Thursday Remedies: ಶ್ರೀಮಂತರಾಗಲು ಗುರುವಾರದಂದು ಪೊರಕೆಗೆ ಸಂಬಂಧಿಸಿದ ಈ ತಂತ್ರವನ್ನು ಅನುಸರಿಸಿ

Thursday Remedies: ಗುರುವಾರ ಯಾವುದೇ ರೀತಿಯ ಮಂಗಳಕರ ಕೆಲಸಗಳಿಗೆ ಉತ್ತಮವೆಂದು ಪರಿಗಣಿಸಲಾಗಿದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಈ ದಿನ ವಿಷ್ಣುವಿನ ಜೊತೆಗೆ ಲಕ್ಷ್ಮಿ ದೇವಿಯನ್ನು ಪೂಜಿಸುವ ಆಚರಣೆಯೂ ಇದೆ. ಈ ದಿನ ಲಕ್ಷ್ಮಿ ದೇವಿಯನ್ನು ಪೂಜಿಸುವುದರಿಂದ ಲಕ್ಷ್ಮಿ-ನಾರಾಯಣನ ಅನುಗ್ರಹ ದೊರೆಯುತ್ತದೆ.

Thursday Remedies

Thursday Remedies: ಹಿಂದೂ ಧರ್ಮದಲ್ಲಿ ಗುರುವಾರಕ್ಕೆ ವಿಶೇಷ ಮಹತ್ವವಿದೆ. ಯಾವುದೇ ರೀತಿಯ ಶುಭ ಕಾರ್ಯಗಳಿಗೆ ಗುರುವಾರ ಬಹಳ ವಿಶೇಷ ಎಂದು ಹೇಳಲಾಗುತ್ತದೆ. ಈ ದಿನದಂದು, ನಿಯಮಾನುಸಾರ ಭಗವಾನ್ ವಿಷ್ಣುವನ್ನು  ಪೂಜಿಸುವುದರಿಂದ, ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿ ನೆಲೆಸುತ್ತದೆ. ಅಲ್ಲದೆ, ಈ ದಿನ ಶ್ರೀ ಹರಿಯೊಂದಿಗೆ ತಾಯಿ ಲಕ್ಷ್ಮಿಯನ್ನು ಪೂಜಿಸಿದರೆ, ಸಂಪತ್ತಿನ ಅಧಿದೇವತೆಯಾದ ಲಕ್ಷ್ಮಿಯ ಅನುಗ್ರಹವು ಜೀವನದುದ್ದಕ್ಕೂ ಇರುತ್ತದೆ ಎಂಬ ನಂಬಿಕೆಯೂ ಇದೆ. ನೀವು ಶ್ರೀಮಂತರಾಗಲು ಬಯಸಿದರೆ ಅಥವಾ ನಿಮ್ಮ ಅದೃಷ್ಟವನ್ನು ಬೆಳಗಿಸಲು ಬಯಸಿದರೆ, ಗುರುವಾರ ಪೊರಕೆಗೆ ಸಂಬಂಧಿಸಿದ ಕೆಲವು ಕ್ರಮಗಳನ್ನು ಕೈಗೊಳ್ಳುವುದು ತುಂಬಾ ಪರಿಣಾಮಕಾರಿ ಎಂದು ಸಾಬೀತುಪಡಿಸಬಹುದು. 

