NRI News: 100,000 ವಿಸಾ ನೇಮಕಾತಿಗಳಿಗಾಗಿ ಸ್ಲಾಟ್ ಗಳನ್ನು ತೆರೆಯಲು ಮುಂದಾದ ಯುನೈಟೆಡ್ ಸ್ಟೇಟ್ಸ್, ನವೆಂಬರ್ ನಲ್ಲಿ ಸಂದರ್ಶನಗಳ ಪುನಾರಂಭ

NRI News: ಭಾರತದಲ್ಲಿನ ಯುಎಸ್ ರಾಯಭಾರ ಕಚೇರಿ ಮತ್ತು ಕಾನ್ಸುಲೇಟ್‌ಗಳು ನವೆಂಬರ್ ಮಧ್ಯದಿಂದ ವಿದ್ಯಾರ್ಥಿ ವೀಸಾಗಳಿಗಾಗಿ ಸಂದರ್ಶನಗಳನ್ನು ಆರಂಭಿಸಲಿವೆ ಎಂದು ಯುಎಸ್ ರಾಯಭಾರ ಕಚೇರಿ ಕಾನ್ಸುಲರ್ ವ್ಯವಹಾರಗಳ ಸಚಿವ ಡಾನ್ ಹೆಫ್ಲಿನ್ ತಿಳಿಸಿದ್ದಾರೆ.

ಯುನೈಟೆಡ್ ಸ್ಟೇಟ್ಸ್ ಮುಂದಿನ ಕೆಲವು ವಾರಗಳಲ್ಲಿ H ಮತ್ತು L ವರ್ಕರ್ ವೀಸಾಗಳಿಗಾಗಿ ಅದರಲ್ಲಿಯೂ ವಿಶೇಷವಾಗಿ ಡ್ರಾಪ್ ಬಾಕ್ಸ್ ಪ್ರಕರಣಗಳಿಗಾಗಿ 100,000 ಸ್ಲಾಟ್‌ಗಳನ್ನು ತೆರೆಯಲಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ. ಮೊಟ್ಟಮೊದಲ ಬಾರಿಗೆ ಅರ್ಜಿ ಸಲ್ಲಿಸುವವರಿಗೆ ಇದು ವಿಶೇಷವಾಗಿರಲಿದೆ.

ಈ ಕುರಿತು ಮಾಹಿತಿ ನೀಡಿರುವ ಅವರು, "ಕೋವಿಡ್ ಆರಂಭವಾದಾಗಿನಿಂದ ತಮ್ಮ ಕುಟುಂಬಗಳನ್ನು ಭೇಟಿ ಮಾಡಲು ಮನೆಗೆ ಹಿಂತಿರುಗಲು ಸಾಧ್ಯವಾಗದ H ಅಥವಾ L ವೀಸಾ ಹೊಂದಿರುವ ಅನೇಕ ಜನರು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಇದ್ದಾರೆ, ನಾವು ಅವರ ಪರ ಸಹಾನುಭೂತಿ ಹೊಂದಿದ್ದೇವೆ" ಎಂದಿದ್ದಾರೆ.

ವಿದ್ಯಾರ್ಥಿಗಳಿಗಾಗಿ, ರಾಯಭಾರ ಕಚೇರಿಯು ನವೆಂಬರ್ ಮಧ್ಯಾವಧಿಯಿಂದ ಡಿಸೆಂಬರ್ ಅಂತ್ಯದವರೆಗೆ ಸಂದರ್ಶನಗಳನ್ನು ನಡೆಸಲಿದೆ. ಅಪಾಯಿಂಟ್‌ಮೆಂಟ್ ಸ್ಲಾಟ್‌ಗಳ ಮೊದಲಾರ್ಧವು ಅಕ್ಟೋಬರ್ ಮಧ್ಯದಲ್ಲಿ ಮತ್ತು ಉಳಿದವುಗಳು ನವೆಂಬರ್ ಮಧ್ಯದಲ್ಲಿ ತೆರೆದುಕೊಳ್ಳಲಿವೆ. F ವಿಸಾಗಳು, M,J ವಿಸಾ ಅರ್ಜಿಗಳಿಗೆ ಮೊದಲು ಆದ್ಯತೆ ನೀಡಲಾಗುವುದು ಎಂದು ಈಗಾಗಲೇ ಘೋಷಿಸಲಾಗಿದೆ ಎಂಬುದು ಇಲ್ಲಿ ಉಲ್ಲೇಖನೀಯ.

ಇದನ್ನೂ ಓದಿ-NRI News: ಅಮೇರಿಕಾದಲ್ಲಿ ಹೆಚ್-1ಬಿ ವಿಸಾಗಳ ಸ್ಟಾಂಪಿಂಗ್ ಗೆ ಶಿಫಾರಸು ಮಾಡಿದ ಅಧ್ಯಕ್ಷೀಯ ಆಯೋಗ

ಇನ್ನೊಂದೆಡೆ, ರಾಯಭಾರ ಕಛೇರಿಯಲ್ಲಿರುವ ಬ್ಯಾಕ್ ಲಾಗ್ ಹುದ್ದೆಗಳ ಕುರಿತು ಮಾತನಾಡಿರುವ ಹೆಪ್ಲಿನ್, "ಮುಂದಿನ ವರ್ಷದ ಈ ಅವಧಿಯ ವೇಳೆಗೆ ನಾವು ಶೇ.100 ರಷ್ಟು ಸಿಬ್ಬಂದಿಯನ್ನು ಹೊಂದಲು ಸಾಧ್ಯವಾಗಲಿದೆ ಮತ್ತು ಇದರಿಂದ ರಾಯಭಾರ ಕಛೇರಿಗಳು ಮತ್ತು ದೂತಾವಾಸಗಳು 2023ರ ವೇಳೆಗೆ ಎಂದಿಗಿಂತಲೂ ಹೆಚ್ಚಿನ ವಿಸಾಗಳನ್ನು ಪ್ರಕ್ರಿಯೆಗೊಳಿಸಲು ಸಾಧ್ಯವಾಗಲಿದೆ" ಎಂದು ಹೇಳಿದ್ದಾರೆ.

ಇದನ್ನೂ ನೋಡಿ-