Som Pradosh Vrat 2022: ಸೋಮ ಪ್ರದೋಷದಂದು ಆಯುಷ್ಮಾನ್ ಯೋಗ, ಶಿವನ ಈ ಮಂತ್ರಗಳನ್ನು ಪಠಿಸುವುದರಿಂದ ಇಷ್ಟಾರ್ಥ ಸಿದ್ಧಿ

Som Pradosh Vrat: ಹಿಂದೂ ಧರ್ಮದಲ್ಲಿ ಸೋಮವಾರದಂದು ಶಿವನ ವಿಶೇಷ ಆರಾಧನೆಗೆ ವಿಶೇಷ ಮಹತ್ವವಿದೆ. ಪ್ರತಿ ತಿಂಗಳ ತ್ರಯೋದಶಿ ದಿನ ಪ್ರದೋಷ ವ್ರತವನ್ನು ಆಚರಿಸಲಾಗುತ್ತದೆ. 21 ನವೆಂಬರ್ 2022, ಸೋಮವಾರ ಪ್ರದೋಷ ವ್ರತವನ್ನು ಆಚರಿಸಲಾಗುತ್ತದೆ. ಪ್ರದೋಷ ವ್ರತವನ್ನು ಸೋಮವಾರ ಆಚರಿಸುವುದರಿಂದ ಅದನ್ನು ಸೋಮ ಪ್ರದೋಷ ಎಂದು ಕರೆಯುತ್ತಾರೆ. ಇಂದು ಕೊನೆಯ ಕಾರ್ತಿಕ ಸೋಮವಾರದಂದು ಪ್ರದೋಷ ವ್ರತವನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಇದರೊಂದಿಗೆ ಸೋಮ ಪ್ರದೋಷ ವ್ರತದಂದು ಆಯುಷ್ಮಾನ್ ಯೋಗ ಮತ್ತು ಸೌಭಾಗ್ಯ ಯೋಗ ರೂಪುಗೊಂಡಿದ್ದರಿಂದ ಇದರ ಮಹತ್ವ ಇನ್ನಷ್ಟು ಹೆಚ್ಚಿದೆ. 

ಸೋಮ ಪ್ರದೋಷ ವ್ರತ 2022 ಮುಹೂರ್ತ:
ಹಿಂದೂ ಪಂಚಾಂಗದ ಪ್ರಕಾರ, ಕೃಷ್ಣ ಪಕ್ಷದ ತ್ರಯೋದಶಿ ತಿಥಿಯು ಸೋಮವಾರ, ನವೆಂಬರ್ 21 ರಂದು ಬೆಳಿಗ್ಗೆ 10.07 ರಿಂದ ಪ್ರಾರಂಭವಾಗಿ ನವೆಂಬರ್ 22 ರ ಮಂಗಳವಾರ ಬೆಳಿಗ್ಗೆ 08.49 ಕ್ಕೆ ಕೊನೆಗೊಳ್ಳುತ್ತದೆ. ನವೆಂಬರ್ 21 ರಂದು ಸಂಜೆ 05.25 ರಿಂದ ರಾತ್ರಿ 08.06 ರವರೆಗೆ ಸೋಮ ಪ್ರದೋಷ ವ್ರತವನ್ನು ಆರಾಧಿಸಲು ಶುಭ ಸಮಯವಾಗಿರುತ್ತದೆ. ಅದೇ ಸಮಯದಲ್ಲಿ, ಆಯುಷ್ಮಾನ್ ಯೋಗವು ಸೂರ್ಯೋದಯದಿಂದ ರಾತ್ರಿ 09:07 ರವರೆಗೆ ಇರುತ್ತದೆ. ಇದರೊಂದಿಗೆ ಸೌಭಾಗ್ಯ ಯೋಗವು ರಾತ್ರಿ 09.07 ರಿಂದ ನಾಳೆಯವರೆಗೆ ಇರಲಿದೆ.

ಇದನ್ನೂ ಓದಿ- Evening Vastu Tips: ಮುಸ್ಸಂಜೆಯಲ್ಲಿ ಮಾಡುವ ಈ ತಪ್ಪುಗಳಿಂದ ನಾಶವಾಗುತ್ತೆ ಮನೆಯ ಸಂಪತ್ತು