ಗುರುವಾರದಂದು ಪೊರಕೆಗೆ ಸಂಬಂಧಿಸಿದ ಈ ವಿಶೇಷ ಕ್ರಮಗಳನ್ನು ಕೈಗೊಳ್ಳುವುದರಿಂದ ತುಂಬಾ ಶುಭ:
- ಭಗವಾನ್ ವಿಷ್ಣುವಿನ ಜೊತೆಯಲ್ಲಿ ಲಕ್ಷ್ಮಿ ದೇವಿಯ ಆರಾಧನೆಗೆ ಗುರುವಾರ ಬಹಳ ವಿಶೇಷವೆಂದು ಪರಿಗಣಿಸಲಾಗಿದೆ. ಶಾಸ್ತ್ರಗಳ ಪ್ರಕಾರ, ಲಕ್ಷ್ಮಿ ದೇವಿಯು ಭಗವಾನ್ ವಿಷ್ಣುವಿನ ಪತ್ನಿ ಮತ್ತು ಈ ದಿನ ಅಷ್ಟಧಾತುವಿನ ವಿಗ್ರಹವನ್ನು ಪ್ರತಿಷ್ಠಾಪಿಸಿ ಇಬ್ಬರನ್ನೂ ಪೂಜಿಸುವುದು ಮನೆಯಲ್ಲಿ ಸಂತೋಷ ಮತ್ತು ಸಮೃದ್ಧಿಯನ್ನು ತರುತ್ತದೆ. ಈ ದಿನ ಹೊಸ ಪೊರಕೆಯಿಂದ ಮನೆಯನ್ನು ಸ್ವಚ್ಛಗೊಳಿಸಿದರೆ ಮನೆಯಲ್ಲಿ ಧನಾತ್ಮಕ ಶಕ್ತಿ ನೆಲೆಸುತ್ತದೆ. 

- ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಈ ದಿನದಂದು ದೇವಸ್ಥಾನದಲ್ಲಿ ಹೊಸ ಪೊರಕೆಯನ್ನು ದಾನ ಮಾಡುವುದರಿಂದ ಲಕ್ಷ್ಮಿ ದೇವಿಗೆ ಸಂತೋಷವಾಗುತ್ತದೆ ಮತ್ತು ವ್ಯಕ್ತಿಯ ಪ್ರಗತಿಗೆ ದಾರಿ ತೆರೆಯುತ್ತದೆ. 

ಇದನ್ನೂ ಓದಿ- Vastu Shastra: ಮನೆಯ ದಕ್ಷಿಣ ದಿಕ್ಕಿನಲ್ಲಿ ಈ ವಸ್ತುಗಳನ್ನು ಇಡುವುದರಿಂದ ಬಡತನವನ್ನು ಆಹ್ವಾನಿಸಿದಂತೆ, ಎಚ್ಚರ!

- ಮನೆಯಲ್ಲಿ ಹಣಕ್ಕೆ ಕೊರತೆ ಆಗಬಾರದು ಎಂದಾದರೆ ಈ ದಿನ ಹೊಸ ಪೊರಕೆಯನ್ನು ತಂದರೆ ಮನೆಯಲ್ಲಿ ಧನ ವೃದ್ಧಿಯಾಗುತ್ತದೆ. ಆದರೆ, ನೆನಪಿಡಿ, ಪೊರಕೆಯನ್ನು ಬೇರೆಯವರಿಗೆ ಕಾಣುವಂತೆ ಇಡಬಾರದು. ಅದನ್ನು ಮನೆಯ ಯಾವುದೋ ಮೂಲೆಯಲ್ಲಿ ಬಚ್ಚಿಡಬೇಕು.

- ಗುರುವಾರದಂದು ಹೊಸ ಪೊರಕೆಯಿಂದ ಶುಚಿಗೊಳಿಸಿ ಮನೆಯನ್ನು ಸ್ವಚ್ಛಗೊಳಿಸುವುದರಿಂದ ತಾಯಿ ಲಕ್ಷ್ಮಿ ಪ್ರಸನ್ನಳಾಗುತ್ತಾಳೆ. ಹೀಗೆ ಮಾಡುವುದರಿಂದ ಮನೆಗೆ ಬಡತನ ಬರುವುದಿಲ್ಲ ಎಂಬ ನಂಬಿಕೆಯಿದೆ.

