3 ಓವರ್‌ಗೆ ಶತಕ ಬಾರಿಸಿದ ದಾಂಡಿಗ..! ಟೆಸ್ಟ್‌ ಬಿಟ್ರೆ ಬೇರಾವ ಸ್ವರೂಪವನ್ನೂ ಆಡದ ಈತ ಬೌಲರ್‌ಗಳ ಪಾಲಿಗೆ ಸಿಂಹಸ್ವಪ್ನ... 2 ಕೋಟಿಗೆ ಮಾರಾಟವಾಗ್ತಿದೆ ಈತ ಧರಿಸಿದ ಟೋಪಿ

ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮಾಜಿ ದಿಗ್ಗಜ ಬ್ಯಾಟ್ಸ್‌ಮನ್ ಡಾನ್ ಬ್ರಾಡ್‌ಮನ್ ಹೆಸರು ಯಾರಿಗೆ ಗೊತ್ತಿಲ್ಲ? ಕ್ರಿಕೆಟ್‌ನಲ್ಲಿ ಆಸಕ್ತಿ ಹೊಂದಿರುವ ಪ್ರತಿಯೊಬ್ಬ ಕ್ರೀಡಾ ಪ್ರೇಮಿಗೂ ಈ ಹೆಸರು ತಿಳಿದಿರುತ್ತದೆ. ಈಗ ಡಾನ್ ಬ್ರಾಡ್ಮನ್ ಆಟ ನೋಡಲು ಸಾಧ್ಯವಿಲ್ಲದಿದ್ದರೂ ಸಹ. ಕ್ರಿಕೆಟ್ ಜಗತ್ತಿನಲ್ಲಿ ಡಾನ್ ಬ್ರಾಡ್ಮನ್ ನಿರ್ಮಿಸಿದ ದಾಖಲೆಗಳನ್ನು ಇಲ್ಲಿಯವರೆಗೆ ಯಾವುದೇ ಬ್ಯಾಟ್ಸ್‌ಮನ್ ಮುರಿದಿಲ್ಲ. ಅದಕ್ಕಾಗಿಯೇ ದಶಕಗಳ ನಂತರವೂ ಡಾನ್ ಬ್ರಾಡ್ಮನ್ ಅವರ ಹೆಸರನ್ನು ಕ್ರಿಕೆಟ್‌ನ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು ಎಂದು ಎಣಿಸಲಾಗುತ್ತಿದೆ.

ಡಾನ್ ಬ್ರಾಡ್ಮನ್ ಅಂತರಾಷ್ಟ್ರೀಯ ಕ್ರಿಕೆಟ್ ನಲ್ಲಿ 99 ರ ಸರಾಸರಿಯಲ್ಲಿ ರನ್ ಗಳಿಸಿದ್ದಾರೆ. ಅವರ ಕ್ರಿಕೆಟ್ ವೃತ್ತಿಜೀವನವು 1928-1948 ರವರೆಗೆ ನಡೆದಿತ್ತು. ಆದರೆ ದಶಕಗಳ ನಂತರವೂ ಈ ದಾಖಲೆಯನ್ನು ಮುರಿಯಲು ಯಾವುದೇ ಬ್ಯಾಟ್ಸ್‌ಮನ್‌ಗೆ ಸಾಧ್ಯವಾಗಿಲ್ಲ. ಅಂದಹಾಗೆ ಡಾನ್ ಬ್ರಾಡ್ಮನ್ ಕೇವಲ 3 ಓವರ್‌ಗಳಲ್ಲಿ ಪಂದ್ಯವೊಂದರಲ್ಲಿ ಶತಕ ಗಳಿಸಿರುವ ಬಗ್ಗೆ ನಿಮಗೆ ತಿಳಿದಿದೆಯೇ?

 

ಡಾನ್ ಬ್ರಾಡ್ಮನ್ 1931 ರಲ್ಲಿ ಬ್ಲ್ಯಾಕ್‌ಹೀತ್ XI ಗಾಗಿ ದೇಶೀಯ ಕ್ರಿಕೆಟ್ ಪಂದ್ಯವನ್ನು ಆಡುತ್ತಿದ್ದರು. ಈ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಈ ಅನುಭವಿ ಆಟಗಾರ ಲಿಥೋ ತಂಡದ ಬೌಲರ್‌ಗಳನ್ನು ಅಮಾನುಷವಾಗಿ ಸೋಲಿಸಿದ್ದರು. ಈ ಪಂದ್ಯದಲ್ಲಿ ಬ್ರಾಡ್ಮನ್ ಕೇವಲ 3 ಓವರ್ಗಳಲ್ಲಿ ಶತಕ ದಾಖಲಿಸಿದ್ದರು. ಕೇವಲ 22 ಎಸೆತಗಳಲ್ಲಿ ಶತಕ ಪೂರೈಸಿದರು. ಈ ಪಂದ್ಯದಲ್ಲಿ ಅವರು ಒಟ್ಟು 256 ರನ್‌ಗಳ ಇನ್ನಿಂಗ್ಸ್‌ ಆಡಿದ್ದರು.

