡಾ ಸುಲಭವಾಗಿರುತ್ತದೆ. ಈರುಳ್ಳಿಯನ್ನು ಮಿಕ್ಸರ್ ಗ್ರೈಂಡರ್‌ಗೆ ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ. ನಂತರ,  ಶುದ್ಧವಾದ ಹತ್ತಿ ಬಟ್ಟೆಯಿಂದ ಹಿಸುಕಿ ರಸವನ್ನು ಬೇರ್ಪಡಿಸಬಹುದು. ರಸವನ್ನು ತೆಗೆದ ನಂತರ, ಅದನ್ನು ಹೆಚ್ಚಿನ ಸಮಯದವರೆಗೆ ಇಡಬೇಡಿ. ರಸವನ್ನು ತೆಗೆದ ಅರ್ಧ ಗಂಟೆಯೊಳಗೆ ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ. 

ಇದನ್ನೂ ಓದಿ : Waxing Tips: ವ್ಯಾಕ್ಸಿಂಗ್ ಬಳಿಕ ಈ ತಪ್ಪುಗಳನ್ನು ಮಾಡಲೇಬಾರದು!