- ಮನೆಯಲ್ಲಿ ಯಾರಾದರೂ ಅನಾರೋಗ್ಯದಿಂದ ಬಳಲುತ್ತಿದ್ದರೆ, ಗುರುವಾರ ಬೆಳಿಗ್ಗೆ ಎದ್ದು ಇಡೀ ಮನೆಯನ್ನು ಗುಡಿಸಿ. ಇದಾದ ನಂತರ ಎಲ್ಲಾ ಕೋಣೆಗಳಲ್ಲಿ ಗಂಗಾಜಲವನ್ನು ಸಿಂಪಡಿಸಿ. ಇದರಿಂದ ಮನೆಯಲ್ಲಿ ಧನಾತ್ಮಕ ಶಕ್ತಿ ಬೆಳೆಯುತ್ತದೆ. ಹೀಗೆ ಮಾಡುವುದರಿಂದ ರೋಗಿಗೆ ಲಾಭವಾಗುತ್ತದೆ. 

- ನೀವು ಬಡತನವನ್ನು ತೊಡೆದುಹಾಕಲು ಬಯಸಿದರೆ, ಗುರುವಾರದಂದು ಬ್ರಾಹ್ಮಣನಿಗೆ ಮೂರು ಹೊಸ ಪೊರಕೆಗಳನ್ನು ದಾನ ಮಾಡಿ. ಇದರಿಂದ ಹಣದ ಕೊರತೆ ದೂರವಾಗುತ್ತದೆ. 

ಇದನ್ನೂ ಓದಿ- Astro Tips : ಸಕ್ಕರೆಯ ಈ ಸರಳ ಪರಿಹಾರದಿಂದ ನಿಮ್ಮ ಅದೃಷ್ಟದ ಹಾದಿ ತೆರೆಯುತ್ತದೆ

- ನಿಮ್ಮ ಬಳಿ ಹಣವಿಲ್ಲದಿದ್ದರೆ ಅಥವಾ ಎಷ್ಟು ಸಂಪಾದಿಸಿದರೂ ಸಹ ಹಣ ಕೈಯಲ್ಲಿ ನಿಲ್ಲುತ್ತಿಲ್ಲ ಎಂದಾದರೆ ಗುರುವಾರ ಹೊಸ ಪೊರಕೆ ಖರೀದಿಸಿ, ಅದನ್ನು ಕೆಂಪು ರೇಷ್ಮೆ ಬಟ್ಟೆಯಲ್ಲಿ ಸುತ್ತಿ ಮತ್ತು ಅದನ್ನು ಮನೆಯಲ್ಲಿ ಎಲ್ಲಿಯಾದರೂ ಮರೆಮಾಡಿ. ಹೀಗೆ ಮಾಡುವುದರಿಂದ ವ್ಯಕ್ತಿಯ ಸಂಪತ್ತು ಹೆಚ್ಚುತ್ತದೆ. 

- ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಗುರುವಾರದಂದು ಚಿಕ್ಕ ಚಿನ್ನದ ಪೊರಕೆಯನ್ನು ತಯಾರಿಸಿ ಅದನ್ನು ಕಮಾನಿನಲ್ಲಿಟ್ಟರೆ ಇದರಿಂದ ತಾಯಿ ಲಕ್ಷ್ಮಿ ಆಕರ್ಷಿತಳಾಗಿ ಧನ ವೃದ್ಧಿಯಾಗುತ್ತದೆ. 

- ನಿಮ್ಮ ಯಾವುದೇ ಇಷ್ಟಾರ್ಥಗಳು ಈಡೇರದಿದ್ದರೆ, ವಿಷ್ಣುವಿನ ಯಾವುದೇ ದೇವಾಲಯದಲ್ಲಿ ಪೊರಕೆ ಮತ್ತು ಹಳದಿ ಬಣ್ಣದ ಧಾನ್ಯಗಳನ್ನು ದಾನ ಮಾಡಿ. ಇದು ನಿಮ್ಮ ಎಲ್ಲಾ ಆಸೆಗಳನ್ನು ಈಡೇರಿಸುತ್ತದೆ.

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಧಾರ್ಮಿಕ ನಂಬಿಕೆಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ZEE ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.