Motherʼs Day 2022: ʼಮಮತಾಮಯಿʼ ದಿನಾಚರಣೆಯ ಮಹತ್ವದ ಬಗ್ಗೆ ಇಲ್ಲಿದೆ ಮಾಹಿತಿ

ತಾಯಿ ಎಂದಾಗ ಮೊದಲು ನೆನಪಾಗೋದು ಮಮತೆ, ಪ್ರೀತಿ, ವಾತ್ಸಲ್ಯ. ಆಕೆಯ ಪ್ರೀತಿಗೆ ಸರಿಸಾಟಿಯಾದ ವಿಚಾರ ಈ ಪ್ರಪಂಚದಲ್ಲಿಯೇ ಇರಲು ಸಾಧ್ಯವಿಲ್ಲ. ಆಕೆಯ ವಾತ್ಸಲ್ಯಕ್ಕೆ ಹೊಂದಾಣಿಕೆಯಾಗುವ ಪ್ರೇಮ ಮತ್ತೊಂದಿಲ್ಲ. ಈ ಮಮತಾಮಯಿಯ ಪ್ರೀತಿಗೆ ದಿನಾಚರಣೆಗಳು ಸರಿಹೊಂದದಿದ್ದರೂ ಸಹ, ಆಕೆಯ ಮೌಲ್ಯ, ಮಹತ್ವವನ್ನು ನೆನೆಯಲು ವಿಶೇಷ ದಿನ ಮೀಸಲಿರಿಸುವುದು ಅಗತ್ಯ ಹಾಗೂ ಕರ್ತವ್ಯ ಎನ್ನಬಹುದು. 

ಇದನ್ನು ಓದಿ: Mango Eating Tips: ಮಾವು ತಿನ್ನುವ ಮುನ್ನ ಈ ಕೆಲಸ ಮಾಡಿ, ಇಲ್ಲವೇ ಲಾಭದ ಬದಲು ನಷ್ಟವಾದೀತು

ಪ್ರತೀ ವರ್ಷ ಮೇ ತಿಂಗಳ ಎರಡನೇ ಭಾನುವಾರವನ್ನು ವಿಶ್ವ ತಾಯಂದಿರ ದಿನವನ್ನಾಗಿ ಆಚರಿಸಲಾಗುತ್ತದೆ. ಅಮೆರಿಕಾದಲ್ಲಿ 1908ರಲ್ಲಿ ಪ್ರಾರಂಭವಾದ ಈ ವಿಶೇಷ ಆಚರಣೆ ಇಂದಿಗೂ ಚಾಲ್ತಿಯಲ್ಲಿದೆ. ಈ ದಿನದ ಪ್ರಮುಖ ಉದ್ದೇಶವೆಂದರೆ ತಾಯಿಯ ಮಹತ್ವವನ್ನು ಜನರಿಗೆ ತಿಳಿಸಿಕೊಡುವುದು. 

ಪ್ರಪಂಚದಾದ್ಯಂತ ತಾಯಂದಿರ ದಿನವನ್ನು ವಿಶೇಷವಾಗಿ ಆಚರಿಸಲಾಗುತ್ತದೆ. ಇನ್ನು ಭಾರತದಲ್ಲಿ ತಾಯಿ-ಮಕ್ಕಳ ಬಾಂಧವ್ಯ ವಿಶೇಷವಾಗಿದ್ದು, ಈ ಹಿನ್ನೆಲೆಯಲ್ಲಿ ತಾಯಂದಿರ ದಿನಾಚರಣೆಗೆ ವಿಭಿನ್ನ ಕಾರ್ಯಕ್ರಮಗಳನ್ನು ಸಹ ಆಯೋಜನೆ ಮಾಡಲಾಗುತ್ತದೆ. ತಾಯಿಯೊಬ್ಬಳು ತನ್ನ ಮಕ್ಕಳಿಗಾಗಿ ಮಾಡುವ ತ್ಯಾಗವನ್ನು ಎಲ್ಲರೂ ಗೌರವಿಸಲೇಬೇಕು. ತನ್ನ ಕಂದಮ್ಮನ ಪ್ರತೀ ಬೆಳವಣಿಗೆಯಲ್ಲಿ ಮೊದಲ ಗುರುವಾಗಿ ಆಕೆ ನೀಡುವ ಶಿಕ್ಷಣ ಜೀವನದುದ್ದಕ್ಕೂ ಸಹಕಾರಿಯಾಗಿರುತ್ತದೆ. 

ಇದನ್ನು ಓದಿ: ಕತಾರ್‌ನಲ್ಲಿ ಆಜಾದಿ ಕಾ ಅಮೃತ್‌ ಮಹೋತ್ಸವ-ಒಡಿಶಾ ಸಂಸ್ಥಾಪನಾ ದಿನ ಆಚರಣೆ

1914ರ ಮೇ 9ರಂದು ಅಮೆರಿಕಾದ ರಾಷ್ಟ್ರಪತಿಯಾಗಿದ್ದ ವುಡ್ರೋ ವಿಲ್ಸನ್‌ ಪ್ರತೀ ವರ್ಷ ಮೇ ತಿಂಗಳ ಎರಡನೇ ಭಾನುವಾರದಂದು ವಿಶ್ವ ತಾಯಂದಿರ ದಿನವನ್ನಾಗಿ ಆಚರಿಸಲಾಗುವುದು ಎಂದು ನೂತನ ಕಾನೂನನ್ನು ಜಾರಿಗೊಳಿಸಿದರು. ಆ ಬಳಿಕ ಅಮೆರಿಕಾ, ಭಾರತ ಸೇರಿ ಇದೇ ಕಾನೂನನ್ನು ಅನುಸರಿಸುತ್ತಿದೆ.