10 ಗಂಟೆ ಬ್ಯಾಟಿಂಗ್‌, 640 ಎಸೆತ, 325 ರನ್... ಕ್ರೀಸ್‌ ಬಿಟ್ಟು ಕದಲದೆ ಸುದೀರ್ಘ ಇನ್ನಿಂಗ್ಸ್ ಆಡಿದ ದಾಂಡಿಗ! ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ತ್ರಿಶತಕ ಬಾರಿಸಿದ ಮೊದಲ ಬ್ಯಾಟ್ಸ್‌ಮನ್ ಈತನೇ
ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಮೊದಲ ತ್ರಿಶತಕ ಬಾರಿಸಿದ್ದು 94 ವರ್ಷಗಳ ಹಿಂದೆ. ಡೊನಾಲ್ಡ್ ಬ್ರಾಡ್‌ಮನ್‌ಗಿಂತ ಮುಂಚೆಯೇ ಆಂಗ್ಲ ಬ್ಯಾಟ್ಸ್‌ಮನ್ ಒಬ್ಬರು ಇತಿಹಾಸ ಸೃಷ್ಟಿಸಿ ಈ ಇನ್ನಿಂಗ್ಸ್ ಆಡಿದ್ದರು.
ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ತ್ರಿಶತಕ ಬಾರಿಸಿದ ಬ್ಯಾಟ್ಸ್‌ಮನ್‌ಗಳ ಬಗ್ಗೆ ಮಾತನಾಡುವುದಾದರೆ, ಯಾವುದೇ ಕ್ರಿಕೆಟ್ ಅಭಿಮಾನಿಗಳ ಮನಸ್ಸಿನಲ್ಲಿ ಡಾನ್ ಬ್ರಾಡ್ಮನ್ ಮತ್ತು ಬ್ರಿಯಾನ್ ಲಾರಾ ಅವರ ಹೆಸರುಗಳು ಮೊದಲು ಬರುತ್ತವೆ. ಆದರೆ ಮೊದಲ ಟ್ರಿಪಲ್ ಶತಕ ಗಳಿಸಿದ ಬ್ಯಾಟ್ಸ್‌ಮನ್ ಬಗ್ಗೆ ಕೆಲವೇ ಜನರಿಗೆ ತಿಳಿದಿರುತ್ತದೆ.
1930ರಲ್ಲಿ ಇಂಗ್ಲೆಂಡ್‌ನ ಮಾಜಿ ಕ್ರಿಕೆಟಿಗ ಆಂಡಿ ಸ್ಯಾಂಡಮ್ ವೆಸ್ಟ್ ಇಂಡೀಸ್ ವಿರುದ್ಧ ತ್ರಿಶತಕ ಬಾರಿಸಿದ್ದರು. ಇದುವೇ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಮೊದಲ ತ್ರಿಶತಕವಾಗಿದೆ.
ಟೆಸ್ಟ್‌ನಲ್ಲಿ ಮೊದಲ ತ್ರಿಶತಕ ಬಾರಿಸಿದ ಬ್ಯಾಟ್ಸ್‌ಮನ್‌ನ ಹೆಸರು ಆಂಡಿ ಸ್ಯಾಂಡಮ್. ಈ ಮಾಜಿ ಇಂಗ್ಲೆಂಡ್ ಕ್ರಿಕೆಟಿಗ 1930 ರಲ್ಲಿ ಈ ದಾಖಲೆ ಮಾಡುವ ಮೂಲಕ ವಿಶ್ವ ಕ್ರಿಕೆಟ್‌ನಲ್ಲಿ ಸಂಚಲನ ಮೂಡಿಸಿದ್ದರು. ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್‌ನಲ್ಲಿ ಸ್ಯಾಂಡಮ್ ಈ ತ್ರಿಶತಕ ಗಳಿಸಿದ್ದರು. 325 ರನ್‌ಗಳ ಮ್ಯಾರಥಾನ್ ಇನ್ನಿಂಗ್ಸ್‌ನಲ್ಲಿ ವೆಸ್ಟ್ ಇಂಡೀಸ್ ಬೌಲರ್‌ಗಳನ್ನು ಬೆಂಡೆತ್ತಿದ್ದರು ಎಂದರೆ ತಪ್ಪಾಗಲ್ಲ.
