“ನಾನು ಐಶ್ವರ್ಯಾಗೆ ತಾಳಿ ಕಟ್ಟಿದ್ದು ಇದೇ ಕಾರಣಕ್ಕೆ.. ವಿನಃ ಇನ್ನೇನು ಅಲ್ಲ”- ವಿಚ್ಛೇದನ ವದಂತಿ ಮಧ್ಯೆ ಅಭಿಷೇಕ್ ಬಚ್ಚನ್ ಸೆನ್ಸೇಷನಲ್ ಕಮೆಂಟ್

16 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಲು ಐಶ್ವರ್ಯಾ ರೈ ಹಾಗೂ ಅಭಿಷೇಕ್ ಸಿದ್ಧರಾಗಿದ್ದಾರೆ ಎಂದು ಕೆಲ ಮಾಧ್ಯಮಗಳು ವದಂತಿ ಹಬ್ಬಿಸಿದ್ದವು. ಈ ಬೆನ್ನಲ್ಲೇ ಐಶ್ವರ್ಯಾ ರೈ ಅವರನ್ನು ತಾನು ವಿವಾಹವಾಗಿದ್ದೇಕೆ ಎಂಬ ವಿಷಯವನ್ನು ಬಹಿರಂಗಪಡಿಸಿರುವ ಅಭಿಷೇಕ್ ಅವರ ಸಂದರ್ಶನದ ವಿಡಿಯೋ ವೈರಲ್ ಆಗಿದೆ.

ಐಶ್ವರ್ಯಾ ರೈ ಹಾಗೂ ಅಭಿಷೇಕ್ ಬಚ್ಚನ್ ಅವರದ್ದು ಲವ್ ಕಂ ಅರೇಂಜ್ಡ್ ಮ್ಯಾರೇಜ್. ಜನವರಿ 2007ರಂದು ನ್ಯೂಯಾರ್ಕ್’​ನ ಹೋಟೆಲ್ ಒಂದರಲ್ಲಿ ನಟ ಅಭಿಷೇಕ್, ಐಶ್ವರ್ಯಾಗೆ ಪ್ರೇಮ ನಿವೇದನೆ ಮಾಡಿದ್ದರಂತೆ.

ಉಮ್ರಾವ್ ಜಾನ್ ಸಿನಿಮಾ ಶೂಟಿಂಗ್ ವೇಳೆ ಇವರಿಬ್ಬರಿಗೆ ಪ್ರೀತಿಯಾಗಿದ್ದು, ಬಳಿಕ ಮದುವೆಯಾಗಲು ಈ ಜೋಡಿ ನಿರ್ಧರಿಸಿದ್ದರು.

ಅಂದಹಾಗೆ 2014 ರಲ್ಲಿ 'ಕಾಫಿ ವಿತ್ ಕರಣ್' ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗವಹಿಸಿದ್ದ ಅಭಿಷೇಕ್ ಬಚ್ಚನ್, ಐಶ್ವರ್ಯಾರನ್ನು ತಾನು ಯಾವ ಕಾರಣಕ್ಕೆ ಮದುವೆಯಾದೆ ಎಂಬ ಶಾಕಿಂಗ್ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ.

“ಐಶ್ವರ್ಯಾ ನಿಮ್ಮನ್ನೇ ಯಾಕೆ ಮದುವೆಯಾದ್ರು?” ಎಂದು ಈ ಕಾರ್ಯಕ್ರಮದ ಹೋಸ್ಟ್ ಆಗಿದ್ದ ಕರಣ್ ಜೋಹರ್, ಪ್ರಶ್ನೆ ಕೇಳಿದ್ದರು. ಇದಕ್ಕೆ ಉತ್ತರಿಸಿದ ಅಭಿಷೇಕ್, “ನಾನು ಅಮಿತಾಭ್ ಬಚ್ಚನ್ ಮಗ ಎಂದಾಗಲಿ ಅಥವಾ ನಟ ಎಂಬ ಕಾರಣಕ್ಕಾಗಲಿ ಐಶ್ವರ್ಯ ನನ್ನನ್ನು ಮದುವೆಯಾಗಲಿಲ್ಲ. ಆಕೆ ವಿಶ್ವಸುಂದರಿ. ಪ್ರಖ್ಯಾತ ನಟಿಯೂ ಹೌದು. ಆದರೆ ಈ ಎಲ್ಲಾ ವಿಷಯ ನೋಡಿಕೊಂಡು ಆಕೆಯನ್ನು ನಾನು ಮದುವೆಯಾಗಿಲ್ಲ” ಎಂದಿದ್ದಾರೆ.

“ಬದಲಾಗಿ ನಾವು ಪರಸ್ಪರ ಪ್ರೀತಿಸುತ್ತಿದ್ದೆವು. ಇದೇ ಕಾರಣಕ್ಕೆ ನಾನು ಅವಳಿಗೆ ತಾಳಿ ಕಟ್ಟಿದೆ. ವಿನಃ ಬೇರೆನೂ ಅಲ್ಲ” ಎಂದು ಹೇಳಿದ್ದಾರೆ.