ಮನುಷ್ಯನಿಗೆ ನಿದ್ರೆ ಏಕೆ ಬೇಕು, ಯಾವ ಸಮಯದಲ್ಲಿ ಮಲಗುವುದು ಉತ್ತಮ..! ತಪ್ಪದೇ ತಿಳಿಯಿರಿ

Sleeping Timings : ಆಧುನಿಕ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಜೀವನ ಶೈಲಿ ಸಂಪೂರ್ಣವಾಗಿ ಬದಲಾಗಿದೆ. ಯಾವಾಗ ತಿನ್ನಬೇಕು, ಯಾವಾಗ ಮಲಗಬೇಕು ಎಂದು ತಿಳಿಯುವುದಿಲ್ಲ. ಇದು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಿದೆ. ಬನ್ನಿ ಇಂದು ಆರೋಗ್ಯವಾಗಿರಲು ಏನು ಮಾಡಬೇಕು, ಯಾವಾಗ ನಿದ್ದೆ ಮಾಡಬೇಕು ಮತ್ತು ಬೇಗ ಮಲಗುವುದರಿಂದ ಆಗುವ ಪ್ರಯೋಜನಗಳನ್ನು ತಿಳಿಯೋಣ.

ಹೌದು.. ಪ್ರತಿಯೊಬ್ಬ ಮನುಷ್ಯ ಆರೋಗ್ಯವಾಗಿರಲು ಸಾಕಷ್ಟು ನಿದ್ರೆ ಮಾಡುವುದು ಅತ್ಯಗತ್ಯ. ರಾತ್ರಿ ಬೇಗ ಮಲಗಿ ಬೆಳಗ್ಗೆ ಬೇಗ ಏಳುವುದರಿಂದ ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳಿವೆ. ಅದಕ್ಕೇ ಬೇಗ ಮಲಗು, ಬೇಗ ಏಳಬೇಕು ಎನ್ನುತ್ತಾರೆ ಹಿರಿಯರು. ದುರದೃಷ್ಟವಶಾತ್, ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ, ಒಬ್ಬ ವ್ಯಕ್ತಿಯು ಯಾವಾಗ ಮಲಗಬೇಕು ಮತ್ತು ಯಾವಾಗ ತಿನ್ನಬೇಕು ಎಂದು ತಿಳಿದಿಲ್ಲ. 

ಇದನ್ನೂ ಓದಿ: ಕೊಬ್ಬೂ ಕರಗುವುದು, ಹೊಟ್ಟೆಯೂ ಕಡಿಮೆಯಾಗುವುದು ! ತುಂಬಾ ಸಿಂಪಲ್ ಟಿಪ್ಸ್ -ಒಮ್ಮೆ ಹೀಗೆ ಮಾಡಿ ನೋಡಿ

ಆಯಾಸವನ್ನು ಹೋಗಲಾಡಿಸಿ ದೇಹಕ್ಕೆ ಉಲ್ಲಾಸ ನೀಡುವ ಏಕೈಕ ವಿಷಯವೆಂದರೆ ನಿದ್ರೆ. ಆದ್ದರಿಂದ ಯಾವಾಗ ಮಲಗಬೇಕು ಮತ್ತು ಯಾವಾಗ ಎದ್ದೇಳಬೇಕು ಎಂದು ತಿಳಿದಿರಬೇಕು. ಪ್ರತಿ ವ್ಯಕ್ತಿಗೆ ದಿನಕ್ಕೆ 7-8 ಗಂಟೆಗಳ ನಿದ್ದೆ ಬೇಕು. ಅದಕ್ಕೇ ರಾತ್ರಿ 10 ಗಂಟೆಗೆ ಮಲಗಬೇಕು. ಬೆಳಿಗ್ಗೆ 6 ಗಂಟೆಗೆ ಎದ್ದೇಳು. ಇದು ಆರೋಗ್ಯಕ್ಕೆ ಒಳ್ಳೆಯ ಅಭ್ಯಾಸ. ಈ ನಿದ್ರೆಯು ವಯಸ್ಸಿನೊಂದಿಗೆ ಬದಲಾಗುತ್ತದೆ. 3-12 ತಿಂಗಳ ವಯಸ್ಸಿನ ಶಿಶುಗಳಿಗೆ ದಿನಕ್ಕೆ 12-16 ಗಂಟೆಗಳ ನಿದ್ದೆ ಬೇಕು. ಅದೇ 1-5 ವರ್ಷದ ಮಕ್ಕಳಿಗೆ 10-13 ಗಂಟೆಗಳ ನಿದ್ದೆ ಬೇಕು. 9-18 ವರ್ಷ ವಯಸ್ಸಿನವರಿಗೆ 8-10 ಗಂಟೆಗಳ ನಿದ್ದೆ ಬೇಕು. 18-60 ವರ್ಷ ವಯಸ್ಸಿನವರಿಗೆ ದಿನಕ್ಕೆ 7-8 ಗಂಟೆಗಳ ನಿದ್ದೆ ಬೇಕು.

ಹಗಲಿನಲ್ಲಿ ಮಲಗುವುದು ರಾತ್ರಿಯ ನಿದ್ದೆಗೆ ಒಳ್ಳೆಯದಲ್ಲ. ನೀವು ದಣಿದಿದ್ದರೆ ಮತ್ತು ಮಲಗಲು ಬಯಸಿದರೆ, ಮಧ್ಯಾಹ್ನ ಅರ್ಧ ಗಂಟೆ ನಿದ್ರೆ ಮಾಡಿ. ಪ್ರತಿದಿನ ಸಾಕಷ್ಟು ನಿದ್ದೆ ಮಾಡದಿದ್ದರೆ ಕಿರಿಕಿರಿ, ಮರೆವು, ಖಿನ್ನತೆಯಂತಹ ಹಲವು ಸಮಸ್ಯೆಗಳು ಎದುರಾಗುತ್ತವೆ. ಮಧುಮೇಹ, ಬೊಜ್ಜು, ಅಧಿಕ ರಕ್ತದೊತ್ತಡ, ಹೃದ್ರೋಗಗಳು ನಿದ್ರೆಯ ಕೊರತೆಯಿಂದ ಉಂಟಾಗುತ್ತವೆ.