ಈ ಸುದೀರ್ಘ ಇನ್ನಿಂಗ್ಸ್‌ನಲ್ಲಿ 28 ಬೌಂಡರಿಗಳೂ ಸೇರಿದ್ದವು. 600 ನಿಮಿಷಗಳ ಕಾಲ ಕ್ರೀಸ್‌ನಲ್ಲಿದ್ದ ಅವರು, 640 ಎಸೆತಗಳನ್ನು ಎದುರಿಸಿ ಕುತೂಹಲಕಾರಿಯಾಗಿ, ಟೆಸ್ಟ್ ಇತಿಹಾಸದಲ್ಲ ಮೊದಲ ಟ್ರಿಪಲ್ ಸೆಂಚುರಿ ಬಾರಿಸಿದ್ದರು. ಸ್ಯಾಂಡಮ್ ತನ್ನ ಕೊನೆಯ ಪಂದ್ಯದಲ್ಲಿ ಈ ಸಾಧನೆ ಮಾಡಿದ್ದರು. ಆದರೆ ಅವರ ಅಂತರರಾಷ್ಟ್ರೀಯ ವೃತ್ತಿಜೀವನವು ಹೆಚ್ಚು ಕಾಲ ಉಳಿಯಲಿಲ್ಲ.
ಆಂಡಿ ಸ್ಯಾಂಡಮ್ ಅವರ ಅಂತರರಾಷ್ಟ್ರೀಯ ವೃತ್ತಿಜೀವನವು ಕೇವಲ 14 ಪಂದ್ಯಗಳಲ್ಲಿ ಕೊನೆಗೊಂಡಿತು. 1921 ರಲ್ಲಿ, ಈ ಕ್ರಿಕೆಟಿಗ ಆಸ್ಟ್ರೇಲಿಯಾ ವಿರುದ್ಧದ ಓವಲ್ ಟೆಸ್ಟ್ ಪಂದ್ಯದಲ್ಲಿ ಪಾದಾರ್ಪಣೆ ಮಾಡಿದರು. 1930 ರಲ್ಲಿ ಕಿಂಗ್‌ಸ್ಟನ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ತಮ್ಮ ಕೊನೆಯ ಪಂದ್ಯವನ್ನು ಆಡಿದರು. ಈ ಅವಧಿಯಲ್ಲಿ ಅವರು 14 ಪಂದ್ಯಗಳನ್ನು ಆಡಿದ್ದು ಒಟ್ಟು 879 ರನ್ ಗಳಿಸಿದರು. ಇದರಲ್ಲಿ 2 ಶತಕ ಮತ್ತು 3 ಅರ್ಧ ಶತಕಗಳು ಸೇರಿವೆ.
ಅದ್ಭುತವಾದ ಪ್ರಥಮ ದರ್ಜೆ ವೃತ್ತಿಜೀವನವನ್ನು ಹೊಂದಿದ್ದ ಅವರು 643 ಪಂದ್ಯಗಳನ್ನು ಆಡಿದ್ದು, ಅದರಲ್ಲಿ 41284 ರನ್ ಗಳಿಸಿದ್ದಾರೆ. ಇದರಲ್ಲಿ 107 ಶತಕಗಳು ಮತ್ತು 165 ಅರ್ಧ ಶತಕಗಳು ಸೇರಿವೆ.
ದಂತಕಥೆ ಡಾನ್ ಬ್ರಾಡ್‌ಮನ್‌ಗಿಂತ ಮುಂಚೆಯೇ ಆಂಡಿ ಸ್ಯಾಂಡಮ್ ಟೆಸ್ಟ್‌ನಲ್ಲಿ ಟ್ರಿಪಲ್ ಶತಕ ಗಳಿಸಿದ್ದರು. ಬ್ರಾಡ್ಮನ್ 1930 ರಲ್ಲಿ ಟ್ರಿಪಲ್ ಸೆಂಚುರಿ ಬಾರಿಸಿದ್ದರೆ, ಸ್ಯಾಂಡಮ್ ಅವರಿಗಿಂತ ಮುಂಚೆಯೇ ಈ ದಾಖಲೆ ಬರೆದಿದ್ದಾರೆ.