ಒಮ್ಮೆ ಚಾರ್ಜ್‌ ಮಾಡಿದ್ರೆ 195KM ಗ್ಯಾರಂಟಿ!; ಭಾರತದ ಟಾಪ್ 5 ಎಲೆಕ್ಟ್ರಿಕ್‌ ಸ್ಕೂಟರ್‌ಗಳು
Ola S1 Pro ಎಲೆಕ್ಟ್ರಿಕ್‌ ಸ್ಕೂಟರ್ ಪ್ರಸ್ತುತ ಭಾರತದಲ್ಲಿ ಅತ್ಯಧಿಕ ರೈಡಿಂಗ್ ಶ್ರೇಣಿಯನ್ನು ನೀಡುತ್ತದೆ. ಈ ಸ್ಕೂಟರ್ ಒಂದು ಬಾರಿ ಪೂರ್ಣ ಚಾರ್ಜ್‌ ಮಾಡಿದ್ರೆ ಸಾಕು 195 ಕಿಮೀ ಕ್ರಮಿಸುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 120 ಕಿಮೀ. Ola S1 Pro ಎಕ್ಸ್ ಶೋರೂಂ ಬೆಲೆ 1.32 ಲಕ್ಷ ರೂ. ಇದೆ. ನ್ಯಾವಿಗೇಷನ್‌, TFT ಡ್ಯಾಶ್‌, ಮ್ಯೂಸಿಕ್‌ ಸ್ಪೀಕರ್‌ಗಳು ಮತ್ತು ಇತರ ಹಲವಾರು ವೈಶಿಷ್ಟ್ಯಗಳೊಂದಿಗೆ ಇದು ಗ್ರಾಹಕರ ಗಮನ ಸೆಳೆದಿದೆ.
ಓಕಿನಾವಾ ಬ್ರ್ಯಾಂಡ್‌ ಭಾರತೀಯ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನಗಳಲ್ಲಿ ಅತಿಹೆಚ್ಚು ಮಾರಾಟವಾಗುತ್ತಿರುವ ಇ-ಸ್ಕೂಟರ್‌ಗಳಲ್ಲಿ ಒಂದಾಗಿದೆ. ಈ ಕಂಪನಿಯ ಎಲೆಕ್ಟ್ರಿಕ್‌ ಸ್ಕೂಟರ್ Okhi-90 160ಕಿಮೀವರೆಗೆ ಸವಾರಿ ಶ್ರೇಣಿಯನ್ನು ನೀಡುತ್ತದೆ. ವಾಹನದ ಗರಿಷ್ಠ ವೇಗ ಗಂಟೆಗೆ 90 ಕೀಮೀ ಇದೆ. ಇದರ ಎಕ್ಸ್ ಶೋರೂಂ ಬೆಲೆ 1.86 ಲಕ್ಷ ರೂ. ಇದೆ. Okhi-90 ಮಾದರಿಯು 16 ಇಂಚಿನ ಚಕ್ರಗಳೊಂದಿಗೆ ಬರುತ್ತದೆ. ಇದು ಕಂಪನಿಯ ಶ್ರೇಣಿಯಲ್ಲಿನ ಪ್ರಮಾಣಿತ ವೈಶಿಷ್ಟ್ಯವಾಗಿದೆ.
ಒಕಾಯಾ ಕಂಪನಿಯು ಭಾರತೀಯ ಎಲೆಕ್ಟ್ರಿಕ್‌ ಸ್ಕೂಟರ್ ಬ್ರಾಂಡ್ ಆಗಿದೆ. ಈ ಕಂಪನಿಯಿಂದ ಮಾರುಕಟ್ಟೆಗೆ ಬಂದಿರುವ ಒಕಾಯಾ ಫಾಸ್ಟ್ ಮಾದರಿಯು ಗ್ರಾಹಕರನ್ನು ಸೆಳೆಯುತ್ತಿದೆ. ಇದರ ಎಕ್ಸ್ ಶೋರೂಂ ಬೆಲೆ 1.44 ಲಕ್ಷ ರೂ. ಇದೆ. ಈ ವಾಹನವು ಗಂಟೆಗೆ 70 ಕಿಮೀ ಗರಿಷ್ಠ ವೇಗ ಮತ್ತು 160 ಕಿಮೀ ರೈಡಿಂಗ್ ಶ್ರೇಣಿಯನ್ನು ಹೊಂದಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಬೆಂಗಳೂರು ಮೂಲದ ಭಾರತೀಯ ಎಲೆಕ್ಟ್ರಿಕ್‌ ದ್ವಿಚಕ್ರ ವಾಹನ ಬ್ರ್ಯಾಂಡ್‌ Ather ಎನರ್ಜಿ ಮಾರುಕಟ್ಟೆಗೆ ವಿವಿಧ ಇ-ಸ್ಕೂಟರ್‌ಗಳನ್ನು ಪರಿಚಯಿಸಿದೆ. ಈ ಪೈಕಿ Ather Rizta 159KM ರೈಡಿಂಗ್ ಶ್ರೇಣಿಯನ್ನು ನೀಡುತ್ತದೆ. ಇದರ ಎಕ್ಸ್ ಶೋರೂಂ ಬೆಲೆ 1.11 ಲಕ್ಷ ರೂ. ಇದೆ. ದಿನಸಿ & ಇತರ ಅಗತ್ಯ ವಸ್ತು ಸಾಗಿಲು ಇದು ಉತ್ತಮ ಬೂಟ್‌ಸ್ಪೇಸ್‌ ಸಹ ಹೊಂದಿದೆ.
ಈಥರ್ 450 ಅಪೆಕ್ಸ್ ಎಲೆಕ್ಟ್ರಿಕ್‌ ಸ್ಕೂಟರ್ ಕಂಪನಿಯ 450 ಸರಣಿಯ ಉನ್ನತಮಟ್ಟದ ಆವೃತ್ತಿಯಾಗಿದೆ. ಇದು 157km ರೈಡಿಂಗ್ ಶ್ರೇಣಿ, 100kmph ಗರಿಷ್ಠ ವೇಗ ಮತ್ತು ಇತರ ಹಲವಾರು ಉತ್ತಮ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಈ ಸ್ಕೂಟರ್‌ನ ಬೆಲೆ 1.96 ಲಕ್ಷ (ಎಕ್ಸ್ ಶೋರೂಂ) ರೂ. ಇದೆ.