ಆಗ ಕ್ರಿಕೆಟ್‌ನಲ್ಲಿ ಒಂದು ಓವರ್‌ನಲ್ಲಿ 6 ಅಲ್ಲ 8 ಎಸೆತಗಳನ್ನು ಎಸೆಯಲಾಗುತ್ತಿತ್ತು. ಇಂತಹ ಪರಿಸ್ಥಿತಿಯಲ್ಲಿ ಬ್ರಾಡ್‌ಮನ್ ಶತಕ ಸಿಡಿಸಿದ್ದು 18ರಲ್ಲಲ್ಲ 24 ಎಸೆತಗಳಲ್ಲಿ. ಡಾನ್ ಬ್ರಾಡ್ಮನ್ ಮೊದಲ ಓವರ್‌ನಲ್ಲಿ 33 ರನ್, ಎರಡನೇ ಓವರ್‌ನಲ್ಲಿ 40 ರನ್ ಮತ್ತು ಮೂರನೇ ಓವರ್‌ನಲ್ಲಿ 27 ರನ್ ಗಳಿಸಿದರು. ಅವರ ವಿನಾಶಕಾರಿ ಇನ್ನಿಂಗ್ಸ್‌ನಲ್ಲಿ, ಬ್ರಾಡ್‌ಮನ್ ಒಟ್ಟು 14 ಸಿಕ್ಸರ್‌ಗಳು ಮತ್ತು 29 ಬೌಂಡರಿಗಳನ್ನು ಹೊಡೆದರು.

ಬ್ರಾಡ್ಮನ್ ರನ್ ಗಳಿಸಿದ್ದು ಹೇಗೆ?

 ಮೊದಲ ಓವರ್ - 6,6,4,2,4,4,6,1  ಎರಡನೇ ಓವರ್ - 6,4,4,6,6,4,6,4  ಮೂರನೇ ಓವರ್ - 6,6,1,4,4,6

ಆಸ್ಟ್ರೇಲಿಯಾದ ಮಾಜಿ ಬ್ಯಾಟ್ಸ್‌ಮನ್ ಡಾನ್ ಬ್ರಾಡ್‌ಮನ್ 1928 ಮತ್ತು 1948 ರ ನಡುವೆ ಒಟ್ಟು 52 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಈ ಅವಧಿಯಲ್ಲಿ, ಅವರು ಒಟ್ಟು 80 ಇನ್ನಿಂಗ್ಸ್‌ಗಳನ್ನು ಆಡಿದರು ಮತ್ತು 99.9 ಸರಾಸರಿಯೊಂದಿಗೆ ಒಟ್ಟು 6996 ರನ್‌ಗಳನ್ನು ಗಳಿಸಿದರು. ಇದರಲ್ಲಿ ಅವರು 29 ಶತಕ ಮತ್ತು 13 ಅರ್ಧ ಶತಕಗಳನ್ನು ಸಹ ಗಳಿಸಿದ್ದಾರೆ. ಈ ಅವಧಿಯಲ್ಲಿ 681 ಬೌಂಡರಿಗಳು ಮತ್ತು 6 ಸಿಕ್ಸರ್‌ಗಳು ಬ್ರಾಡ್‌ಮನ್ ಅವರ ಬ್ಯಾಟ್‌ನಿಂದ ಕಂಡುಬಂದವು.

 

ಬ್ರಾಡ್ಮನ್ ತಮ್ಮ ವೃತ್ತಿಜೀವನದಲ್ಲಿ 12 ದ್ವಿಶತಕ ಮತ್ತು 2 ಟ್ರಿಪಲ್ ಶತಕಗಳನ್ನು ಗಳಿಸಿದ್ದರು. ಅಲ್ಲದೆ 10 ಬಾರಿ ಔಟಾಗಿರಲಿಲ್ಲ. ಬೌಲಿಂಗ್ ವೇಳೆ 3 ವಿಕೆಟ್ ಪಡೆದರು. ಅವರ ಎಕಾನಮಿಯು 2.73 ಆಗಿತ್ತು.

 

ಇನ್ನೊಂದೆಡೆ ಡಾನ್ ಬ್ರಾಡ್ಮನ್ ಧರಿಸಿದ್ದ ಕ್ಯಾಪ್ ಇಂದು ಸಿಡ್ನಿಯಲ್ಲಿ ಹರಾಜಾಗಲಿದ್ದು, ಬ್ಯಾಗ್ಗಿ ಗ್ರೀನ್ ಕ್ಯಾಪ್ 260,000 ಯು.ಎಸ್. ಡಾಲರ್‌ಗೆ (ಸುಮಾರು 2.2 ಕೋಟಿ ರೂ.)ಹರಾಜಾಗುವ ಸಾಧ್ಯತೆಯಿದೆ ಎನ್ನಲಾಗಿದೆ. ಬ್ರಾಡ್ಮನ್ ತಮ್ಮ ಅತ್ಯಂತ ಯಶಸ್ವಿ ಸರಣಿಯಲ್ಲಿ ಧರಿಸಿರುವ ಬ್ಯಾಗಿ ಗ್ರೀನ್ ಕ್ಯಾಪ್‌ ಇದಾಗಿದೆ ಎಂದು ಕ್ಯಾಪ್ ಹರಾಜು ಮಾಡಲಿರುವ ಬೋನ್‌ಹ್ಯಾಮ್ಸ್ ಹೇಳಿದ್ದಾರೆ.