ನಮ್ರತಾ ಗೌಡ ಫಿನಾಲೆ ಟಿಕೆಟ್‌ ಮಿಸ್‌! ವಿನಯ್‌ ಮಾತು ಕೇಳಿ ಯಾಮಾರಿದ್ರಾ?
ಬಿಗ್‌ ಬಾಸ್‌ ಈ ವಾರ ಸ್ಪರ್ಧಿಗಳಿಗೆ ಒಂದು ಅದ್ಭುತ ಅವಕಾಶ ನೀಡಿದ್ದಾರೆ. ಈ ವಾರ ನೀಡುವ ಟಾಸ್ಕ್‌ಗಳನ್ನು ಆಡಿ ವಾರದ ಕೊನೆಯಲ್ಲಿ ಅತಿ ಹೆಚ್ಚು ಅಂಕ ಹೊಂದಿರುವ ಸ್ಪರ್ಧಿ ಫಿನಾಲೆಗೆ ಡೈರೆಕ್ಟ್‌ ಎಂಟ್ರಿ ಪಡೆಯಲಿದ್ದಾರೆ.
ಈ ವಾರದ ಮೊದಲ ಟಾಸ್ಕ್‌ನ್ನು ಬಿಗ್‌ ಬಾಸ್‌ ನಮ್ರತಾ ಗೌಡ ಅವರಿಗೆ ನೀಡಿದ್ದರು. ಬ್ಯಾಲೆನ್ಸಿಂಗ್‌ ಆಟದಲ್ಲಿ ತಮ್ಮೊಟ್ಟಿಗೆ ಆಡಲು ಮೂವರು ಸ್ಪರ್ಧಿಗಳನ್ನು ಆಯ್ಕೆ ಮಾಡಲು ಬಿಗ್‌ ಬಾಸ್‌ ತಿಳಿಸಿದ್ದರು.
ನಮ್ರತಾ ಈ ವಿಚಾರವಾಗಿ ವಿನಯ್‌ ಜೊತೆ ಚರ್ಚಿಸುತ್ತಾರೆ. ಬಳಿಕ ವಿನಯ್‌ ನೀಡಿದ ಸಲಹೆಯ ಅನುಸಾರ ಸಂಗೀತಾ, ಪ್ರತಾಪ್‌, ವರ್ತೂರು ಸಂತೋಷ್‌ ಅವರನ್ನು ಈ ಟಾಸ್ಕ್ ಆಡಲು ಆಯ್ಕೆ ಮಾಡುತ್ತಾರೆ.
ಈ ಟಾಸ್ಕ್‌ನಲ್ಲಿ ಎಲ್ಲರೂ ವರ್ತೂರ್‌ ಸೋಲುತ್ತಾರೆಂದೇ ಭಾವಿಸಿರುತ್ತಾರೆ. ಆದರೆ ಉಲ್ಟಾ ಪಲ್ಟಾ ಆಗಿ ಹೋಗುತ್ತದೆ. ವರ್ತೂರ್‌ ಗೆಲುವು ಸಾಧಿಸುತ್ತಾರೆ.
ಈ ಟಾಸ್ಕ್ ಶುರುವಾದ ಬೆನ್ನಲ್ಲೇ ನಮ್ರತಾ ಗೌಡ ಔಟ್‌ ಆಗುತ್ತಾರೆ. ಟಾಸ್ಕ್ ನಲ್ಲಿ ಮೊದಲ ಸ್ಥಾನ ಪಡೆದವರಿಗೆ 100 ಅಂಕ ಕೊನೆಯ ಸ್ಥಾನ ಪಡೆದವರಿಗೆ ಯಾವುದೇ ಅಂಕ ಇಲ್ಲ ಎಂದು ಬಿಗ್‌ ಬಾಸ್‌ ಹೇಳಿರುತ್ತಾರೆ.
ಬಿಗ್‌ ಬಾಸ್‌ ಆದೇಶದ ಪ್ರಕಾರ ನಮ್ರತಾ ಗೌಡಗೆ ಯಾವುದೇ ಅಂಕ ಸಿಗುವುದಿಲ್ಲ. ತಮಗೆ ಸಿಕ್ಕ ಅವಕಾಶದಲ್ಲಿ ತಮ್ಮ ತಲೆ ಉಪಯೋಗಿಸದೇ ವಿನಯ್‌ ಸಲಹೆ ಪಡೆದದ್ದೇ ತಪ್ಪು ಎಂದು ಬಿಗ್‌ ಬಾಸ್‌ ಪ್ರೇಕ್ಷಕರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.