Gandhada Gudi : ಕರುನಾಡ ಕಂದನಿಗೆ ಮಿಡಿದ ಅನಿವಾಸಿ ಭಾರತೀಯರ ಮನ! ವಿಶ್ವಾದ್ಯಂತ ಗಂಧದ ಗುಡಿ ಘಮಲು

Gandhada Gudi : ಕರ್ನಾಟಕದ ಯುವರತ್ನ ಪುನೀತ್ ರಾಜ್‌ ಕುಮಾರ್ ಅಭಿನಯದ ಗಂಧದ ಗುಡಿ ರಿಲೀಸ್ ಆಗಿದೆ. ಅಭಿಮಾನಿಗಳು ಅಪ್ಪು ಹಬ್ಬವನ್ನು ಆಚರಿಸುತ್ತಿದ್ದಾರೆ. ತಮ್ಮ ನೆಚ್ಚಿನ ನಟನ ಕೊನೆಯ ಸಿನಿಮಾವನ್ನು ಕಂಡು ಭಾವುಕರಾಗುತ್ತಿದ್ದಾರೆ. ಇಂದು ಭಾರತ ಮಾತ್ರವಲ್ಲ ವಿದೇಶದ ಬೇರೆ ಬೇರೆ ಕಡೆಗಳಲ್ಲಿಯೂ ರಿಲೀಸ್ ಆಗಿದೆ ಈ ಸಿನಿಮಾ. ಅಮೆರಿಕಾದಂತಹ ದೇಶದಲ್ಲಿ ನಿನ್ನೆ (ಅ 27) ರಂದು ಗಂಧದ ಗುಡಿ ತೆರೆ ಕಂಡಿದೆ. ಸಿಂಗಪೂರ್ ನಲ್ಲಿ ಇಂದು (ಅ 28) ರಂದು ಗಂಧದ ಗುಡಿ ಬೆಳ್ಳಿತೆರೆ ಮೇಲೆ ಬಿಡುಗಡೆಯಾಗಿದೆ. ಯುಎಇ ಯಲ್ಲಿ ಈ ಚಿತ್ರ ಅನೇಕ ಚಿತ್ರಮಂದಿರಗಳಲ್ಲಿ ರಿಲೀಸ್‌ ಆಗುತ್ತಿದ್ದು, ದೊಡ್ಡ ಲಿಸ್ಟೇ ಇದೆ.  ಗಂಧದ ಗುಡಿ ಪವರ್‌ ಸ್ಟಾರ್ ಅಭಿನಯದ ಕೊನೆಯ ಸಿನಿಮಾ. ‌ 

ಇದನ್ನೂ ಓದಿ : Gandhada Gudi : "ಇಲ್ಲಿ ಪ್ರಕೃತಿಯೇ ದೇವರಲ್ಲ, ದೇವರೊಂದಿಗೆ ಪ್ರಕೃತಿ" ಎಂದ ನೆಟ್ಟಿಜನ್ಸ್‌

ಅಮೆರಿಕದಲ್ಲಿ ಗಂಧದ ಗುಡಿಯ ಕಂಪು : 

ನಟ ಪುನೀತ್ ರಾಜಕುಮಾರ್ ಅಭಿನಯದ ಗಂಧದ ಗುಡಿ ಸಿನಿಮಾ ಅಮೆರಿಕದಲ್ಲಿ ತೆರೆ ಕಂಡಿದೆ. ನಿನ್ನೆಯೇ ಸಿನಿಮಾ ರಿಲೀಸ್‌ ಆಗಿದ್ದು, ಅನಿವಾಸಿ ಭಾರತೀಯರು ಅಪ್ಪುವನ್ನು ಕಂಡು ಸಂತಸರಾಗಿದ್ದಾರೆ. ಕ್ಯಾಲಿಪೋರ್ನಿಯಾ, ಆರಿಜೋನಾ, ಪ್ಲೋರಿಡಾ, ನ್ಯೂಯಾರ್ಕ್, ಟೆಕ್ಸಾಸ್, ನ್ಯೂ ಜರ್ಸಿ ಸೇರಿದಂತೆ ಅಮೆರಿಕದ ಪ್ರಮುಖ ನಗರಗಳಲ್ಲಿ ಗಂಧದ ಗುಡಿ ರಿಲೀಸ್ ಆಗಿದೆ.