ಸೋಮ ಪ್ರದೋಷ ವ್ರತ- ಇಂದು ಈ ಮಂತ್ರ ಪಠಿಸುವುದರಿಂದ ನಿಮ್ಮೆಲ್ಲ ಆಸೆಗಳೂ ಈಡೇರುತ್ತೆ:
ಸೋಮವಾರ ಮತ್ತು ಪ್ರದೋಷ ವ್ರತಗಳೆರಡೂ ಶಿವನಿಗೆ ಸಮರ್ಪಿತವಾಗಿವೆ. ಇಂತಹ ಪರಿಸ್ಥಿತಿಯಲ್ಲಿ ಈ ದಿನದಂದು ಮಾಡುವ ಪೂಜೆ ಮತ್ತು ಉಪವಾಸವು ಅನೇಕ ಪಟ್ಟು ಹೆಚ್ಚಿನ ಫಲಿತಾಂಶವನ್ನು ನೀಡುತ್ತದೆ. ನಿಯಮ ಮತ್ತು ನಿಬಂಧನೆಗಳ ಪ್ರಕಾರ ಭಗವಾನ್ ಶಿವನನ್ನು ಪೂಜಿಸುವುದರಿಂದ ಪ್ರತಿಯೊಂದು ಆಸೆಯೂ ಈಡೇರುತ್ತದೆ. ಅದಕ್ಕಾಗಿಯೇ ಸೋಮ ಪ್ರದೋಷದ ಸಮಯದಲ್ಲಿ ಸೋಮವಾರ ವ್ರತ ಕಥಾ ಮತ್ತು ಶಿವ ಚಾಲೀಸಾವನ್ನು ಓದಿ. ಇದಲ್ಲದೆ, ಶಿವನ ಕೆಲವು ವಿಶೇಷ ಮಂತ್ರಗಳನ್ನು ಪಠಿಸುವುದರಿಂದ ಬಹಳಷ್ಟು ಪ್ರಯೋಜನಗಳು ಲಭ್ಯವಾಗಲಿವೆ ಎಂದು ಹೇಳಲಾಗುತ್ತದೆ.

ಸೋಮ ಪ್ರದೋಷ ವ್ರತದಲ್ಲಿ ಈ ಶಿವ ಮಂತ್ರಗಳನ್ನು ಪಠಿಸಿ:
ಮಹಾ ಮೃತ್ಯುಂಜಯ ಮಂತ್ರ: 'ಓಂ ತ್ರ್ಯಂಬಕಂ ಯಜಾಮಹೇ ಸುಗಂಧಿ ಪುಷ್ಟಿವರ್ಧನಂ. ಉರ್ವಾರುಕಮಿವ ಬನ್ಧನನಮೃತೋರ್ಮುಕ್ಷೀಯ ಮಾಮೃತಾತ್ । 

ಸೋಮ ಪ್ರದೋಷ ವ್ರತದ ದಿನದಂದು ಮಹಾ ಮೃತ್ಯುಂಜಯ ಮಂತ್ರವನ್ನು ಪಠಿಸುವುದು ಅತ್ಯಂತ ಪರಿಣಾಮಕಾರಿ ಫಲಿತಾಂಶಗಳನ್ನು ನೀಡುತ್ತದೆ. ಇಂದು, ಭಗವಾನ್ ಶಿವನನ್ನು ಪೂಜಿಸಿದ ನಂತರ, ಮಹಾ ಮೃತ್ಯುಂಜಯ ಮಂತ್ರವನ್ನು ಕನಿಷ್ಠ 108 ಬಾರಿ ಜಪಿಸಿ. 

ಇದನ್ನೂ ಓದಿ- Tulsi Dry Leaves Tips: ಒಣ ತುಳಸಿ ಎಲೆಗಳ ಈ ಪರಿಹಾರದಿಂದ ನಿಮ್ಮ ಅದೃಷ್ಟವೇ ಬದಲಾಗುತ್ತೆ

ಶಿವ ಗಾಯತ್ರಿ ಮಂತ್ರ:  'ಓಂ ತತ್ಪುರುಷಾಯ ವಿದ್ಮಹೇ ಮಹಾದೇವಾಯ ಧೀಮಹಿ. ತನ್ನೋ ರುದ್ರ: ಪ್ರಚೋದಯಾತ್!'

ಶಿವ ಗಾಯತ್ರಿ ಮಂತ್ರವು ಶಿವನಿಗೆ ಸಮರ್ಪಿತವಾದ ಅತ್ಯಂತ ಪರಿಣಾಮಕಾರಿ ಮಂತ್ರವಾಗಿದೆ. ಈ ಮಂತ್ರವನ್ನು ಪ್ರದೋಷ ವ್ರತದ ದಿನದಂದು ಮಾತ್ರವಲ್ಲದೆ ಪ್ರತಿದಿನವೂ ಜಪಿಸಬೇಕು. ಇದು ಶಿವನ ಅಪಾರವಾದ ಅನುಗ್ರಹವನ್ನು ನೀಡುತ್ತದೆ ಮತ್ತು ಎಲ್ಲಾ ತೊಂದರೆಗಳು ದೂರವಾಗುತ್ತವೆ.